Գալյա Նովենց

Գալյա Նովենց
Ծնվել է	հուլիսի 10, 1937(1937-07-10)
Ծննդավայր	Երևան, Հայկական ԽՍՀ, ԽՍՀՄ
Մահացել է	հուլիսի 22, 2012(2012-07-22) (75 տարեկան)
Մահվան վայր	Երևան, Հայաստան
Կրթություն	Երևանի պետական գեղարվեստա-թատերական ինստիտուտ (1958)
Քաղաքացիություն	ԽՍՀՄ և  Հայաստան
Ազգություն	հայ
Մասնագիտություն	դերասանուհի
Ակտիվ շրջան	1965-2012
Ամուսին(ներ)	Երվանդ Ղազանչյան
Երեխա(ներ)	Հակոբ Ղազանչյան
Պարգևներ և մրցանակներ	Հայաստանի Հանրապետության ժողովրդական արտիստ Սուրբ Սահակ-Սուրբ Մեսրոպ շքանշան ՀԽՍՀ պետական մրցանակ Արտավազդ և Մովսես Խորենացու մեդալ

Գալյա Քրիստափորի Նովենց (ի ծնե Գալինա Նովենց, հուլիսի 10, 1937(1937-07-10), Երևան, Հայկական ԽՍՀ, ԽՍՀՄ - հուլիսի 22, 2012(2012-07-22), Երևան, Հայաստան), թատրոնի և կինոյի հայ դերասանուհի, Հայաստանի Հանրապետության ժողովրդական արտիստուհի (2007)։

Հայ բեմադրիչ Երվանդ Ղազանչյանի կինն է, բեմադրիչ Հակոբ Ղազանչյանի մայրը։

Կենսագրություն

1958 թվականին ավարտել է Երևանի գեղարվեստա-թատերական ինստիտուտը։ 1958-1961 թվականներին՝ Կապանի, 1971-1977 թվականներին` Գյումրիի, 1977-1983 թվականներին` Երևանի դրամատիկական թատրոնի, 1961-1971 թվականներին և 1983-1993 թվականներին` Երևանի Սունդուկյանի անվան, 1993 թվականից` Համազգային թատրոնների դերասանուհի։ 1995 թվականից բնակվել է ԱՄՆ-ի Լոս Անջելես քաղաքում, որտեղ մահացել է։ Թաղված է Երևանի քաղաքային պանթեոնում։

2007 թվականին արժանացել էր ՀՀ ժողովրդական արտիստի կոչմանը, իսկ հաջորդ տարի՝ «Հատուկ մրցանակի»՝ «Արտավազդ» թատերական ամենամյա փառատոնի ժամանակ։ Ստացել է ՀՀ Պետական մրցանակ, իսկ հայ եկեղեցու կողմից՝ «Սուրբ Սահակ-Սուրբ Մեսրոպ» բարձրագույն մեդալ։

Գալյա Նովենցի դերակատարումներին բնորոշ են վառ նկարագիրը, հոգեբանական հավաստի վերլուծությունը։

Դերերը կինոյում

Գալյա Նովենցի հուշաքարը Կապանում

Խաղացել է մոտ 25 ֆիլմում, որոնցից առավել նշանավորներն են.

• 1965 - Բարև, ես եմ - Նազի
• 1969 - Մենք ենք, մեր սարերը - կատարածու
• 1971 - Հեղնար Աղբյուր - Երանոսի կինը
• 1975 - Այս կանաչ, կարմիր աշխարհը - Սոնայի մայրը
• 1977 - Նահապետ - Անթառամ
• 1978 - Խաղի վերջը - մայր
• 1980 - Կտոր մը երկինք - Հովակիմի կինը
• 1982 - Հին օրերի երգը - Օբերոնի մայր
• 1982 - Գիքոր - Գիքորի մայր
• 1983 - Սիրամարգի ճիչը - Աննա
• 1984 - Ճերմակ անուրջներ - Մարիամ
• 1984 - Մեր մանկության տանգոն - Սիրանույշ
• 1985 - Խնձորի այգին - Նոյեմի
• 1988 - Ճանապարհ դեպի Սասունցի Դավիթ - Դավիթի մայր
• 1989 - Շնչառություն - Գայանե
• 1990 - Կարոտ - Սանամ
• 1992 - Որտե՞ղ էիր, մարդ Աստծո - մայր
• 2001 - Խենթ հրեշտակը - մայր

Պարգևներ

• ՀՀ ժողովրդական արտիստ (2007 թվական)
• «Արտավազդ» թատերական փառատոնի «Հատուկ մրցանակ» (2008 թվական)
• ՀՀ Պետական մրցանակ
• «Սուրբ Սահակ-Սուրբ Մեսրոպ» մեդալ

Արտաքին հղումներ

Վիքիքաղվածքն ունի քաղվածքների հավաքածու, որոնք վերաբերում են

Գալյա Նովենց հոդվածին

• Գնաց, որ վերևից նայի ու տեսնի … Ի խորոց սրտի Գալյա Նովենցի հիշատակին
• Հայկական կինոյի թախիծն ու ժպիտը. Գալյա Նովենց
• Գալյա Նովենց․ Հայ կինոյի մայրը
• Գալյա Նովենցը դասարան․ամ֊ում