Ֆրիդ Սողոյան

Ֆրիդ Սողոյան;
Ծնվել է	հոկտեմբերի 2, 1936
Ծննդավայր	Լենինական, Հայկական ԽՍՀ, ԱԽՖՍՀ, ԽՍՀՄ
Մահացել է	հուլիսի 31, 2019 (82 տարեկան)
Քաղաքացիություն	ԽՍՀՄ, Հայաստան և Ռուսաստան
Կրթություն	Երևանի թատրոնի և կինոյի պետական ինստիտուտ (1961)
Ստեղծագործություն(ներ)	Երկրորդ համաշխարհային պատերազմում Ուկրաինայի պատմության թանգարան, Նեստորի հուշարձան, Մայր երկիր, «Միացյալ խաչ» հուշարձան, Անմեղ զոհերին, բարեգութ սրտերին և Ստեփան Շահումյանի կիսանդրի
Մասնագիտություն	քանդակագործ
Պարգևներ և ; մրցանակներ	, , , ; , , ; , , և Հայաստանի Հանրապետության ժողովրդական նկարիչ (2017)
	Frid Soghoyan Վիքիպահեստում

Ֆրիդրիխ Մկրտչի Սողոյան, Ֆրիդ (հոկտեմբերի 2, 1936(1936-10-02), Լենինական, Հայկական ԽՍՀ, ԱԽՖՍՀ, ԽՍՀՄ - հուլիսի 31, 2019(2019-07-31)^[1]), հայ քանդակագործ, ՀԽՍՀ վաստակավոր (1981), ՌԴ ժողովրդական նկարիչ (2004), Ուկրաինայի ԽՍՀ արվեստի վաստակավոր գործիչ (1984)։ Հայաստանի ժողովրդական նկարիչ (2017)։

Քանդակագործներ Վահե և Միքայել Սողոյանների հայրը։

Կենսագրություն[խմբագրել | խմբագրել կոդը]

Ֆրիդ Սողոյանը ծնվել է 1936 թվական հոկտեմբերի 2–ին, Գյումրիում։ 1961 թվականին ավարտել է Երևանի գեղարվեստա-թատերական ինստիտուտը։ Ստեղծել է դիմաքանդակներ և մոնումենտալ դեկորատիվ գործեր, որոնք առանձնանում են բնականությամբ, կերպարների ներկա ու հավերժ գոյության շեշտադրումով։

Յուրովի մեկնաբանությամբ է ստեղծել Ստեփան Շահումյանի (1970, Երևան), Սամարղանդի հիմնադրման թանգարանի ճակատամասում՝ Արևելքի մեծ իմաստասերների (1970) արձանները, Հայրենական պատերազմում (1941-1945) զոհված մարտիկների բազմաթիվ հուշարձաններ Հայաստանում, ԼՂՀ-ում, Սամարղանդում և այլուր^[2]^[3]։

Սողոյանի աշխատանքները պահվում են Հայաստանի, Ուկրաինայի, Ռուսաստանի, Ուզբեկստանի, Գերմանիայի, Շվեյցարիայի, Մեծ Բրիտանիայի ու ԱՄՆ-ի մասնավոր հավաքածուներում։

Ստեղծագործություններ[խմբագրել | խմբագրել կոդը]

«Նկարչուհին», 1965,
«Արթիկցի քարհատ բանվոր», 1970,
«Վաստակավոր Երկրաբան Ավետիսյանը», 1971
«Կնոջս դիմաքանդակը», 1971
«Սամարղանդցի հնագետ Ռ. Սուլեյմանով», 1971
«Հորս դիմաքանդակը», 1981
«Արարողը», (1969, տուֆ, Արթիկ),
«Արևածագ», 1970 (Ախուրյանի մուտքի արձանը),
«Նեստոր տարեգիրը» (1987, գրանիտ, Կիև),
«Մայր երկիր» («Հայաստան», 1991, բրոնզ, Վաշինգտոն),
Մոսկվայի 850-ամյակին նվիրված գրանիտե հուշարձանը՝ «Խաչ միացյալ» («Դարերում օրհնյալ է», 1997, Մոսկվա),
Նիկոլայ Ռիժկովի կիսանդրին (1998, բրոնզ, Սպիտակ) և գրանիտե հուշատախտակը Գյումրիում՝ նրա անվան փողոցում (2002)
«Միացյալ խաչ» հուշարձան (2013, գրանիտ, Երևան)