Գրիգոր Գաբրիելյանց

Վիքիպեդիայից՝ ազատ հանրագիտարանից
Jump to navigation Jump to search
Գրիգոր Արկադիի Գաբրիելյանց
2017-GrigoriGabrielyants.jpg
.
Ծնվել էմարտի 2, 1934 (85 տարեկան)
Բաքու
ԱզգությունՀայ
Մասնագիտություներկրաբանություն
Ալմա մատերԱրդբեջանի պետական նավթային ակադեմիա
Գիտական աստիճանԵրկրաբանա-հանքաբանական գիտությունների դոկտոր և պրոֆեսոր
ՊարգևներԱնանիա Շիրակացու մեդալ ԽՍՀՄ պետական մրցանակ «Պատվո նշան» շքանշան «Աշխատանքի վետերան» մեդալ ԺՏՆՑ ոսկե մեդալ ԺՏՆՑ բրոնզե մեդալ և Jubilee Medal "300 Years of the Russian Navy"?

Գրիգոր Արկադիի Գաբրիելյանց (1934, մարտի 2, Բաքու), հայ երկրաբան, բարեգործ, երկրաբանահանքաբանական գիտությունների դոկտոր (1973), պրոֆեսոր (1979), ՌԴ բնական ԳԱ անդամ (1996), ՀՀ ԳԱԱ պատվավոր դոկտոր (2002

Կենսագրություն[խմբագրել | խմբագրել կոդը]

1956 թվականին ավարտել է Ադրբեջանի գազի և նավթի ինստիտուտը։ 1965-1989 թվականներին եղել է Համամիութենական 70 նավթային երկրաբանահետախուզական գիտահետազոտական ինստիտուտի բաժնի վարիչի, «Սոյուզգեոֆիզիկա» և «Նեֆտեգեոֆիզիկա» միավորումների գլխավոր տնօրենի տեղակալի, 1987-1989 թվականներին` ԽՍՀՄ համամիութենական նավթային երկրաբանահետախուզական ինստիտուտի տնօրեն, 1989-1991 թվականներին՝ ԽՍՀՄ երկրաբանության նախարար, 1992 թվականից գլխավորում է «Գեոսերվիս» միջազգային գիտատեխնիկական-խորհրդատվական ընկերությունը։ 2010 թվականից՝ ԱՀ Նախագահի խորհրդական[1]:

Գործունեություն[խմբագրել | խմբագրել կոդը]

Աշխատանքները վերաբերում են նավթի և գազի հանքավայրերի երկրաբանական տեսակներին և գործնական հարցերին։ Գաբրիելյանցի առաջին երկրաբանական հետազոտությունները, նվիրված նավթի և գազի կուտակումների որոնման, հետախուզման և հայտնաբերման հարցերին, իրականացվել են սկսած 1950-ական թվականների կեսերից Թուրքմենական ԽՍՀ Երկրաբանական վարչության արշավախմբի, այնուհետև՝ վարչության գլխավոր երկրաբանի պաշտոններում։

Գաբրիելյանցը զբաղվել է նաև մանկավարժական գործունեությամբ Մոսկվայի տարբեր առաջատար բուհերում, ապա լայնածավալ գիտական հետազոտություններով և գիտակազմակերպչական աշխատանքով։

Գաբրիելյանցի սեփական միջոցների հաշվին Մոսկվայի Վագանկովյան գերեզմանոցում տեղակայված է  հուշահամալիր՝ նվիրված Բաքվի հայկական լքված գերեզմաններին (քանդակագործ՝ Ֆրիդ Սողոյան)[2]։ Նրա անմիջական նախաձեռնությամբ և աջակցությամբ Մոսկվայում հրատարակվում է «Առագաստ» հայանպաստ ժողովածուն, Պյատիգորսկում կառուցվել է Սուրբ Սարգիս եկեղեցին և այլն։

Գաբրիելյանցի գործունեության զգալի մի հատված նվիրված է լայնածավալ խորհրդատվական գործունեությանը, կապված տասնյակից ավելի երկրներում՝ Հնդկաստանում, Կուբայում, Մոնղոլիայում, Մոզամբիկում, Լեհաստանում, Եթովպիայում և այլուր, իրականացվող նավթի և գազի որոնողական և հետախուզական աշխատանքների կազմակերպման խնդիրներին։Նա համարվում է Կարակումի և Աստրախանի գազի խոշոր հանքավայրերի հայտնաբերող։

Հեղինակ է շուրջ 160 գիտական հոդվածների, 8 մենագրությունների ու 2 դասագրքերի, նվիրված նավթի և գազի երկրաբանության գիտական հիմունքների մշակման, պաշարների որոնման և հետախուզման հարցերին։

Գաբրիելյանցի ջանքերով Արցախում ստեղծվել է պատկերասրահ, որտեղ ցուցադրված են հայ, ռուս և եվրոպացի մեծանուն վարպետների նշանավոր գործեր, երկրաբանական թանգարան, որի հիմքում դրված է տարբեր միներալների և ապարների նրա անձնական հարուստ հավաքածուն[3][4]։

Պարգևներ[խմբագրել | խմբագրել կոդը]

  • ՀՀ Անանիա Շիրակացու մեդալ
  • «Մեսրոպ Մաշտոց» շքանշան՝ շնորհված ԼՂՀ նախագահի կողմից
  • «Վաչագան Բարեպաշտ» մեդալ՝ շնորհված ԼՂՀ նախագահի կողմից
  • ԽՍՀՄ պետական մրցանակ
  • ԽՍՀՄ ԳԱ Գուբկինի անվան մրցանակ
  • «Բիրմինգհեմյան ջահ» միջազգային մրցանակ
  • «Պատվո նշան» շքանշան
  • «Աշխատանքի վետերան» մեդալ
  • ԺՏՆՑ ոսկե մեդալ

Երկեր[խմբագրել | խմբագրել կոդը]

  • Геология и газоносность Центральных Каракумов, М., 1965
  • Геология нефтяных и газовых месторождений, М.,1979
  • Методика поисков и разведки залежей нефти и газа, М.,1985
  • Региональная геология нефтегазоносных территорий СССР, М.,1991
  • Геология, поиски и разведка нефтяных и газовых месторождений, М., 2001
  • Геология и минеральные ресурсы Нагорно-Карабахской Республики,2011 
  • Теоретические основы нефти и газа, 2 тома, М.,2012 
  • Человек и Камень, М.,2017.

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]