Ռասել Դրայսդեյլ
Ռասել Դրայսդեյլ | |
---|---|
Ծնվել է | փետրվարի 7, 1912[1][2][3][…] |
Ծննդավայր | Բոգնոր Ռիջիս, Arun, Արևմտյան Սասեքս, Անգլիա, Մեծ Բրիտանիայի և Իռլանդիայի միացյալ թագավորություն |
Վախճանվել է | հունիսի 29, 1981[1][2][3][…] (69 տարեկան) |
Մահվան վայր | Սիդնեյ, Ավստրալիա |
Քաղաքացիություն | Ավստրալիա |
Կրթություն | Գրան–Շոմիե ակադեմիա |
Մասնագիտություն | նկարիչ |
Ժանր | դիմապատկեր |
Թեմաներ | գեղանկարչություն |
Ուշագրավ աշխատանքներ | The Drover's Wife?, The cricketers?, Sofala? և West Wyalong? |
Պարգևներ | |
Russell Drysdale Վիքիպահեստում |
Սըր Ջորջ Ռասել Դրայսդեյլ, (անգլ.՝ Sir George Russell Drysdale, փետրվարի 7, 1912[1][2][3][…], Բոգնոր Ռիջիս, Arun, Արևմտյան Սասեքս, Անգլիա, Մեծ Բրիտանիայի և Իռլանդիայի միացյալ թագավորություն - հունիսի 29, 1981[1][2][3][…], Սիդնեյ, Ավստրալիա), հայտնի է նաև Թասս Դրայսդեյլ (Tass Drysdale) անունով, 20-րդ դարի ավստրալիացի նկարիչ։ 1947 թվականին իր «Սոֆալա» («Sofala») աշխատանքի համար արժանացել է հեղինակավոր Wynne Prize մրցանակի[5][6]։ Նրան է վերապահվել Վենետիկի 1954 թվականի բիենալեում Ավստրալիան ներկայացնելու պատիվը։ Արվեստաբանների եզրահանգմամբ՝ Ռասսել Դրայսդեյլը կրել է աբստրակտ ու սյուրռեալիստական արվեստների ազդեցությունը և ստեղծել ավստրալիական իրականության նորահայաց պատկերավորում, որը նույնքան հեղափոխիչ է և ազդունակ, որքան Թոմ Ռոբերտսի արվեստը[7]։
Կենսագրություն
[խմբագրել | խմբագրել կոդը]Ծնվել է 1912 թվականի փետրվարի 7-ին, Անգլիայի Սասեքս կոմսության Բոգնոր Ռիջիս քաղաքում։ 1923 թվականին ընտանիքով տեղափոխվել է Ավստրալիա, բնակություն հաստատել Մելբուռն քաղաքում։ Ռասելը սովորել է Գիլոնգի դպրոցում։ Նա տեսողության հետ կապված խնդիրներ է ունեցել, որոնք ուղեկցել են նրան մինչև իր կյանքի ավարտը։ Հենց այդ հանգամանքն է խանգարել, որ կամավոր, իր դիմումի համաձայն անցնի զինվորական ծառայության[8]։
Դրայսդեյլն աշխատել է Քվինսլենդում՝ քեռուն պատկանող ագարակում, այնուհետև անասնապահի օգնական է եղել Վիկտորիայում[5]։ Նկարիչ և արվեստաբան-քննադատ Դերիլ Լինդսեյի հետ ունեցած պատահական հանդիպումը նրա մեջ հույսեր է արթնացրել իր ունակություններն ու ուժերը փորձելու կերպարվեստի ասպարեզում։ 1935-ից մինչև 1938 թվականը Մելբուռնում աշակերտել է մոդեռնիստ նկարիչ, մանկավարժ Ջորջ Բելլին, 1938-1939 թվականներին մի քանի անգամ տևական ժամանակահատվածներով այցելել է Եվրոպա, հաճախել Լոնդոնի ժամանակակից արվեստի գրոսվենորյան դպրոցի (The Grosvenor School Of Modern Art) և Փարիզի Շոմիեր ակադեմիայի (Académie de la Grande Chaumière) պարապմունքներին ու դասախոսություններին[9][10]։ 1939 թվականի հունիսին, երբ երրորդ անգամ է Եվրոպայից վերադարձել հայրենի եզերք, Դրայսդեյլն Ավստրալիայում արդեն որոշակի ճանաչում էր ձեռք բերել՝ որպես փայլուն հույսեր ներշնչող, նորահայտ տաղանդ։
1947 թվականին Ջորջ Ռասել Դրայսդեյլն իր «Սոֆալա» կտավի համար արժանացել է կերպարվեստի ասպարեզի ամենահեղինակավոր մրցանակներից մեկին՝ Wynne Prize-ի։ 1954 թվականին էլ հենց նրան են վստահել ներկայացնելու Ավստրալիան Վենետիկի հանրահայտ բիենալեում։ Արժևորելով արվեստում նրա ներդրած ծանրակշիռ ավանդը՝ Մեծ Բրիտանիայի թագուհին 1969 թվականին նրան շնորհել է ասպետի կոչում[11], Ավստրալիայի կառավարությունն էլ 1980 թվականին պարգևատրել է Order of Australia (civil / general division) շքանշանով[12]։
Բացի վերոնշյալ «Սոֆալա»-ից, Ռասել Դրայսդեյլի լավագույն աշխատանքներից են համարվում հետևյալ կտավները.
- «Երկուշաբթի։ Առավոտ» (1938, Մետրոպոլիտեն թանգարան, Նյու Յորք);
- «Պատերազմի հուշարձանը» (1950, Թեյթ պատկերասրահ, Լոնդոն);
- «Ավերված ալրաղաց» (մասնավոր հավաքածու);
- «Ժայռեղեն ուղի» (բնանկար, Նոր Հարավային Ուելսի գեղարվեստական պատկերասրահ, Սիդնեյ)[10]։
Գրականություն
[խմբագրել | խմբագրել կոդը]- Klepac, Lou (1983). The Life and Work of Russell Drysdale. Bay Books. ISBN 0-85835-685-6.. Republished as Russell Drysdale in 1996 by Murdoch Books (0864115237)
- Smith, Geoffrey (1997). Russell Drysdale 1912–81. National Gallery of Victoria. ISBN 0-7241-0197-7.
- Dutton, Geoffrey (1981). Russell Drysdale: A Biographical and Critical Study. Angus & Robertson. ISBN 0-207-14430-3.
- Dutton, Geoffrey (1989). Russell Drysdale 1912–1981: A Biographical Sketch. Mallard Press. ISBN 1-86325-801-9.
- Drysdale, Russell (1974). Russell Drysdale's Australia. Ure Smith. ISBN 0-7254-0212-1.
- Drysdale, Russell (1981). Drysdale Drawings (1935–1980: 16–31 March 1981). Melbourne: Joseph Brown Gallery. ISBN 0-9595056-1-X.
- Drysdale, Russell (1985). Russell Drysdale: Paintings, 1940–1972. New South Wales: S.H. Ervin Museum and Art Gallery, National Trust of Australia. ISBN 0-909723-63-X.
- Da Costa, Caroline (1989). Russell Drysdale and Donald Friend : works on paper and selected paintings by two highly acclaimed Australian artists, 23 November – 16 December 1989. Savill Galleries. ISBN 0-9587524-1-9. OCLC 27615173.
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Encyclopædia Britannica
- ↑ 2,0 2,1 2,2 2,3 2,4 Բրոքհաուզի հանրագիտարան (գերմ.)
- ↑ 3,0 3,1 3,2 3,3 3,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Australian Honours Search Facility
- ↑ 5,0 5,1 Short, John Rennie (2005). Imagined Country: Environment, Culture, and Society. Syracuse University Press. էջ 211. ISBN 0-8156-2954-0.
- ↑ Drysdale, Russell (1947). «Sofala». AGNSW collection record. Art Gallery of New South Wales. Վերցված է 2016 թ․ մայիսի 9-ին.
- ↑ Osborne, Harold, ed. (1970) Oxford Companion to Art, Oxford, Oxford University Press
- ↑ Australian Dictionary of Biography. Retrieved 21 December 2017
- ↑ «Drysdale, Russell (1912–1981)». Australian War Memorial. Արխիվացված է օրիգինալից 2007 թ․ սեպտեմբերի 8-ին. Վերցված է 2007 թ․ օգոստոսի 10-ին.
- ↑ 10,0 10,1 «Исскуство стран и народов мира. Краткая художественная энциклопедия». Советская энциклопедия. Москва. 1962. Том. 1. стор. 11.(ռուս.)
- ↑ (անգլերեն)Sito web del Dipartimento del Primo Ministro e del Governo: dettaglio decorato.
- ↑ (անգլերեն)Sito web del Dipartimento del Primo Ministro e del Governo: dettaglio decorato.
Արտաքին հղումներ
[խմբագրել | խմբագրել կոդը]- Russell Drysdale at the Art Gallery of New South Wales
- NGV/ABC Drysdale exhibition (also available at ngv.vic.gov.au). Contains biography and images of many of Drysdale's works.
- A football game 1943 Արխիվացված 2020-09-19 Wayback Machine - Ballarat Fine Art Gallery
- Russell Drysdale on Artabase. The Bath 1941 Արխիվացված 2012-03-26 Wayback Machine
Վիքիպահեստն ունի նյութեր, որոնք վերաբերում են «Ռասել Դրայսդեյլ» հոդվածին։ |
|