Օլաֆ Սկավլան

Վիքիպեդիայից՝ ազատ հանրագիտարանից
Jump to navigation Jump to search
Օլաֆ Սկավլան
Professor Dr. Olaf Skavlan - 1891.jpg
Ծնվել էհունվարի 25, 1838(1838-01-25)
ԾննդավայրՍտրանդա, Møre og Romsdal, Նորվեգիա
Վախճանվել էմայիսի 31, 1891(1891-05-31) (53 տարեկանում)
Վախճանի վայրՔրիստիանիա, Նորվեգիա
Մասնագիտությունդրամատուրգ, գրականության պատմաբան և կենսագիր
Լեզունորվեգերեն
ՔաղաքացիությունՆորվեգիա
ԱշխատավայրՕսլոյի համալսարան
ԶավակներԷյնար Սկավլան
Olaf Skavlan Վիքիպահեստում

Օլաֆ Սկավլան (նորվ.՝ Olaf Skavlan, ծննդյան անունը՝ Օլե Սկավլան, հունվարի 25, 1838(1838-01-25), Ստրանդա, Møre og Romsdal, Նորվեգիա - մայիսի 31, 1891(1891-05-31), Քրիստիանիա, Նորվեգիա), նորվեգացի գրականագետ, դրամատուրգ:

Կենսագրություն[խմբագրել | խմբագրել կոդը]

Օլաֆ Սկավլանը ծնվել է Նորվեգիայի Ստրանդա կոմունայում, ծխական քահանա և քաղաքական գործիչ Օգե Շավլանի (1806-1876) և Գերհարդին Պոլին Բերգի (1817-1884) ընտանիքում: Սիգվոլ Սկավլանի, Էյնար Սկավլանի, Օգե Սկավլան կրտսերի և Հարալ Սկավլանի եղբայրը[1]: 1879 թվականի օգոստոսին Ստավանգերում ամուսնացել է Դագմար Քիլանդի (1855-1931) հետ: Եղել է Արնսթեյն Արնեբերգի կնոջ հայրը, դերասանուհի Մերետ Սկավլանի պապը[1]:

Ստեղծագործել սկսել է դեռևս ուսանողական տարիքից: 1871 թվականին պաշտպանել է «Holberg som Komedieforfatter» դոկտորական թեզը Լյուդվիգ Հոլբերգի մասին: «Nyt norsk Tidsskrift» պարբերականում տպագրել է Հենրիկ Վերգելանի «Skabelsen, Mennesket og Messias» աշխատության ուսումնասիրությունը[2], որի շնորհիվ Վերգելանին ընդունել են որպես լիբերալ քաղաքական գործիչ և ոչ թե ապաքաղաքական գրող[3]: 1877 թվականին նշանակվել է Ֆրեդերիկ թագավորական համալսարանի (Օսլոյի համալսարան) պրոֆեսոր: Օլաֆ Սկավլանը համահիմնադրել և խմբագրել է երգիծական Vikingen ամսագիրը: 1882-1887 թվականներին Էրնստ Սարսի հետ հրատարակել են «Nyt tidsskrift» պարբերականը[2]:

Մահացել է 1891 թվականի մայիսին Քրիստիանիայում[1]:

Ծանոթագրություններ[խմբագրել | խմբագրել կոդը]

  1. 1,0 1,1 1,2 Aarnes Sigurd Aa.։ «Oluf Skavlan»։ in Helle, Knut։ Norsk biografisk leksikon (Norwegian)։ Oslo: Kunnskapsforlaget։ Վերցված է 14 May 2009 
  2. 2,0 2,1 Henriksen, Petter, ed. (2007)։ «Olaf Skavlan»։ Store norske leksikon (Norwegian)։ Oslo: Kunnskapsforlaget։ Վերցված է 14 May 2009 
  3. Aarnes Sigurd Aa (1990)։ «Wergeland-kultusen som nasjonsbyggende faktor»։ Nytt Norsk Tidsskrift (Norwegian) (2): 148–149