Գենադի Գոնչարենկո

Գենադի Գոնչարենկո
Ծնվել է	օգոստոսի 17, 1921
Ծննդավայր	Դոնի Ռոստով, Դոնի մարզ, ՌԽՖՍՀ
Վախճանվել է	հունիսի 11, 1988 (66 տարեկան)
Վախճանի վայր	Մոսկվա, ԽՍՀՄ
Մասնագիտություն	գրող
Լեզու	ռուսերեն
Կրթություն	Մոսկվայի Լենինի անվան ռազմաքաղաքական ակադեմիա
Անդամակցություն	ԽՍՀՄ Գրողների միություն
Պարգևներ	և

Գենադի Իվանովիչ Գոնչարենկո (ռուս.՝ Геннадий Иванович Гончаренко, օգոստոսի 17, 1921(1921-08-17), Դոնի Ռոստով, Դոնի մարզ, ՌԽՖՍՀ - հունիսի 11, 1988(1988-06-11), Մոսկվա, ԽՍՀՄ), խորհրդային գրող։

Կենսագրություն

Գենադի Գոնչարենկոն ծնվել է 1921 թվականին։ Մասնակցել է Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողություններին։ Մարտերին մասնակցել է Հարավային Բուգի սահմանին, որպես գնդացրային դասակի հրամանատար։ Հետո նաև որպես վաշտի, գումարտակի հրամանատար է ծառայել։ Եղել է հրաձգային գնդի հրամանատարի տեղակալ (Հարավարևմտյան ճակատ), 54-րդ գվարդիական հրաձգային դիվիզիայի հրամանատար։ Մասնակցել է Մոսկվայի, Վոլգայի, Ստալինգրադի ճակատամարտերին։ Ծանր վիրավորվել և կոնտուզիայի է ենթարկվել Ելնյայի գործողության ժամանակ (1941): Երկրորդ անգամ ծանր վիրավորվել է 1944 թվականին։ Պատերազմն ավարտել է մայորի կոչմամբ։

Մարտական գործողություններին մասնակցելու համար պարգևատրվել է շքանշաններով ու մեդալներով։

Պատերազմից հետո ավարտել է Մ. Վ. Ֆրունզեի անվան ռազմական ակադեմիան (1948) և Վ. Ի. Լենինի անվան ռազմաքաղաքական ակադեմիան (1952):

ԽՍՀՄ Գրողների միության անդամ է եղել (1958):

Հատընտիր ստեղծագործություններ

Գենադի Գոնչարենկոն գրել է տասներկու վեպ, ինչպես նաև մի շարք պատմվածքներ մարտական պատմությունից։ Ստեղծագործությունների հիմնական թեման «խորհրդային մարդկանց խիզախությունն է Հայրենական մեծ պատերազմի տարիներին»^[1]։

Ինքնաթիռը չվերադարձավ (1958)
Փորձության տարիներ^[2]։ Վեպ երեք հատորով՝ Պատիվ (1957), Ճեղքում (1960), Ջախջախում (1969)
Սխրագործության ծնունդը (1967)
Ստալինգրադի մարտիկները
Վոլգա՝ ռուսական գետ (1970)
Մոսկվան մեր հետ է (1973)
Վոլգայի ափերին (1974)
Ճակատամարտ Վոլգայում. Ստալինգրադի պաշտպանության վավերագրական ակնարկներ (1976)
Կոչում (1979)

Ծանոթագրություններ

↑ «Гончаренко Геннадий Иванович | Ридли | Книги скачать, читать бесплатно». readli.net. Վերցված է 2019 թ․ սեպտեմբերի 5-ին.
↑ Гончаренко, Геннадий Иванович (1961). Годы испытаний: роман в 2 книгах. Честь. Книга 1 (ռուսերեն). Молодая Гвардия.

Գրականություն

Писатели Москвы — участники Великой Отечественной войны. М., 1997

Արտաքին հղումներ

Газета «Советская Россия». РУССКИЕ СТОЯТ, КАК КАМЕННЫЕ ГЛЫБЫ. 22.11.2007.

[1] «Гончаренко Геннадий Иванович | Ридли | Книги скачать, читать бесплатно». readli.net. Վերցված է 2019 թ․ սեպտեմբերի 5-ին.

[2] Гончаренко, Геннадий Иванович (1961). Годы испытаний: роман в 2 книгах. Честь. Книга 1 (ռուսերեն). Молодая Гвардия.

[1]

[2]