Աննա Խաչատրյան

Աննա Խաչատրյան
Ծնվել է	հունիսի 26, 1980(1980-06-26) (43 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Մայրենի լեզու	հայերեն
Մասնագիտություն	երգչուհի

Աննա Խաչատրյան (հունիսի 26, 1980(1980-06-26), Երևան, Հայկական ԽՍՀ, ԽՍՀՄ), հայ երգչուհի։

Կենսագրություն և գործունեություն

Աննա Խաչատրյանը ծնվել է 1980 թվականի հունիսի 26-ին, Երևանում։

1997 թվականին ավարտել է Երևանի Ն.Աղբալյանի անվան թիվ 19 միջնակարգ դպրոցը, 2002 թ.՝ Երևանի Վ.Բրյուսովի անվան պետական լեզվաբանական համալսարանի անգլերեն և իսպաներեն բաժինը։

1999 թվականի եղել է Հայաստանի պետական ջազ նվագախմբի մեներգչուհի։

2000-01 թվականներին երգել է Հայաստանի Երգի պետական թատրոնում։

2004-08 թվականներին աշխատել է Հայաստանի պետական ֆիլհարմոնիայում՝ որպես մեներգչուհի։ Մենահամերգներով հանդես է եկել ԱՄՆ-ում, Իրանում, Լիբանանում, Հայաստանում։ Հյուրախաղերով եղել է բազմաթիվ երկրներում՝ Ռուսաստան, ԱՄՆ, Իտալիա, Ղազախստան, Իրան, Իսպանիա և այլուր։

1998 թվականին մասնակցել է Բուլղարիայի «Զոլոտոյ Դիսկ», 2000 թվականին՝ «Դիսքավրի», Ղազախստանի «Ասիայի ձայն», Ուկրաինայի «Սլավյանսկի Բազար», 2001 թվականին՝ Չեխիայի «Յունիվերսթալենտ», Զրենյանիկի երգի միջազգային մրցույթ-փառատոներին և արժանացել առաջին մրցանակների, հատուկ դիպլոմի։

2002 թվականին Հայաստանի ազգային երաժշտական մրցանակաբաշխության ժամանակ արժանացել է «Տարվա լավագույն երգչուհի» մրցանակին։

2005 թվականին մասնակցել է Իտալիայի «Աշխարհի երգը», 2006 թվականին՝ Նովոռոսիյսկի «Մորսկոյ Ուզել» երգի միջազգային մրցույթ-փառատոներին և արժանացել առաջին և գլխավոր մրցանակներին։

Ստեղծագործություններ

Ձայնասկավառակներ

• «Կարոտ»
• «Դեպի վեր»
• «Տարան, տարան»

Տեսահոլովակեր

• «Ձյուն»
• «Իմ Անի»
• «Երևան»
• «Ես ու դու»
• «Նուբարի բոյը»
• «Հայաստան աշխարհ»
• «Տոնածառ ջան տոնածառ»
• «Երևանյան մեղեդի»
• «Սուրբ Սարգիս»
• «Կարոտ» և այլն