Արիանա Կաոիլի
| Արիանա Կաոիլի | |
|---|---|
 Արիանա Կաոիլին Դրեզդենի օլիմպիադայում (2008) | |
| Պետություն(ներ) |  Ավստրալիա |
| Ծննդյան ամսաթիվ | դեկտեմբերի 22, 1986 (32 տարեկան) |
| Ծննդավայր | Մանիլա,  Ֆիլիպիններ |
| Կոչում | Կանանց միջազգային վարպետ |
| Առավելագույն վարկանիշ | 2309 (հոկտեմբեր, 2002) |
| Ներկայիս վարկանիշ | (հոկտեմբեր, 2019) (հոկտեմբեր, 2019) |
| ՖԻԴԵ համար | 5201179 |
| 365chess | Arianne_Caoili |
| Chesstempo համար | 33290 |
| ICCF համար | 33290 |
| Arianne Caoili Վիքիպահեստում | |
.jpg)
Արիանա Բո Կաոիլի (անգլ.՝ Arianne Bo Caoili, դեկտեմբերի 22, 1986, Մանիլա, Metro Manila, Luzon, Ֆիլիպիններ), ֆիլիպինյան ծագումով ավստրալացի շախմատիստուհի, ՖԻԴԵ-ի կանանց միջազգային վարպետ։ 2016 թվականից՝ Երևանում լույս տեսնող «Ճամփորդ» շաբաթաթերթի գլխավոր խմբագիրը[1]։ 2017 թվականի նոյեմբերին նշանակվել է ՀՀ վարչապետի խորհրդական՝ հասարակական հիմունքներով[2]։
Բովանդակություն
Կենսագրություն[խմբագրել | խմբագրել կոդը]
Արիանան ծնվել է Մանիլայում։ Նրա հայրը ֆիլիպինցի է, իսկ մայրը կիսով չափ հոլանդուհի, կիսով չափ՝ իռլանդուհի[3]։ Շախմատ խաղալ սկսել է 6 տարեկանից։ 14 տարեկանում նա Իտալիայի Կոնկա դելլա Պրեսոլանայի ուժեղ մրցաշարում 9 հնարավորից վաստակել է 5, 5 միավոր[4]։ 2002-ին նրա վարկանիշն անցավ 2300-ից, սակայն հետագայում նա որոշ ժամանակով երկրորդ պլան մղեց շախմատը, քանի որ պետք է շարունակեր ուսումը։ Այսօր նա Ավստրալիայի լավագույն շախմատիստուհիներից է և այդ երկրի կանանց հավաքականի կազմում մասնակցել է 2008-ի համաշխարհային օլիմպիադային, որը կայացել է Դրեզդենում (Գերմանիա)[5]։ 2009-ին Կաոիլին 9 հնարավորից վաստակելով 8 միավոր՝ հաղթել է Մեծ Բրիտանիայում կայացած «Լոնդոն Չեսս կլասսիկ» խոշոր մրցաշարում՝ 2 միավորով առաջ անցնելով մոտակա մրցակցից[6]։
Արիանա Կաոիլին մասնագիտությամբ տնտեսագետ է։
2017 թվականի նոյեմբերի 21-ին Կարեն Կարապետյանը նրան նշանակել է ՀՀ վարչապետի խորհրդական` հասարակական հիմունքներով[2]։
Անձնական կյանք[խմբագրել | խմբագրել կոդը]
2006-ից նա Հայաստանի շախմատային առաջատար Լևոն Արոնյանի նշանածն է։ Նրանց աշխարհի երիտասարդական առաջնության ժամանակ ծանոթացել է Արոնյանի ավստրալացի ընկերը, որը Արիանայի առաջին ուսուցիչն է եղել։ Նա ծանոթացրել է՝ կարծելով, որ Լևոնն ու Արիանան մտածելակերպով շատ նման են իրար[7]։
Ուշագրավ է 2006-ին Թուրինում համաշխարհային օլիմպիադայի օրերին տեղի ունեցած հետևյալ միջադեպը. անգլիացի գրոսմայստեր Դեննի Գորմելլին բռունցքներով հարձակվել էր Լևոն Արոնյանի վրա, երբ նա և Արիանան պարում էին պարասրահում։ Պատճառը, ամենայն հավանականությամբ, խանդն էր[8]։
2015 թվականի փետրվարի 18-ին Լևոնն ու Արիանան նշանվեցին[9]։ Հարսանյաց արարողությունը տեղի է ունեցել 2017 թվականի սեպտեմբերի 30-ին[10]։
Նախասիրություններ[խմբագրել | խմբագրել կոդը]
Սիրում է լատինաամերիկյան պարեր, երգում է, գրում երգեր։ Մասնակցել է Ավստրալիայի «Պարեր աստղերի հետ» հեռուստատեսային նախագծի հինգերորդ եթերաշրջանին[11]։
2014 թվականի հունիս-օգոստոսին մասնակցել է «Շանթ» հեռուստաընկերության «Պարահանդես» նախագծի 4-րդ եթերաշրջանին՝ պարընկերոջ հետ մտնելով լավագույն քառյակ[12]։
Արիանան բազմիցս եղել է Հայաստանում, նրա ամենասիրելի վայրը Դիլիջանն է։ Սիրում է հայկական խոհանոցը, հատկապես խորովածը, ինչպես նաև գյուղական սնունդը, որը քաղաքում չես գտնի։ Հետաքրքրվում է հայոց պատմությամբ, կարդացել է բազմաթիվ գրքեր Հայաստանի մասին։ Մագիստրոսական թեզը վերաբերում է Հայաստանի և Ռուսաստանի գործարար հարաբերություններին։ Մի քիչ խոսում է հայերեն։
2013 թվականի հոկտեմբերից բնակության է տեղափոխվել Հայաստան և news.am կայքում իրականացրել է «Հայաստանը Արիանայի աչքերով» ամենշաբաթյա նախագիծը, որում պարբերաբար պատմել է Հայաստանի մասին իր տպավորությունները, երկրում բնակվելու և աշխատելու դժվարություններն ու հմայքը ներկայացնում է Հայաստանին սիրահարված օտարերկրացու աչքերով[13]։
2016 թվականի փետրվարին Արիանան Երևանում հիմնադրել է «Ճամփորդ» շաբաթաթերթը, որի գլխավոր խմբագիրն է։ Թերթը յուրաքանչյուր երեքշաբթի անվճար կարող են ձեռք բերել Երևանի քաղաքային տրանսպորտի ուղևորները[14]։
Խաղացած պարտիաներից[խմբագրել | խմբագրել կոդը]
| a | b | c | d | e | f | g | h | ||
| 8 |             | 8 | |||||||
| 7 | 7 | ||||||||
| 6 | 6 | ||||||||
| 5 | 5 | ||||||||
| 4 | 4 | ||||||||
| 3 | 3 | ||||||||
| 2 | 2 | ||||||||
| 1 | 1 | ||||||||
| a | b | c | d | e | f | g | h | ||
Իսպանիայի Մալագա քաղաքում 2000-ին կայացած բաց մրցաշարում 13-ամյա Արիանան հանդիպել էր Ռուսաստանը ներկայացնող ուժեղ գրոսմայստեր Վլադիմիր Եպիշինի հետ, որի վարկանիշն այդ պահին 2667 էր։ Սպիտակներով խաղացող Կաոիլին խաղաց 37. Թd1-g4 (տե՛ս տրամագիրը), որին սևերը պատասխանեցին 37...Թxd4??՝ կարծելով, որ 38. Թxd4-ին կպատասխանեն 38...Ձe2+ և կվերադարձնեն թագուհին։ Սակայն սպիտակները խաղացին 38. Ձf5+, և սևերն անմիջապես հանձնվեցին, քանի որ կորցնում են թագուհին[15]։
Հղումներ[խմբագրել | խմբագրել կոդը]
- ↑ Լևոն Արոնյանի կնոջ նվերը երևանցիներին
- ↑ 2,0 2,1 «ԱՐԻԱՆՆԵ ԲՈ ԿՆՈՒՊՊԵ ԿԱՈԻԼԻԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԽՈՐՀՐԴԱԿԱՆ ՆՇԱՆԱԿԵԼՈՒ ՄԱՍԻՆ»
- ↑ Հարցազրույց Արիանա Կաոիլիի հետ
- ↑ Արիանա Կաոիլիի մասնակցությունը մրցաշարերին
- ↑ Արիանա Կաոիլին Դրեզդենի օլիմպիադայում
- ↑ Արիանա Կաոիլին Լոնդոն Չեսս կլասսիկում
- ↑ Լևոն Արոնյան
- ↑ Թուրինյան միջադեպի մասին
- ↑ Լևոն Արոնյանը նշանվել է
- ↑ «Լևոն Արոնյանն ու Արիանա Քաոլին ամուսնացել են. պսակադրության ուշագրավ դրվագները` ֆոտոշարքով»։ www.tert.am (հայերեն)։ Վերցված է 2017-10-01
- ↑ Պարեր աստղերի հետ
- ↑ «Պարահանդես» նախագծի 4-րդ եթերաշրջան
- ↑ Հայացում. գործընթացն սկսված է
- ↑ Լևոն Արոնյանի կինը երևանցիներին շաբաթաթերթ է նվիրում
- ↑ Կաոիլի – Եպիշին, Մալագա, 2000, 1-0
