Արթուր Դավթյան (դատախազ)
Անվան այլ կիրառումների համար տե՛ս՝ Արթուր Դավթյան (այլ կիրառումներ)
| Արթուր Դավթյան | |
|---|---|
 | |
| Ծնվել է | դեկտեմբերի 8, 1978 (44 տարեկան) |
| Ծննդավայր | Հոռոմ, Արթիկի շրջան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | ԵՊՀ իրավաբանական ֆակուլտետ |
| Գիտական աստիճան | իրավաբանական գիտությունների թեկնածու |
| Մասնագիտություն | իրավաբան |
Արթուր Սարգսի Դավթյան (դեկտեմբերի 8, 1978, Հոռոմ, Արթիկի շրջան, Հայկական ԽՍՀ, ԽՍՀՄ), Հայաստանի նախկին գլխավոր դատախազ, Իրավաբանական գիտությունների թեկնածու, արդարադատության առաջին դասի խորհրդական, արդարադատության երկրորդ դասի պետական խորհրդական։
Կրթություն[խմբագրել | խմբագրել կոդը]
1995 թվականին Արթուր Դավթյանն ընդունվել է Երևանի պետական համալսարանի իրավագիտության ֆակուլտետը, որն ավարտել է 1999 թվականին։ Նույն թվականին ընդունվել է ԵՊՀ Իրավագիտության ֆակուլտետի մագիստրատուրան։ 2001 թվականին ավարտելով մագիստրատուրան` ընդունվել է նույն ֆակուլտետի ասպիրանտուրան[1]։
Մասնագիտական գործունեություն[խմբագրել | խմբագրել կոդը]
2000-2006 թվականներին Արթուր Դավթյանը դասախոսել է Երևանի պետական համալսարանի քրեական դատավարության և կրիմինալիստիկայի ամբիոնում։ 2006-2007 թվականներին նշանակվել է ՀՀ գլխավոր դատախազության հետաքննության և նախաքննության օրինականության նկատմամբ հսկողության վարչության դատախազ, 2007-2008 թվականներին՝ ՀՀ գլխավոր դատախազության մարդու դեմ ուղղված հանցագործությունների գործերով վարչության ավագ դատախազ։ 2008-2012 թվականներին զբաղեցրել է ՀՀ գլխավոր դատախազության մարդու դեմ ուղղված հանցագործությունների գործերով վարչության պետի տեղակալի պաշտոնը, 2012-2013 թվականներին եղել է Երևան քաղաքի Շենգավիթ վարչական շրջանի դատախազ, 2013-2016 թվականներին զբաղեցրել է Երևան քաղաքի դատախազի պաշտոնը։ 2016 թվականի հունիսի 22-ի ՀՀ նախագահի հրամանագրով նշանակվել է ՀՀ գլխավոր դատախազի տեղակալ[2], ՀՀ Ազգային ժողովի`15.09.2016 թվականի որոշմամբ նշանակվել է ՀՀ գլխավոր դատախազ։
ՀՀ գլխավոր դատախազ Արթուր Դավթյանը դասախոսում է Հայաստանում ֆրանսիական համալսարանում, Երևանի պետական մանկավարժական համալսարանում։ «Տեղեկատվության ազատության իրավունքի իրացման հիմնախնդիրները քրեական դատավարության ոլորտում» հոդվածի հեղինակ։
Ընտանիք[խմբագրել | խմբագրել կոդը]
Ամուսնացած է, ունի երկու դուստր։
Դասային աստիճաններ[խմբագրել | խմբագրել կոդը]
- Արդարադատության երկրորդ դասի պետական խորհրդական[3]
- Արդարադատության երրորդ դասի պետական խորհրդական[4]
- Արդարադատության առաջին դասի խորհրդական
Ծանոթագրություններ[խմբագրել | խմբագրել կոդը]
- ↑ ՀՀ գլխավոր դատախազ Արթուր Դավթյանի կենսագրությունը
- ↑ «Արթուր Դավթյանը նշանակվել է ՀՀ գլխավոր դատախազի տեղակալ»։ www.tert.am։ Արխիվացված է օրիգինալից 2019-07-07-ին։ Վերցված է 2019-07-07
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ»։ www.president.am։ Վերցված է 2019-11-19
- ↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ»։ www.president.am։ Վերցված է 2019-07-05
Արտաքին հղումներ[խմբագրել | խմբագրել կոդը]
- ՀՀ գլխավոր դատախազը աշխատանքային այցով Արցախում է
- Ինչ ճանապարհ է անցել ՀՀ գլխավոր դատախազի թեկնածու Արթուր Դավթյանը
| Նախորդող Գևորգ Կոստանյան |
ՀՀ Գլխավոր դատախազ Արթուր Դավթյան 2016 |
Հաջորդող այժմ պաշտոնավարում է |
.svg)
.svg)