Գալինա Բելյաևա
 | |
|---|---|
| Ծնվել է | ապրիլի 26, 1961[1] (61 տարեկան) |
| Ծննդավայր | Իրկուտսկ, ՌԽՖՍՀ, ԽՍՀՄ |
| Կրթություն | Բորիս Շչուկինի անվան թատերական ինստիտուտ |
| Քաղաքացիություն |  ԽՍՀՄ և  Ռուսաստան |
| Մասնագիտություն | դերասանուհի |
| Պարգևներ և մրցանակներ |  |
Գալինա Վիկտորովնա Բելյաևա (ռուս.՝ Галина Викторовна Беляева, ապրիլի 26, 1961[1], Իրկուտսկ, ՌԽՖՍՀ, ԽՍՀՄ), թատրոնի և կինոյի խորհրդային և ռուսական դերասանուհի։ Ռուսաստանի Դաշնության վաստակավոր արտիստ (2003 թ.)[2], Վերա Խոլոդնայայի անվան մրցանակի դափնեկիր[3]։
Կենսագրություն[խմբագրել | խմբագրել կոդը]
Գալինա Բելյաևան ծնվել է Իրկուտսկ քաղաքում` 1961 թվականին[4]։ Նրա ծնվելուց որոշ ժամանակ անց ծնողները բաժանվել են, որից հետո մայրը դստեր հետ տեղափոխվել է Ստավրոպոլի երկրամասի Նևիննոմիսկ քաղաք։ Գալինան երկար տարիներ հոր հետ չի տեսնվել։ Նրանք հանդիպել են միայն 43 տարի անց[5]։
Մանկության տարիներին Գալինան երազել է բալետի պարուհի դառնալ։ 1974 թվականին, երբ նա 13 տարեկան էր, ընդունվել է Վորոնեժի խորեոգրաֆիայի ուսումնարան։ 1978 թվականին, երբ նա դեռ սովորում էր ուսումնարանում, հրավիրվել է նկարահանվելու ռեժիսոր Էմիլ Լոտյանուի «Իմ սիրելի, քնքուշ գազան» կինոնկարում` կատարելու Օլգա Սկվորցովայի գլխավոր դերը։ Այդ դերը նրան համամիութենական ճանաչում բերեց և շատերը նրան սկսեցին անվանել «երկրորդ Օդրի Հեփբերն»[6]։
1980 թվականին Գալինա Բելյաևան «Հայֆիլմ» կինոստուդիայում նկարահանվել է Հենրիկ Մալյանի «Կտոր մը երկինք» կինոնկարում, կատարելով անառակ աղջկա` Անժելի դերը։ Ֆիլմը նկարահանվել է Վահան Թոթովենցի ստեղծագործության հիման վրա։ Նրա խաղընկերներն էին Մհեր Մկրտչյանը, Սոֆիկո Ճիաուրելին և Աշոտ Ադամյանը։
Ուսումնարանն ավարտելուց հետո Գալինան ընդունվել է Բորիս Շչուկինի անվան թատերական ուսումնարան, որն ավարտել է 1983 թվականին[4]։ Նույն թվականին նկարահանվել է «Աննա Պավլովա» բազմասերիանոց հեռուստաֆիլմում, որտեղ նույնպես կատարում էր գլխավոր դերը։ Նույն 1983 թվականից նա Վլադիմիր Մայակովսկու անվան Մոսկվայի ակադեմիական թատրոնի բեմում է և համարվում է այդ թատրոնի առաջատար դերսանուհին[4]։ Կինոյում և թատրոնում Գալինան խաղացել է ավելի քան 30 դեր։
Անձնական կյանք[խմբագրել | խմբագրել կոդը]
Գալինա Բելյաևայի առաջին ամուսինը ռեժիսոր Էմիլ Լոտյանուն էր։ Նրանք ամուսնացած են եղել 1979-1984 թվականներին և ունեն մեկ որդի[6][7]։
Երկրորդ ամուսինը վիրաբույժ Լևան Սակվարելիձեն էր[6][7]։ Նրանց որդին` Պլատոնը, մանկության տարիներին նկարահանվել է «Բեմբիի մանկությունը» (1985 թ.) և «Լերմոնտով» (1986 թ.) կինոնկարներում[6][7]։
1989 թվականին Գալինան երրորդ անգամ ամուսնացել է գործարար Սերգեյ Դոյչենկոյի հետ։ Նրանք ունեն երկու երեխա` մեկ դուստր և մեկ որդի։ Բացի այդ, Սերգեյն ուներ նաև դուստր` առաջին ամուսնությունից[5][6][7]։
Գալինա Բելյաևան զբաղվում է նկարչությամբ և ձիավարությամբ[6]։ Նա նաև ակրոբատիկայի ԽՍՀՄ սպորտի վարպետության թեկնածու է[8]։ Ներկայումս ամուսնու հետ բնակվում է Մերձմոսկովյան շրջանում գտնվող իրենց առանձնատանը[9]։
Ֆիլմագրություն[խմբագրել | խմբագրել կոդը]
| Թվական | Անվանում | Բնօրինակ անվանում | Կերպար |
|---|---|---|---|
| 1978 | Իմ սիրելի, քնքուշ գազան | Мой ласковый и нежный зверь | Օլգա Սկվորցովա |
| 1979 | Ամեն ինչ որոշում է ակնթարթը | Всё решает мгновение | Նադեժդա Պրիվալովա |
| 1979 | Ախ, վոդևիլ, վոդևիլ | Ах, водевиль, водевиль… | Վերա Լիսիչկինա |
| 1980 | Երևակայական հիվանդը | Мнимый больной | Անժելիկա |
| 1980 | Կտոր մը երկինք | - | Անժել |
| 1981 | Լենինը Փարիզում | Ленин в Париже | ուսանողուհի |
| 1981 | Ուր է կորչելու | Куда он денется! | Օլեսյա |
| 1983 | Աննա Պավլովա | Анна Павлова | Աննա Պավլովա |
| 1984 | Զբոսայգի | Парк | Վիկա |
| 1984 | Պերիկոլա | Перикола | Պերիկոլա |
| 1984 | Նրա սիրավեպի հերոսը | Герой её романа | Վիկա Բերսենևա |
| 1985 | Սև նետը | Чёрная стрела | Ջոաննա Սեդլի |
| 1985 | Բեմբիի մանկությունը | Детство Бемби | Ֆալինա |
| 1986 | Լերմոնտով | Лермонтов | Վառվառա Լոպուխինա |
| 1986 | Բեմբիի պատանեկությունը | Юность Бемби | Ֆալինա |
| 1986 | Կապաբլանկա | Капабланка | Սաշենկա Մոժաևա |
| 1987 | Որտեղ էլ որ աշխատես | Где бы ни работать... | Գալյա, Նադեժդա, Դաշա և այլն |
| 1989 | Հուշանվեր դատախազի համար | Сувенир для прокурора | Զինա Իզմայլովա |
| 1990 | Կնամոլը | Бабник | Օլգա Սեմիկինա |
| 1992 | Օդահենները | Воздушные пираты | Գալինա Բաբենկո |
| 1998 | Գիշերային այցելություն | Ночной визит | Վիկա |
| 2004 | Նրանք պարել են մի ձմեռ | Они танцевали одну зиму | Վալերիա |
| 2007 | Լրագրողները | Репортёры | Ռիտա |
| 2007 | Ճանապարհորդություն | Путешествие | Վերա |
| 2014 | Ավագ դուստրը | Старшая дочь | Նադեժդա Զավյալովա |
| 2016 | Վերջինները | Последние | Սոֆյա Կոլոմիյցևա |
| 2019 | Լև Յաշին։ Իմ երազանքի դարպասապահը | Лев Яшин. Вратарь моей мечты | Վալենտինա Յաշինա (հասուն տարիքում) |
Ծանոթագրություններ[խմբագրել | խմբագրել կոդը]
- ↑ 1,0 1,1 Internet Movie Database — 1990.
- ↑ «Указ Президента Российской Федерации В. Путина № 1223 от 15 октября 2003 года «О награждении государственными наградами Российской Федерации».»։ Արխիվացված է օրիգինալից 2013-05-08-ին։ Վերցված է 2017-11-27
- ↑ Наши выпускники // Воронежское хореографическое училище
- ↑ 4,0 4,1 4,2 Биография Г. В. Беляевой на официальном сайте актрисы.
- ↑ 5,0 5,1 ВИДЕО. Программа «Пока все дома» — в гостях у актрисы Галины Беляевой. // выпуск от 29 декабря 2013 года, Первый канал.
- ↑ 6,0 6,1 6,2 6,3 6,4 6,5 ВИДЕО. «Наедине со всеми. Галина Беляева», программа Юлии Меньшовой // Первый канал, 4 декабря 2014.
- ↑ 7,0 7,1 7,2 7,3 Галина Беляева: «Все мои дети — от любимых мужчин». // «Комсомольская правда», 8 июля 2002 года
- ↑ Галина Беляева в программе "Мой герой"
- ↑ Галина Беляева: Танец судьбы
| ||||||||||||
