Գարուն: Վարար ջուր

Գարուն: Վարար ջուր;
տեսակ	գեղանկար
նկարիչ	Իսահակ Լևիտան
տարի	1897
ժանր	բնանկար
գտնվում է	Տրետյակովյան պատկերասրահ
հավաքածու	Տրետյակովյան պատկերասրահ
	Ծանոթագրություններ;

«Գարուն։ Վարար ջուր» (ռուս.՝ Весна. Большая вода), ռուս գեղանկարիչ, «տրամադրության բնանկարի» վարպետ Իսահակ Լևիտանի նկարներից։ Հեղինակը կտավը վրձնել է 1897 թվականին։ Յուղաներկով կտավի չափերն են՝ 64,2 × 57,5 սմ^[1]։

Այսօր «Գարուն։ Վարար ջուր» ստեղծագործությունը պահպանվում և ցուցադրվում է Տրետյակովյան պատկերասրահում (Մոսկվա, Ռուսաստան)։

Պատմություն[խմբագրել | խմբագրել կոդը]

Իսահակ Լևիտանը «Գարուն։ Վարար ջուր» ստեղծագործությունը վրձնել է 1897 թվականին։ Այսօր այն գտնվում է Ռուսաստանի մայրաքաղաք Մոսկվայի Տրետյակովյան պատկերասրահում^[2]։

Նկարագիր[խմբագրել | խմբագրել կոդը]

«Գարուն։ Վարար ջուր» ստեղծագործությունում Իսահակ Լևիտանը նկարել է հորդացման երևույթը, երբ ջուրը պատել է ափամերձ ողջ տարածքը՝ խորտակելով շրջակայքում ամեն ինչ^[3]։ Ջուրը հանդարտ է, անշարժ։ Ջրի հայելում արտացոլված են ծառերի մերկ ճյուղերը և բարձր երկինքը՝ թեթև ամպերով առլեցուն։ Նկարի կոլորիտը ստեղծված է երկնագույնի, դեղինի և ոսկեգույն նրբերանգներով։ Տիրապետում է երկնագույնի երփներանգությունը, որի հետ համատեղվում են ափերի դեղնությունը և ծառերի բները։ Հեղինակը պատկերել է նաև հսկայական կաղնի, կանաչ եղևնի, տնակ, մակույկ։