Գենա Դիմիտրովա
| Գենա Դիմիտրովա | |
|---|---|
 | |
| Հիմնական տվյալներ | |
| Բնօրինակ անուն | բուլղար․՝ Гeна Димитpова |
| Ի ծնե անուն | Գենա Դիմիտրովա |
| Ծնվել է | մայիսի 6, 1941[1][2][3][…] Բեգլեժ, Բուլղարիա |
| Երկիր |  Բուլղարիա  Իտալիա |
| Մահացել է | հունիսի 11, 2005[1][2][3][…] (64 տարեկան) Միլան, Իտալիա |
| Գերեզման | Սոֆիայի կենտրոնական գերեզմանոց |
| Ժանրեր | սոպրանո |
| Մասնագիտություն | երաժիշտ |
| Երգչաձայն | սոպրանո |
| Գործիքներ | վոկալ |
| Կրթություն | Երաժշտության պետական ակադեմիա |
| Պարգևներ |  |
| Կայք | Կայք |
Գենա Դիմիտրովա (բուլղար․՝ Гeна Димитpова, մայիսի 6, 1941[1][2][3][…], Բեգլեժ, Պլևեն, Պլևենի մարզ, Բուլղարիա - հունիսի 11, 2005[1][2][3][…], Միլան, Իտալիա), բուլղարացի օպերային սոպրանո։
Գենան սկսել է երգել դեռևս երեխա հասակում։ Նրա առաջին ուսուցիչն եղել է Իվան Գենկովը, ով էլ Գենայի համար կանխատեսել է պայծառ ապագա։
Կենսագրություն[խմբագրել | խմբագրել կոդը]
Գենա Դիմիտրովան ծնվել է 1941 թվականի մայիսի 6-ին Բուլղարիայում գտնվող Բեգլեժ փոքրիկ գյուղում։ Մասնագիտացված երաժշտությամբ սկսել է զբաղվել գիմնազիայում։ 1959 թվականին ընդունվել է Բուլղարիայի պետական կոնսերվատորիա, որն էլ ավարտել է 1964 թվականին։
Կոնսերվատորիայի ընդունելության քննությունների ժամանակ հեղինակել է «Հե՛յ, Բալկաններ՝ իմ հայրենիք» երգը, որից հետո անմիջապես ընդունվել է ուսումնական հաստատություն։ Այս տարիներին Գենան զուգահեռ աշխատել է նաև կոնսերվատորիայում, որպես աման լվացող և դա է պատճառը, որ իր հարուստ համակուրսեցիները հաճախ ծիծաղում էին իր վրա։
Գենայի երգի ուսուցչուհին՝ Լիլիանա Ժաբլենսկան ասել է. «Այսօր դուք ծիծաղում եք, իսկ նա լվանում է ճաշասենյակը։ Ամենայն հավանականությամբ դուք ևս մի օր ստիպված կլինեք լվանալ այն»։
Գենան երաժշտության բնագավառում խոշոր վերելք ունեցավ Բուլղարիայի օպերային դպրոցում։ Այս շրջանում Գենան համագործակցել է դասական երաժշտության ասպարեզի մի շարք հսկաների հետ, այդ թվում հայազգի Գեղամ Գրիգորյանի։
Երկարաժամկետ իր կարիերայի ընթացքում Գենա անց է կացրել բազմաթիվ վերապատրաստումներ։ 1964-1966 թվականներին վերապատրաստվել է Բուլղարիայի կոնսերվատորիայում, 1966 թվականին՝ Իտալիայի Միլան քաղաքի «Լա Սկալա» դրամատիկական երաժշտական քոլեջում։
Որպես միջազգային հայտնիություն՝ Գենան վարպետության դասեր է անցկացրել Եվրոպայի մի շարք քաղաքների կոնսերվատորիաներում։ Ուսումնառության նպատակով եղել է Աթենքում, Հռոմում, Բուդապեշտում, Սոֆիայում, Բելգրադում և մի շարք այլ քաղաքներում։ Իր երաժշտական կարիերայի ընթացքում Գենան ունեցել է բազմաթիվ համերգներ։ Նրա նշանավոր աշակերտներն են Ելենա Բարիմովան և Բայեր Դաշնիմը։
Մահացել է 2005 թվականին Միլանում՝ քաղցկեղի համախտանիշով։
Ծանոթագրություններ[խմբագրել | խմբագրել կոդը]
| ||||||||||||||||||||
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Գենա Դիմիտրովա կատեգորիայում։ |
- Մայիսի 6 ծնունդներ
- 1941 ծնունդներ
- Հունիսի 11 մահեր
- 2005 մահեր
- Սոպրանոներ
- Բուլղարիայի ազգային երաժշտական ակադեմիայի շրջանավարտներ
- Անձինք այբբենական կարգով
- Երաժիշտներ այբբենական կարգով
- Բուլղարիայում ծնվածներ
- Միլան քաղաքում մահացածներ
- Բուլղարացի երգչուհիներ
- Բուլղարացի սոպրանոներ
- Բուլղարացի օպերային երգիչներ
- Քաղցկեղից մահացածներ
- 20-րդ դարի օպերային երգչուհիներ