Արնսթեյն Արնեբերգ

Վիքիպեդիայից՝ ազատ հանրագիտարանից
Jump to navigation Jump to search
Արնսթեյն Արնեբերգ
Arnstein Arneberg.jpg
Ծնվել էհուլիսի 6, 1882(1882-07-06)[1][2][3]
ԾննդավայրՀալդեն, Էստֆոլդ
Մահացել էհունիսի 9, 1961(1961-06-09)[1][2][3] (78 տարեկանում)
Վախճանի վայրԲիրի, Իյովիկ, Օպլանդ, Նորվեգիա
ԿրթությունԹագավորական տեխնոլոգիական ինստիտուտ
Ուշագրավ աշխատանքներՕսլոյի ծովագնացների եկեղեցի
ՊարգևներՍուրբ Հալվարդի մեդալ, Սուրբ Օլաֆի շքանշան, Հակոն VII թագավորի հիշատակին նվիրված մեդալ և Արքայազն Եվգենի մեդալ
Arnstein Arneberg Վիքիպահեստում

Արնսթեյն Արնեբերգ (նորվ.՝ Arnstein Arneberg, հուլիսի 6, 1882(1882-07-06)[1][2][3], Հալդեն, Էստֆոլդ - հունիսի 9, 1961(1961-06-09)[1][2][3], Բիրի, Իյովիկ, Օպլանդ, Նորվեգիա), նորվեգացի ճարտարապետ: Շուրջ 50 տարի ակտիվորեն զբաղվել է ճարտարապետությամբ և համարվում է իր ժամանակների առաջատար ճարտարապետ:

Կենսագրություն[խմբագրել | խմբագրել կոդը]

Արնսթեյն Ռինինգ Արնեբերգը ծնվել է Նորվեգիայի Հալդեն քաղաքում գործարանի մենեջեր Մորից Օտտո Էդվարդ Արնեբերգի (1845-1913) և Հերմայն Նիկոլին Մատիլդ Ռինինգի (1858-1944) ընտանիքում[4]: Մեծացել է Օսլոյին կից Լիսակեր բնակավայրում:

1910 թվականին ամուսնացել է պրոֆեսոր Օլաֆ Սկավլանի դստեր՝ Օգոտ Չելանդ Սկալվանի (1888-1960) հետ: Կնոջից ամուսնալուծվելուց հետո 1923 թվականին ամուսնացել է Էվա Էլիզաբեթ Ռեյմերսի (1901-1987) հետ[4]: Առաջին ամուսնությունից ունեցել է մեկ դուստր՝ Գրա Սկսվլան Արնսբերգը, ով ամուսնացել է տնտեսագետ և քաղաքական գործիչ Էգիլ Լուտի հետ[5]:

1899-1902 թվականներին Արնեբերգը սովորել է Թագավորական նկարչական դպրոցում (այժմ՝ Օսլոյի Արհեստի և արվեստի արդյունաբերության Նորվեգիայի ազգային ակադեմիա): Ճարտարապետություն ուսանել է 1888-1900 թվականներին, եղել է ճարտարապետ Ալֆրեդ Քրիստիան Դալի (1857-1940) օգնականը: 1904-1906 թվականներին սովորել է Ստոկհոլմի Թագավորական տեխնոլոգիական ինստիտուտում: Սովորել է նաև շվեդ ճարտարապետներ Իսակ Գուստավ Կլասոնի, Գուստավ Լինգրենի, Էրիկ Լորեստեդի մոտ: Ստոկհոլմում սովորել է մի խումբ նորվեգացի ճարտարապետ-ուսանողների հետ, այդ թվում նորվեգացի հայտնի ճարտարապետ Մագնուս Պոուլսոնի հետ[4][6]:

1908 թվականին սկսել է իր ճարտարապետական գործունեությունը, և ճարտարապետ Օլե Սվերեի (1865-1952) հետ որպես գործընկերներ աշխատել են Արնեբերգի ամենավաղ նախագծերի վրա, այդ թվում կատարել են նաև Օսլոյի Վոկսենկոլեն բլրում թագավորական վիլլայի առաջարկը: Որպես անկախ ճարտարապետ՝ ստեղծել է մեծ թվով բնակավայրեր, գրասենյակային շենքեր, եկեղեցիներ, երկաթուղային կայարաններ: Նրա առավել հայտնի աշխատանքներից է Օսլոյի քաղաքապետարանի շենքը (Մագնուս Պոուլսոնի հետ) և Նյու Յորքում ՄԱԿ-ի Անվտանգության խորհրդի շենքի ինտերիեր-դիզայնը: Վիկինգների նավերի թանգարանի Օսեբերգ նավի համար նախատեսված սրահը կառուցել է 1926 թվականին, Գոկստադ և Թյունի նավերի սրահները՝ 1932 թվականին[7]: Աշխատել է նաև Սկաուգում (Skaugum) թագավորական նստավայրի շենքի վրա:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 KulturNav — 2015.
  2. 2,0 2,1 2,2 2,3 2,4 Norsk biografisk leksikonKunnskapsforlaget.
  3. 3,0 3,1 3,2 3,3 3,4 Norsk kunstnerleksikon
  4. 4,0 4,1 4,2 Seip Elisabeth։ «Arnstein Arneberg»։ in Helle, Knut։ Norsk biografisk leksikon (Norwegian)։ Oslo: Kunnskapsforlaget։ Վերցված է 5 April 2014 
  5. Steenstrup, Bjørn, ed. (1973)։ «Lothe, Egil»։ Hvem er hvem? (Norwegian)։ Oslo: Aschehoug։ էջ 350։ Վերցված է 5 April 2014 
  6. The Viking Ship Museum (Kulturhistorisk museum)
  7. «Home - Museum of Cultural History»։ www.khm.uio.no։ Վերցված է 2016-11-23