Անդրաշ Ադորյան (ֆլեյտահար)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Անդրաշ Ադորյան (այլ կիրառումներ)
Անդրաշ Ադորյան
Ծնվել էսեպտեմբերի 26, 1944(1944-09-26)[1][2] (74 տարեկան)
Բուդապեշտ, Հունգարիա[1]
ԵրկիրFlag of Hungary.svg Հունգարիա
Flag of Denmark.svg Դանիա
Մասնագիտությունհամալսարանի պրոֆեսոր և երաժիշտ
ԳործիքներՖլեյտա
ԱշխատավայրՔյոլնի երաժշտական բարձրագույն դպրոց
ՇրջանավարտԿոպենհագենի համալսարան[3]

Անդրաշ Ադորյան (հունգ.՝ Adorján András, սեպտեմբերի 26, 1944, Բուդապեշտ), հունգարական ծագումով դանիացի ֆլեյտահար։

Կենսագրություն[խմբագրել | խմբագրել կոդը]

1956 թվականին ընտանիքի հետ արտագաղթել է Դանիա, որտեղ սովորել է ատամնաբուժություն, իսկ այնուհետև իրեն նվիրել է երաժշտությանը։ Սովորել է Ֆրայբուրգի երաժշտության բարձրագույն դպրոցում (Օրել Նիկոլեի մոտ)[4]։

Դարձել է մի շարք երաժշտական մրցանակների, մասնավորապես` Փարիզի ֆլեյտահարների միջազգային մրցույթի Մեծ մրցանակի դափնեկիր (1971)[4][5]։

1987 թվականից` Քյոլնի, 1996 թվականից` Մյունխենի երաժշտության բարձրագույն դպրոցների պրոֆեսոր[5]։ Գերմանիայի ֆլեյտահարների ընկերության նախագահն է։

Ստեղծագործական գործունեություն[խմբագրել | խմբագրել կոդը]

Ադորյանի ավելի քան 80 ձայնագրությունների մեջ կան XVIII-XIX դարերի այնպիսի կոմպոզիտորների ստեղծագործություններ, ինչպիսիք են Կարլ Ֆիլիպ Էմանուել Բախը, Ֆրանտիշեկ Բենդան, Յան Նեպոմուկ Հումելը, Ֆրանց Դանցին, Սավերիո Մերկադանտեն, Իգնաց Մոշելեսը, Լյուդվիգ Շպորը և այլք[4]։ Այդ ստեղծագործություններից շատերը Ադորյանի շնորհիվ փրկվել են մոռացությունից։ Միևնույն ժամանակ Ադորյանը կատարում է և XX դարի երաժշտություն (Բոգուսլավ Մարտինու, Սերգեյ Պրոկոֆև)։ Որպես հարգանքի տուրք իրեն Դանիայում հյուրընկալած ընտանիքին, Ադորյանը ձայնագրել է դանիացի կոմպոզիտորներ Յոախիմ Անդերսենի և Կարլ Նիլսենի ստեղծագործությունները։

Հատուկ Ադորյանի համար ստեղծագործած ժամանակակից կոմպոզիտորներից են, մասնավորապես, Էդիսոն Դենիսովը և Ալֆրեդ Շնիտկեն[4]։

Հետաքրքիր փաստեր[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Հղումներ[խմբագրել | խմբագրել կոդը]