Բելա Հովնանյան

Բելա Հովնանյան;
Ծնվել է	օգոստոսի 12, 1935 (89 տարեկան)
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Քաղաքացիություն	ԽՍՀՄ
Ազգություն	հայ
Կրթություն	Երևանի պարարվեստի պետական քոլեջ (1955) և Հայկական պետական մանկավարժական համալսարան (1987)
Մասնագիտություն	բալետի պարող, պարուսույց և պարուսույց
Աշխատավայր	Ալեքսանդր Սպենդիարյանի անվան օպերայի և բալետի ազգային ակադեմիական թատրոն, Երևանի պարարվեստի պետական քոլեջ և Երևանի պետական գեղարվեստա-թատերական ինստիտուտ
Պարգևներ և ; մրցանակներ	և

Բելա Օգսենի Հովնանյան (Լորետա Հովնանյան, օգոստոսի 12, 1935(1935-08-12)^[1], Երևան, Հայկական ԽՍՀ, ԱԽՖՍՀ, ԽՍՀՄ^[1]), բալետի արտիստ, պարուսույց։ ՀԽՍՀ ժողովրդական արտիստ (1976)։

Կենսագրություն

Լորետա Հովնանյանը ծնվել է 1935 թվականին, Երևանում։ 1955 թվականին ավարտել է Երևանի պարարվեստի ուսումնարանը, 1964-1974 թվականներին եղել է նույն ուսումնարանի ժողովրդական բեմական պարի պարուսույցը, այնուհետև՝ Երևանի Սպենդիարյանի անվան օպերայի և բալետի ազգային ակադեմիական թատրոնի բալետի դերասան, 1980 թվականից՝ բալետի փորձավար։ Վերապատրաստվել է Մոսկվայի Մեծ թատրոնին կից պարարվեստի ուսումնարանում։ 1982-1992 թվականներին դասավանդել է Երևանի թատերական ինստիտուտում։ 1984-1987 թվականներին սովորել է Երևանի Խաչատուր Աբովյանի անվան պետական մանկավարժական ինստիտուտում։

Հյուրախաղերով հանդես է եկել Անգլիայում, ԱՄՆ-ում, Կանադայում, Արգենտինայում, Մեքսիկայում, Շրի-Լանկայում, Կամբոջայում^[2]^[3]^[4]։

Դերապարեր

Գայանե՝ Արամ Խաչատրյանի «Գայանե»
Ֆրիգիա՝ Արամ Խաչատրյանի «Սպարտակ»
Գյուլնար՝ Նիկոլայ Ռիմսկի-Կորսակովի «Շահարազադե»
Մոխրոտ՝ Սերգեյ Պրոկոֆևի «Մոխրոտը»
Ռոզիտա՝ Մինկուսի «Դոն Կիխոտ»
Իսպանուհի՝ Ռավելի «Բոլերո»
Հարսնացու՝ Գրիգոր Հախինյանի «Լոռեցի Սաքո»

Մրցանակներ

ՀԽՍՀ վաստակավոր արտիստ, 1963 թ.
ՀԽՍՀ ժողովրդական արտիստ, 1976 թ.
Երևանի հայկական երիտասարդական փառատոնի դափնեկիր, ոսկե մեդալակիր, 1957 թ.
Մոսկվայի երիտասարդների փառատոնի երկրորդ կարգի արծաթե մրցանակակիր
Պնոմ-Պենայի պատվավոր քաղաքացի, 1964 թ.

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
↑ «Լորետա Հովնանյանի կենսագրությունը zarkfoundation.com կայքում».
↑ ОВНАНЯН Лоретта (Белла) Оксеновна

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 577)։

[_5e5775e65518eefb-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[2] Ով ով է. Հայեր. Կենսագրական հանրագիտարան, հատոր առաջին, Երևան, 2005.

[3] «Լորետա Հովնանյանի կենսագրությունը zarkfoundation.com կայքում».

[4] ОВНАНЯН Лоретта (Белла) Оксеновна

[1]

[2]

[3]

[4]