Գարի Տատինցյան

Գարի Տատինցյան;
Ծնվել է	1954
Ծննդավայր	Բաքու, Ադրբեջանական ԽՍՀ, ԽՍՀՄ
Քաղաքացիություն	ԽՍՀՄ և ԱՄՆ
Երկեր	Գարի Տատինցյանի պատկերասրահ
Մասնագիտություն	նկարների վաճառող և մեկենաս

Գարի Տատինցյան (անգլ.՝ Gary Tatintsian, 1954, Բաքու, Ադրբեջանական ԽՍՀ, ԽՍՀՄ^[1]), ԱՄՆ-ում բնակվող հայ պատկերասրահորդ, հավաքորդ և մեկենաս^[2], Նյու Յորքում, Մոսկվայում և Դուբայում Գարի Տատինցյանի պատկերասրահի սեփականատերը։

Կենսագրություն[խմբագրել | խմբագրել կոդը]

Գարի Տատինցյանը ծնվել է 1954 թվականին Բաքվում։ 1972 թվականին տեղափոխվել է Մոսկվա՝ որոշելով շարունակել հոր գործը և ընդունվել է բժշկական ինստիտուտի ստոմատոլոգիական ֆակուլտետ։ Նրա ծնողները Բաքվում մնացել են մինչև 1986 թվականը, այնուհետև տեղափոխվել են որդու մոտ^[3]։ 1988^[3] կամ 1989^[4] թվականին ամբողջ ընտանիքը ԽՍՀՄ-ից հեռացել է Գերմանիա^[4]։

Պատկերասրահներ[խմբագրել | խմբագրել կոդը]

Բեռլին[խմբագրել | խմբագրել կոդը]

Գարի Տատինցյանն իր առաջին նախագիծը՝ Tatunz պատկերասրահը, բացել է 1989 թվականին Բեռլինում^[5]։ Պատկերասրահն առաջիններից էր, որ արևմտյան շուկայում ներկայացրեց ռուսական ավանգարդի նկարիչների՝ Ալեքսանդր Ռոդչենկոյի, Վլադիմիր Նեմուխինի, Էդուարդ Շտեյնբերգի և Եվգենի Չուբարովի աշխատանքները։ Նույն ժամանակաշրջանում Գարին սկսել է աշխատել արևմտյան այնպիսի հեռանկարային նկարիչների հետ, ինչպիսիք են Փիթեր Դոիգը, Գեորգ Բազելիցը, Զահա Հադիդը և Դանիել Ռիխտերը։

Նյու Յորք[խմբագրել | խմբագրել կոդը]

1998 թվականին նա տեղափոխվել է Նյու Յորք, որտեղ բացել է Գարի Տատինցյանի պատկերասրահը Մանհեթենի Չելսի շրջանում։ Պատկերասրահի նկարիչների ցանկը համալրվել է այնպիսի անուններով, ինչպիսիք են Ֆրենկ Ստելլան, Փիթեր Հելլին, Ջորջ Կոնդոն և ամերիկյան գեղանկարչական ասպարեզի այլ առանցքային դեմքերով^[5]։

Մոսկվա[խմբագրել | խմբագրել կոդը]

Մոսկվայում ցուցահանդեսային տարածքը բացվել է 2005 թվականին։ Պատկերասրահն առաջին անգամ ռուսաստանցի հանդիսատեսին ներկայացրել է ժամանակակից կոնցեպտուալ արվեստի, լուսանկարչության և դիզայնի միտումները։ Սերեբրյանիչեսկայա առափին գտնվող պատկերասրահում պարբերաբար տեղի են ունենում ժամանակակից նկարիչների ցուցահանդեսներ^[4]։ Հանրային նախագծերի թվում են պատկերասրահների նկարիչների ցուցահանդեսներն ու դասախոսությունները Ռուսաստանի և աշխարհի թանգարաններում՝ Պետական Էրմիտաժում, Ժամանակակից արվեստի պետական կենտրոնում, Պուշկինի անվան կերպարվեստի թանգարանում, «Գարաժ» ժամանակակից արվեստի թանգարանում, Ժամանակակից արվեստի նոր թանգարանում և այլուր^[6]։

Բացի ցուցահանդեսային գործունեությունից, պատկերասրահը մասնակցում է մասնավոր և հանրային հավաքածուների ձևավորմանը, ինչպես նաև վերահսկում է նկարիչ Եվգենի Չուբարովի ժառանգության հիմնադրամը^[7]։

Դուբայ[խմբագրել | խմբագրել կոդը]

2022 թվականին Գարի Տատինցյանի պատկերասրահ է բացվել Դուբայում (ԱՄԷ), Ալսերկալ պողոտայում։ Դրանով պատկերասրահն ընդլայնել է իր միջազգային գործունեությունը՝ կենտրոնանալով արվեստի առաջնային և երկրորդային շուկայի վրա։ Պատկերասրահի նախագծերը Դուբայի հանդիսատեսին են ներկայացնում աշխարհի հեղինակավոր ժամանակակից նկարիչների աշխատանքները և ցուցահանդեսները^[8]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Гари Татинцян
↑ «Гари Татинцян – известный галерист, коллекционер и меценат». web.archive.org. 2016 թ․ մարտի 5. Արխիվացված է օրիգինալից 2016 թ․ մարտի 5-ին. Վերցված է 2023 թ․ մայիսի 10-ին.
↑ ^3,0 ^3,1 «Татинцян Гари — Энциклопедия фонда «Хайазг»». ru.hayazg.info. Վերցված է 2023 թ․ մայիսի 10-ին.
↑ ^4,0 ^4,1 ^4,2 «Гари Татинцян | Арт-сообщество». Артгид. Վերցված է 2023 թ․ մայիսի 10-ին.
↑ ^5,0 ^5,1 «ГАРИ ТАТИНЦЯН ПРОСТО ДЕЛАЕТ СВОЕ ДЕЛО». golosarmenii.am. Վերցված է 2023 թ․ մայիսի 10-ին.
↑ «Прошедшие выставки | Gary Tatintsian Gallery, Inc». tatintsian.com. Վերցված է 2023 թ․ մայիսի 10-ին.
↑ «Пойми меня, если сможешь: где в Москве смотреть современное искусство․ Галерея Гари Татинцяна».(չաշխատող հղում)
↑ «Tatintsian Gallery Dubai». tatintsian.com. Վերցված է 2023 թ․ մայիսի 10-ին. {{cite web}}: Text "Gary Tatintsian Gallery, Inc." ignored (օգնություն)

Արտաքին հղումներ[խմբագրել | խմբագրել կոդը]

[_a1ae93ff432f40b3-1] 1,0 ^1,1 ^1,2 Гари Татинцян

[2] «Гари Татинцян – известный галерист, коллекционер и меценат». web.archive.org. 2016 թ․ մարտի 5. Արխիվացված է օրիգինալից 2016 թ․ մարտի 5-ին. Վերցված է 2023 թ․ մայիսի 10-ին.

[:0-3] 3,0 ^3,1 «Татинцян Гари — Энциклопедия фонда «Хайазг»». ru.hayazg.info. Վերցված է 2023 թ․ մայիսի 10-ին.

[:1-4] 4,0 ^4,1 ^4,2 «Гари Татинцян | Арт-сообщество». Артгид. Վերցված է 2023 թ․ մայիսի 10-ին.

[:2-5] 5,0 ^5,1 «ГАРИ ТАТИНЦЯН ПРОСТО ДЕЛАЕТ СВОЕ ДЕЛО». golosarmenii.am. Վերցված է 2023 թ․ մայիսի 10-ին.

[6] «Прошедшие выставки | Gary Tatintsian Gallery, Inc». tatintsian.com. Վերցված է 2023 թ․ մայիսի 10-ին.

[7] «Пойми меня, если сможешь: где в Москве смотреть современное искусство․ Галерея Гари Татинцяна».(չաշխատող հղում)

[8] «Tatintsian Gallery Dubai». tatintsian.com. Վերցված է 2023 թ․ մայիսի 10-ին. {{cite web}}: Text "Gary Tatintsian Gallery, Inc." ignored (օգնություն)

[1]

[2]

[3]

[4]

[5]

[6]

[7]

[8]