Գաբրիել Տոռես

Գաբրիել Տոռես
Անձնական տվյալներ
Քաղաքացիությունը	Պանամա
Ծննդյան ամսաթիվ	հոկտեմբերի 31, 1988 (34 տարեկան)
Ծննդավայր	Պանամա, Պանամա
Հասակ	180
Քաշ	78
Դիրք	հարձակվող
Ակումբային տեղեկություններ
Ներկա ակումբ	Ուաչիպատո
Համար	10
Մասնագիտական կարիերա*
Ազգային հավաքական
	* Մասնագիտական կարիերայում ընդգրկված են միայն առաջնության խաղերը և գոլերը:

Գաբրիել Արտուրո Տոռես Տեխադա (իսպ.՝ Gabriel Arturo Torres Tejada, հոկտեմբերի 31, 1988(1988-10-31)^[1], Պանամա, Պանամա), պանամացի ֆուտբոլիստ, «Ուաչիպատո» ակումբի և Պանամայի հավաքականի հարձակվող։ 2018 թվականի աշխարհի առաջնության մասնակից։

Ակումբային կարիերա[խմբագրել | խմբագրել կոդը]

Տոռեսն իր կարիերան սկսել է «Չեպո» ակումբում, որի կազմում անցկացրած նորամուտային մրցաշրջանում նվաճել է Ռոմել Ֆերնանդեսի գավաթը՝ 18 գոլով դառնալով նրա լավագույն ռմբարկու։ 2005 թվականին նա վարձավճարային հիմունքներով տեղափոխվել է «Սան Ֆրանցիսկո», որի կազմում հաղթել է Պանամայի առաջնությունում։ 2007 թվականին Գաբրիելը մեկնել է դիտումների իսպանական «Վալենսիայում» և անգլիական «Մանչեսթեր Յունայթեդում»։ Նույն թվականին նա տեղափոխվել է կոլումբիական «Լա Էկիդադ», որի հետ նվաճել է Կոլումբիայի գավաթը։ «Չեպո» վերադառնալուց հետո Տոռեսը վարձավճարով տեղափոխվել է «Ատլետիկո Ուիլա», ապա Կալիի «Ամերիկա»։

2011 թվականին Գաբրիելը տեղափոխվել է վենեսուելական «Սամորա» ակումբ։ Օգոստոսի 14-ին՝ «Տուկանես» ակումբի դեմ խաղում նա կատարել է իր նորամուտը Վենեսուելայի առաջնությունում^[2]։ Նույն հանդիպման ընթացքում նա խփել է իր առաջին գոլը թիմի կազմում։ 2012/2013 մրցաշրջանում Տոռեսն օգնել է թիմին հաղթել առաջնությունում և 20 գոլով դարձել նրա լավագույն ռմբարկու։

2013 թվականի ամռանը Գաբրիելը տեղափոխվել է ամերիկյան «Կոլորադո Ռեպիդզ»։ Օգոստոսի 18-ին «Վանկուվեր Ուայթքեփս» ակումբի դեմ խաղում նա կատարել է իր նորամուտը MLS-ում^[3]։ Հոկտեմբերի 6-ին «Սիեթլ Սաունդերս» ակումբի դեմ խաղում Տոռեսը խփել է իր առաջին գոլը ակումբի կազմում^[4]։ 2016 թվականի սկզբին նա վերադարձել է «Սամորա» և դարձել առաջնության լավագույն ռմբարկու։

2016 թվականի ամռանը Գաբրիելը տեղափոխվել է շվեյցարական «Լոզան»։ Հուլիսի 24-ին «Գրասհոփեր» ակումբի դեմ խաղում կատարել է իր նորամուտը շվեյցարական Սուպերլիգայում^[5]։ Հուլիսի 31-ին «Տուն» ակումբի դեմ խաղում Տոռեսը խփել է իր առաջին գոլը «Լոզանի» կազմում^[6]։

2018 թվականի սկզբին Գաբրիելը տեղափոխվել է չիլիական «Ուաչիտապո»։ Փետրվարի 18-ին «Օ’Հիգինս» ակումբի դեմ խաղում նա կատարել է իր նորամուտը Չիլիի առաջնությունում^[7]։ Նույն խաղում նա հեղինակել է իր առաջին գոլը «Ուաչիտապոյի» կազմում։ Փետրվարի 24-ին «Ունիվերսիդադ Կոնսեպսիոն» ակումբի դեն խաղում ձևակերպել է հեթ-տրիկ^[8]։

Միջազգային կարիերա[խմբագրել | խմբագրել կոդը]

2005 թվականի հոկտեմբերի 8-ին Տոռեսը կատարել է իր նորամուտը Պանամայի հավաքականի կազմում՝ մասնակցելով 2006 թվականի աշխարհի առաջնության նախընտրական փուլի շրջանակներում անցկացվող Տրինիդադ և Տոբագոյի հավաքականի դեմ խաղին^[9]։ 2006 թվականի սեպտեմբերի 6-ին կայացած Գվատեմալայի հավաքականի դեմ ընկերական խաղում նա խփել է իր առաջին գոլը հօգուտ ազգային հավաքականի։ 2011 թվականին Գաբրիելը մասնակցել է ԿՈՆԿԱԿԱՖ-ի ոսկե գավաթի խաղարկությանը, որի ընթացքում երկու անգամ խաղացել է ընդդեմ ԱՄՆ հավաքականի^[10]^[11]։

2013 թվականին Տոռեսը երկրորդ անգամ մասնակցել է ԿՈՆԿԱԿԱՖ-ի ոսկե գավաթի խաղարկությանը։ Մրցաշարում նա իր թիմին օգնել է հասնել եզրափակիչ և դարձել է մրցաշարի լավագույն ռմբարկու՝ խփելով հինգ գոլ Մեքսիկայի^[12], Մարտինիկայի^[13] և Կուբայի^[14] հավաքականների դեմ խաղերում։

2015 թվականին Գաբրիելը դարձել է ԿՈՆԿԱԿԱՖ-ի ոսկե գավաթի խաղարկության բրոնզե մեդալակիր։ Մրցաշարում նա մասնակցել է Հոնդուրասի^[15] ու Տրինիդադ և Տոբագոյի^[16] հավաքականների դեմ խաղերին։

2016 թվականին Տոսրրեսն ընդգրկվել է Պանամայի հավաքականի հայտացուցակում՝ մասնակցելու Ամերիկայի գավաթի խաղարկությանը, որն անցկացվել է Միացյալ Նահանգներում։ Մրցաշարում նա մասնակցել է Չիլիի^[17] և Բոլիվիայի^[18] հավաքականների դեմ խաղերին։

2017 թվականին Տոռեսը չորրորդ անգամ մասնակցել է ԿՈՆԿԱԿԱՖ-ի ոսկե գավաթի խաղարկությանը։ Մրցաշարում նա մասնակցել է ԱՄՆ-ի^[19], Մարտինիկայի^[20], Նիկարագուայի^[21] և Կոստա Ռիկայի^[22] հավաքականների դեմ խաղերին։ Նիկարագուայի և Մարտինիկայի հավաքականների դեմ խաղերում Գաբրիելը գոլ է խփել։

2018 թվականին Տոռեսը մասնակցել է Ռուսաստանում անցկացվող աշխարհի առաջնությանը։ Մրցաշարի ընթացքում նա մասնակցել է Բելգիայի^[23] և Թունիսի^[24] հավաքականների դեմ խաղերին։

Գոլերը Պանամայի հավաքականում[խմբագրել | խմբագրել կոդը]

#	Ամսաթիվ	Վայր	Հակառակորդ	Հաշիվ	Արդյունք	Մրցություն
01.	6 սեպտեմբերի, 2006	Մատեո Ֆլորես, Գվատեմալա, Գվատեմալա	Գվատեմալա	2:1	2:1	Ընկերական խաղ
02.	12 հոկտեմբերի, 2010	Ռոմել Ֆերնանդես, Պանամա, Պանամա	Պերու	1:0	1:0	Ընկերական խաղ
03.	7 հուլիսի, 2013	Ռոուզ Բոուլ, Փասադինա, ԱՄՆ	Մեքսիկա	1:0	2:1	ԿՈՆԿԱԿԱՖ-ի ոսկե գավաթ 2013
04.	7 հուլիսի, 2013	Ռոուզ Բոուլ, Փասադինա, ԱՄՆ	Մեքսիկա	2:1	2:1	ԿՈՆԿԱԿԱՖ-ի ոսկե գավաթ 2013
05.	11 հուլիսի, 2013	Սենչուրի Լինք Ֆիլդ, Սիեթլ, ԱՄՆ	Մարտինիկա	1:0	1:0	ԿՈՆԿԱԿԱՖ-ի ոսկե գավաթ 2013
06.	20 հուլիսի, 2013	Ջորջիա դոմ, Ատլանտա, ԱՄՆ	Կուբա	1:1	6:1	ԿՈՆԿԱԿԱՖ-ի ոսկե գավաթ 2013
07.	20 հուլիսի, 2013	Ջորջիա Դոմ, Ատկանտա, ԱՄՆ	Կուբա	2:1	6:1	ԿՈՆԿԱԿԱՖ-ի ոսկե գավաթ 2013
08.	10 սեպտեմբերի, 2013	Տիբուրկո Կարիա Անդինո, Թեգուսիգալպա, Հոնդուրաս	Հոնդուրաս	1:1	2:1	ԱԱ-2014 որակ․
09.	16 հոկտեմբերի, 2013	Ռոմել Ֆերնանդես, Պանամա, Պանամա	ԱՄՆ	1:0	2:3	ԱԱ-2014 որակ․
10.	2 սեպտեմբերի, 2016	Ռոմել Ֆերնանդես, Պանամա, Պանամա	Ճամայկա	1:0	2:0	ԱԱ-2018 որակ.
11.	12 հուլիսի, 2017	Ռեյմոնդ Ջեյմս Սթեդիում, Տամպա, ԱՄՆ	Նիկարագուա	2:0	2:0	ԿՈՆԿԱԿԱՖ-ի ոսկե գավաթ 2017
12.	15 հուլիսի, 2017	Ֆյորսթ էներջի Սթեդիում, Քլիվլենդ, ԱՄՆ	Մարտինիկա	3:0	3:0	ԿՈՆԿԱԿԱՖ-ի ոսկե գավաթ 2017
13.	5 սեպտեմբերի, 2017	Ռոմել Ֆերնանդես, Պանամա, Պանամա	Տրինիդադ և Տոբագո	1:0	3:0	ԱԱ-2018 որակ.
14.	10 հոկտեմբերի, 2017	Ռոմել Ֆերնանդես, Պանամա, Պանամա	Կոստա Ռիկա	1:0	2:1	ԱԱ-2018 որակ.
15.	9 նոյեմբերի, 2017	UPC-արենա, Գրաց, Ավստրիա	Իրան	2:1	2:1	Ընկերական խաղ