Դաղձ դաշտային

Վիքիպեդիայից՝ ազատ հանրագիտարանից
Jump to navigation Jump to search
Դաղձ դաշտային
Mentha arvensis - põldmünt Keila.jpg
Գիտական դասակարգում
Բաժին Ծածկասերմեր
Ընտանիք Խուլեղինջազգիներ
Տեսակ Դաղձ դաշտային
Լատիներեն անվանում
Mentha arvensis
Հատուկ պահպանություն

Դաղձ դաշտային (լատ.՝ Mentha arvensis), խուլեղինջազգիների ընտանիքին պատկանող դեղաբույս։

Նկարագրություն[խմբագրել | խմբագրել կոդը]

20-40 սմ բարձրությամբ, երկար կոճղարմատով, մազիկներով և գեղձերով ծածկված բազմամյա բուրավետ խոտաբույս է։ Հակադիր կոթունավոր ձվաձև կամ երկարավուն տերևները ատամնաեզր են։ Մանուշակագույն կամ վարդագույն մանր ծաղիկները հավաքված են հասկանման ծաղկաբույլերում։ Բաժակն ունի կարճ եռանկյունաձև ատամիկներ, պսակի ստորին մասը խողովակաձև է, իսկ վերինը՝ զանգականման։ Պտուղները մանր ձվաձև ընկուզիկներ են[1]։

Տարածվածություն[խմբագրել | խմբագրել կոդը]

Աճում է ստորին և միջին լեռնային գոտիների գետափերին, ճահիճներում և խոնավ մարգագետիններում։ Տարածված է Արագածոտնի, Գեղարքունիքի, Արարատի, Լոռու և Տավուշի մարզերում։ Մեղրատու բույս է[1]։

Նշանակություն[խմբագրել | խմբագրել կոդը]

Բուժական նպատակներով օգտագործում են կանաչ զանգվածն ու ծաղիկները։ Տերևների և ցողունի մակերեսին կան մանր գեղձիկներ, ուր կուտակվում է մենթոլ պարունակող եթերային յուղ։ Ծաղիկներից, ցողուններից և տերևներից պատրաստում են թեյ և հրուշակողենի որոշ տեսակների համար համեմունք[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Ծատուրյան Թամարա, Գևորգյան Մարգարիտա (2014)։ Պողոսյան Ա․, Զաքարյան Ն․, eds.։ Հայաստանի վայրի դեղաբույսեր (հայերեն)։ Երևան: Լուսակն։ էջ 315։ ISBN 9789939834689