Արմեն Մարգարյան (դերասան)

Արմեն Մարգարյան
Ծնվել է	դեկտեմբերի 11, 1971(1971-12-11) (48 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի պետական գեղարվեստա-թատերական ինստիտուտ
Քաղաքացիություն	Հայաստան
Ազգություն	հայ
Մասնագիտություն	դերասան
Պարգևներ և մրցանակներ	Հայաստանի Հանրապետության վաստակավոր արտիստ և Գարեգին Նժդեհ մեդալ

Արմեն Հարությունի Մարգարյան (դեկտեմբերի 11, 1971(1971-12-11), Երևան, Հայկական ԽՍՀ, ԽՍՀՄ), կինոյի և դրամատիկ թատրոնի հայ դերասան: Հայաստանի Հանրապետության վաստակավոր արտիստ (2017): Հայաստանի թատերական գործիչների միության անդամ (2005):

Կենսագրություն

Արմեն Մարգարյանը ծնվել է 1971 թվականին դեկտեմբերի 11-ին Երևանում: Սովորել է Երևանի Մովսես Գորգիսյանի անվան թիվ 158 միջնակարգ դպրոցում, այնուհետև՝ 1989-1993 թվականներին, սովորել է Երևանի գեղարվեստա-թատերական ինստիտուտի դերասանական բաժնում: ԽՍՀՄ Ժողովրդական արտիստ Խորեն Աբրահամյանի ղեկավարած կուրսում: 1992 թվականից աշխատում է Երևանի Գաբրիել Սունդուկյանի անվան ազգային ակադեմիական թատրոնում: 2009 թվականից որպես կրկնօրինակող և հաղորդավար աշխատել է «ATV» հեռուստաընկերությունում: Կրկնօրինակող դերասան է «Հանրային» և «Շողակաթ» հեռուստաընկերություններում:

2005 թվականից Հայաստանի թատերական գործիչների միության անդամ է: 2012 թվականին Հայաստանի թատերական գործիչների միության կողմից «տարվա լավագույն դերասան» անվանակարգում Արմեն Մարգարյանը արժանացել է «ԱՐՏԱՎԱԶԴ» թատերական ամենաբարձր մրցանակին: Գործունեության ընթացքում արժանացել է մի շարք մրցանակների և պատվոգրերի. 2007 թվականին՝ ՀՀ մշակույթի նախարարության «ԱՐՏԻՍՏ», 2016 թվականին՝ նույն նախարարության պատվոգրի` թատերական ոլորտում բարեխիղճ աշխատանքի համար, 2015 թվականին Երևանի քաղաքապետի «մշակույթի պատվավոր գործիչ» մեդալին,  2017 թվականին` թատրոնում և կինոյում ունեցած վաստակի համար Հայաստանի Հանրապետության նախագահի կողմից՝ ՀՀ վաստակավոր արտիստի բարձր կոչման:

Արմեն Մարգարյանը հանդես է եկել տարբեր միջազգային փառատոններում` Անգլիա, Լիտվա, Վրաստան, Բելառուս, հյուրախաղերով եղել է`ԱՄՆ-ում և Ռուսաստանում՝ արժանանալով հանդիսատեսի ու քննադատների հատուկ վերաբերմունքին:

Ներկայացումներ

• Քլիոնթ՝ Մոլիերի «Քաղքենին ազնվական»
• Մովսես քահանա` Շանթի «Հին աստվածներ» (դրամա)
• Դիկոն` «Մեծ անտառի զավակները»
• Ռազումիխին`Ֆ. Ի. Դոստոևսկի «Ոճիր և պատիժ»
• Բազիլյո`«Բուրատինոյի արկածները»
• Սուրեն՝ Ալեքսանդր Շիրվանզադեի «Պատվի համար»
• Ներսեհ`Մուրացան «Ռուզան»
• Վանո`Գաբրիել Սունդուկյանի «Էլի մեկ զոհ»
• Գորդոն՝ Պերճ Զեյթունցյանի «Ոտքի, դատարանն է գալիս»
• Բանկո՝ Ուիլյամ Շեքսպիրի «Մակբեթ»
• Պանդոլֆ՝ Ուիլյամ Շեքսպիրի «Ջոն արքա»
• Ուիլյամ՝ Մ. Մեյոյի և Մ. Էնեկենի «Երջանիկ ավարտ»
• Արամ` Ֆ. Վերֆելի «Մուսա լեռան 40 օր»
• Կարպիս (լրագրող)`Հակոբ Պարոնյան «Մեծապատիվ մուրացկաններ»
• Նիկոլայ` Ժորա Հարությունյան «Հարսնացուն հյուսիսից»
• Մակմերֆի` Քեն Քիզի «Թռիչք կկվի բնի վրայով»

Ֆիլմեր

• «Կիսակայարան»
• «Մեծ պատմություն փոքր քաղաքում»
• «Ոչինչ չի մնա»
• «Սպանված աղավնի»
• «Երեք ընկեր»
• «Մոխրոտը»
• «Խաչագողի հիշատակարան»
• «Դիալոգներ»
• «Գարեգին Նժդեհ»
• «Poker.Am»
• «Շունչը»
• «Երկրաշարժ»
• «Կյանք ու կռիվ 2. 25 տարի անց»
• «Տոմբե»
• «Ծաղրածուն»
• «Հայր և որդի»
• «Գործակալ 044»
• «Հավերժական պատկեր»
• «Իմ խաչը»
• «Վերադարձ»
• «Ես քեզ հաղթանակ կնվիրեմ»

Հեռուստասերիալներ

• «Հին արքաներ» (Արմենիա) ՀԸ
• «Ռուզանի սիրտը» (Հ1) ՀԸ
• «Որբեր-2» (Հ1) ՀԸ
• «Ուր է իմ տղամարդը» (Արմենիա) ՀԸ
• «Օտարը» (Շանթ) ՀԸ
• «Երեք կյանք» (Արմենիա) ՀԸ
• «Ամնեզիա»
• «Հրեշների գայլը»
• «Change» (Արմենիա) ՀԸ
• «Կոռուպցիա»
• «Ճակատագրի պատասխանը» (Հ1)
• «Նռան հատիկ» (Արմենիա) ՀԸ
• «Քաոս» (Հ1) ՀԸ
• «Վերջին ուսուցիչը» (Հ1) ՀԸ
• «Թղթե երազանք» (Շանթ) ՀԸ
• «Ժիրայր Գլենց» (Հ1) ՀԸ
• «Քեզ հետ կամ առան քեզ»
• «Անատոլիական պատմություն» (Հ1)

Պարգևներ, մրցանակներ

• «Արտիստ» թատերական մրցանակ` «Տղամարդու լավագույն դերակատարման համար», 2007 թվական
• ՀԹԳՄ «Արտավազդ» մրցանակ` «Տարվա լավագույն դերասան» անվանակարգում, 2012 թվական
• Երևանի քաղաքապետարանի «Երևան քաղաքի մշակույթի պատվավոր գործիչ» հուշամեդալ, 2015 թվական
• ՀՀ մշակույթի նախարարության պատվոգիր, 2016 թվական
• Հայաստանի Հանրապետության վաստակավոր արտիստ, 2017 թվական

Արտաքին հղումներ

• Արմեն Մարգարյանի էջը ԿինոՊոիսկ կայքում