Անմեռուկ չռված

Վիքիպեդիայից՝ ազատ հանրագիտարանից
Jump to navigation Jump to search
Անմեռուկ չռված
Դասակարգում
Թագավորություն  Բույսեր (Plantae)
Վերնաբաժին Բարձրակարգ բույսեր (Embryophyta)
Տիպ/Բաժին Անոթավոր բույսեր (Tracheophyta)
Ենթատիպ Սերմնավոր բույսեր (Spermatophytina)
Կարգ Աստղածաղկավորներ (Asterales)
Ընտանիք Աստղածաղկազգիներ (Asteraceae)
Ցեղ Անմեռուկ (Xeranthemum)
Տեսակ Անմեռուկ չռված (X. squarrosum)
Միջազգային անվանում
Xeranthemum squarrosum

Անմեռուկ չռված (լատ.՝ Xeranthemum squarrosum), բարդածաղկավորների ընտանիքին պատկանող դեղաբույս։

Նկարագրություն[խմբագրել | խմբագրել կոդը]

Անմեռուկը միամյա խոտաբույս է, որն ունի 10-60 սմ բարձրություն, թույլ զարգացած առանցքային արմատ, կողավոր ցողուն և ճյուղավոր հիմք։ Սրածայր տերևները համարյա նստադիր են, ամբողջաեզր և նշտարաձև։ Հետերոգամ ծաղիկներն, որոնք հավաքված են զամբյուղներում, ունեն բազմաշարք, կղմինդրաձև դասավորված փաթաթոց, որի արտաքին տերևիկները սպիտակավուն են, թափանցիկ, ներքիները՝ վարդագույն և փայլուն։ Զամբյուղների վարդագույն սռնակներով եզրային ծաղիկները ստերիլ են։ Խողովակաձև, կանոնավոր պսակով բազմաթիվ միջին ծաղիկները երկսեռ են։ Մուգ շագանակագույն սերմիկներն ունեն փուփուլիկներ[1]։

Տարածվածություն[խմբագրել | խմբագրել կոդը]

Աճում է լեռնային գոտիների չոր քարքարոտ լանջերին, ժայռերի վրա, լեռնային տափաստաններում, թփուտներում, անապատներում։ Հանդիպում է Շիրակի, Տավուշի, Կոտայքի, Գեղարքունիքի, Արագածոտնի, Վայոց ձորի, Արմավիրի, Սյունիքի մարզերում, Երևանում։ Գեղազարդային բույս է, որն երբեմն աճեցվում է այգիներում[1]։

Նշանակություն[խմբագրել | խմբագրել կոդը]

Բուժական նպատակներով օգտագործում են ծաղկման շրջանում հավաքված տերևները, ցողունները և ծաղկազամբյուղները։ Օգտագործվում է ստամոքսի և սրտային որոշ հիվանդությունների բուժման համար։ Ատամնացվի դեպքում օգնում են անմեռուկի խոտային մասի ջրային թուրմով ողողումները[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Ծատուրյան Թամարա, Գևորգյան Մարգարիտա (2014)։ Պողոսյան Ա․, Զաքարյան Ն․, eds.։ Հայաստանի վայրի դեղաբույսեր (հայերեն)։ Երևան: Լուսակն։ էջ 315։ ISBN 9789939834689