Աշոտ Տեր-Գրիգորյան

Վիքիպեդիայից՝ ազատ հանրագիտարանից
Jump to navigation Jump to search
Աշոտ Տեր-Գրիգորյան
Ծնվել է հունվարի 5, 1927(1927-01-05)
Ծննդավայր Սևանի շրջան
Մահացել է նոյեմբերի 5, 1988(1988-11-05) (61 տարեկանում)
Մահվան վայր Երևան, Հայկական ԽՍՀ, ԽՍՀՄ
Քաղաքացիություն Flag of the Soviet Union.svg ԽՍՀՄ
Ազգություն հայ
Կրթություն Հայկական պետական մանկավարժական համալսարան
Գիտական աստիճան մանկավարժական գիտությունների դոկտոր (1974) և պրոֆեսոր
Մասնագիտություն մանկավարժ
Քաղաքական կուսակցություն ԽՄԿԿ

Աշոտ Երեմի Տեր-Գրիգորյան (հունվարի 5, 1927(1927-01-05), Սևանի շրջան - նոյեմբերի 5, 1988(1988-11-05), Երևան, Հայկական ԽՍՀ, ԽՍՀՄ[1]), հայ խորհրդային մանկավարժ, մանկավարժական գիտությունների դոկտոր (1974 թ.), պրոֆեսոր (1974 թ), ՀԽՍՀ բարձրագույն դպրոցի վաստակավոր գործիչ (1982 թ.)։ ԽՄԿԿ անդամ 1949 թվականից։

Կենսագրություն[խմբագրել | խմբագրել կոդը]

Աշոտ Տեր-Գրիգորյանը ծնվել է 1927 թվականին, Սևանի շրջանի Օրդաքլու (այժմ՝ Լճաշեն) գյուղում: Ավարտել է Երևանի Խ․ Աբովյանի անվան մանկավարժական ինստիտուտի լեզվագրական ֆակուլտետը (1947 թ.)։ Աշխատել է Սևանի շրջանի դպրոցներում (1947-952 թթ.), մանկավարժական գիտությունների ԳՀ ինստիտուտում, «Սովետական մանկավարժ» ամսագրում (1952-1965 թթ.), 1965 թվականից դասավանդել է Խ. Աբովյանի անվան մանկավարժական ինստիտուտում, 1971 թվականից՝ հայոց լեզվի և տարրական ուսուցման մեթոդիկայի ամբիոնի հիմնադիր-վարիչ։ 1998 թվականից ամբիոնը կրում է Աշոտ Տեր-Գրիգորյանի անունը[2]:

Հիմնականում զբաղվել է տարրական դասարաններում հայոց լեզվի ուսուցման, ինչպես նաև հայ մանկավարժության պատմության խնդիրներով, լուսաբանել գրաճանաչության, ընթերցանության, քերականության, ուղղագրության և վայելչագրության ուսուցման, կարողությունների ու հմտությունների ձևավորման հարցերը։ Հեղինակ է բուհական ձեռնարկների ու դպրոցական դասագրքերի[3]։ Կազմել է (1956 թ-1974 թ) տարրական դասարանների մայրենի լեզվի դասագրքեր, որոնք գործածության մեջ են եղել ՀԽՍՀ և Սփյուռքի դպրոցներում։

Պարգևներ[խմբագրել | խմբագրել կոդը]

  • ՀԽՍՀ բարձրագույն դպրոցի բարձրագույն դպրոցի վաստակավոր գործիչ (1982)
  • ՅՈԻՆԵՍԿՕ-ի «Ժպիտի շքանշան» (1980)
  • Մատենադարանի Մեսրոպ Մաշտոցի անվան հուշամեդալ (1985)

Երկեր[խմբագրել | խմբագրել կոդը]

  • Գեղարվեստական ստեղծագործությունների ավանդումը տարրական դասարաններում: (Օգնություն ուսուցչին), 1971: տիտղթ. (Աշոտ Երեմի Տեր-Գրիգորյան)
  • Մանկավարժական դիմանկարներ: Երկու գրքով, 1987: տիտղթ. (Աշոտ Տեր-Գրիգորյան)
  • Մայրենի 1: Դասագիրք I դասարանի համար, 1993: տիտղթ. (Ա. Ե. Տեր-Գրիգորյան)
  • Հայրենի աղբիւր: [Հայոց լեզուի դասագիրք]: 2 Տարի, 1989-1990 : տիտղթ. (Ա. Ե. Տէր-Գրիգորեան); (Տէր-Գրիգորեան Աշոտ Երեմի)
  • Այբբենարան: [Սփյուռքի դպր. համար], 1964: տիտղթ. (Ա. Տէր-Գրիգորեան), (Տէր-Գրիգորեան Աշոտ)

Ծանոթագրություններ[խմբագրել | խմբագրել կոդը]

  1. «AV Production - Աշոտ Տեր-Գրիգորյան»։ avproduction.am։ Վերցված է 2019-01-05 
  2. aspu.am https://aspu.am/hy/page/ashot_ter-grigoryani_anvan_mayrenii_ev_nra_dasavandman_metodikayi_ambion/։ Վերցված է 2019-01-05 
  3. «Koha online catalog › Entry»։ haygirk.nla.am։ Վերցված է 2019-01-05 
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 665 CC-BY-SA-icon-80x15.png