Գուրգեն Ոսկանյան

Գուրգեն Ոսկանյան;
Ծնվել է	հունիսի 11 (23), 1899
Ծննդավայր	Ազատան, Ալեքսանդրապոլի գավառ, Երևանի նահանգ, Ռուսական կայսրություն
Մահացել է	ապրիլի 27, 1971 (71 տարեկան)
Մահվան վայր	Պենզա, ՌԽՖՍՀ, ԽՍՀՄ
Քաղաքացիություն	Ռուսական կայսրություն և ԽՍՀՄ
Կրթություն	Ներսիսյան դպրոց և Պլեխանովի անվան ռուսական տնտեսագիտական համալսարան (1928)
Մասնագիտություն	հեղափոխական, կուսակցական աշխատող և պետական ծառայող
Կուսակցություն	ԽՄԿԿ
Պարգևներ և ; մրցանակներ
Անդամություն	Սպարտակ

Վիքիպեդիայում կան հոդվածներ Ոսկանյան ազգանունով այլ մարդկանց մասին։

Գուրգեն Վահանի Ոսկանյան (հունիսի 11 (23), 1899^[1], Ազատան, Ալեքսանդրապոլի գավառ, Երևանի նահանգ, Ռուսական կայսրություն^[1] - ապրիլի 27, 1971(1971-04-27)^[1], Պենզա, ՌԽՖՍՀ, ԽՍՀՄ^[1]), Անդրկովկասում բոլշևիկյան հեղափոխական շարժումների մասնակից, խորհրդային կուսակցական և պետական աշխատող։ ԽՄԿԿ անդամ 1916 թվականից։ Սովորել է Թիֆլիսի Ներսիսյան դպրոցում, ավարտել Մոսկվայի Գ․ Պլեխանովի անվան ժողովրդական տնտեսագիտության ինստիտուտը (1928)։

Հեղափոխական գործունեության մեջ ներգրավվել է դպրոցական տարիներից։

Աշխատանք

Փետրվարյան հեղափոխությունից հետո ակտիվորեն մասնակցել է աշակերտական և երիտասարդ սոցիալիստ-ինտերնացիոնալիստների միություն («Սպարտակ») կազմակերպության աշխատանքներին։ 1917 թվակականի դեկտեմբերից, Կովկասյան երկրային կոմիտեի հանձնարարությամբ, կուսակցական ընդհատակյա աշխատանք է տարել Ալեքսանդրապոլի զորամասերում, մասնակցել «Պրոլետար» թերթի և Կարմիր գվարդիայի ստեղծմանը։ 1918 թվականին մայիսից, ՌՍԴԲԿ Թիֆլիսի կոմիտեի հանձնարարությամբ, զբաղվել է «Սպարտակ» կազմակերպության վերականգնման և ամրապնդման աշխատանքով։ Եղել է Թիֆլիսի 1920 թվականի մայիսմեկյան ցույցի կազմակերպիչներից է, որի համար ձերբակալվել է և արտաքսվել Բաքու։ 1920 թ.-ի կեսերին տեղափոխվել է Մոսկվա, եղել կոմերիտական շրջկոմի պատասխանատու քարտուղար։ 1921-1935 թթ.-ին կուսակցական աշխատանք է տարել Մոսկվայի քաղաքային և շրջանային, 1935-1941 թվականներին՝ Կալինինի մարզային կուսկոմիտեներում։ Հայրենական մեծ պատերազմի ժամանակ եղել է Ալթայի երկրամասի պլանային հանձնաժողովի նախագահ, 1949 թ.-ից՝ Պենզայի մարզային պլանային հանձնաժողովի նախագահ։ ՌԿ(բ) կ XIII և XIV համագումարների պատգամավոր։

Պարգևներ

Պարգևատրվել է «Պատվո նշան» շքանշանով։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 Հայկական սովետական հանրագիտարան, հատոր 8 (հայ.) — հատոր 8. — էջ 625.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 625)։

[_0f9de2b76279d390-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 Հայկական սովետական հանրագիտարան, հատոր 8 (հայ.) — հատոր 8. — էջ 625.

[1]