Ահաբեկչություն Նյու Յորքում (2017)
| Ահաբեկչություն Նյու Յորքում | |
|---|---|
 | |
| Տեսակ | տրանսպորտի օգտագործում ահաբեկչության նպատակով, կանխամտածված սպանություն, ահաբեկչական ակտ և զանգվածային սպանություն |
| Երկիր |  ԱՄՆ |
| Գրոհի վայր | Նյու Յորք |
| Տեղադրանք | Ստորին Մանհեթեն և West Side Highway? |
| Գրոհի նպատակ | Հետիոտն |
| Տարեթիվ | հոկտեմբերի 31, 2017 |
| Զենք | Ford F-Series? և Փիքափ |
| Զոհվածներ | 8 մարդ |
| Վիրավորներ | 15 |
 2017 Lower Manhattan attack Վիքիպահեստում | |
Նյու Յորքի ահաբեկչությունը տեղի է ունեցել 2017 թվականի հոկտեմբերի 31-ին տեղի ժամանակով մոտ ժամը 15։05-ին, երբ ազգությամբ ուզբեկ 29-ամյա Սայֆուլլո Սաիպովը Ստորին Մանհեթենում փիքափով մեծ արագությամբ դուրս է եկել հեծանվորդների համար նախատեսված ճանապարհ և վթարի ենթարկել անցորդներին։ Հեծանվորդների ճանապարհով անցնելով մոտ 1.5 կմ՝ փիքափը բախվել է դպրոցական ավտոբուսի, որը տեղափոխելուց է եղել հաշմանդամ երեխաների։ Ահաբեկիչը, «Ալլահու Ակբար» գոռալով, դուրս է եկել ավտոմեքենայից․ ոստիկանությունը վիրավորել է վերջինիս որովայնի շրջանում և ձերբակալել[1]։ Ահաբեկչության հետևանքով զոհվել է 8 մարդ, վնասվածքներ ստացել նվազագույնը 12 անձ, այդ թվում՝ 2 երեխա[2]։
Ահաբեկչություն
[խմբագրել | խմբագրել կոդը]2017 թվականի հոկտեմբերի 31-ին ժամը մոտ 14։00-ին Սաիպովը Փասեյք քաղաքում (Նյու Ջերսի, մտնում է Նյու Յորք մերձքաղաքային շրջանի մեջ) ավտոմեքենա է վարձակալել և ժամանել Մանհեթեն[3]։ Ժամը 15։05-ին դուրս է եկել գետի երկայնքով ձգվող հեծանվորդների համար նախատեսված ճանապարհ և վթարի ենթարկել մարդկանց[3]։ Զոհվել է 8 մարդ (այդ թվում՝ 5 զբոսաշրջիկ Արգենտինայից և 1 բելգիացի)[3]։ Անցնելով մոտ 1.5 կմ՝ թեքվել է խաչմերուկից և բախվել դպրոցական ավտոբուսի[3], որի հետևանքով վնասվածք է ստացել 4 ուղևոր, այդ թվում՝ 2 երեխա[3]։ Բախվելուց հետո նա, «Ալլահու Ակբար» գոռալով, դուրս է եկել ավտոմքենայից[3]։ Ձեռքին ունեցել է փեյնթբոլի և տրավմատիկ զենք[3]։ Ռայան Նեշ անունով մի ոստիկան կրակել է ահաբեկչի վրա՝ վիրավորելով որովայնի շրջանում, որից հետո վերջինիս ձերբակալել են[3]։
Հիվանդանոցում հետաքննիչները հարցաքննել են Սաիպովին[4]։ Հատուկ ծառայությունների աշխատակիցների խոսքերով՝ նա չի զղջացել իր արարքի համար և պարծեցել է, որ հանցագործություն է կատարել[4]։
Հանցագործ
[խմբագրել | խմբագրել կոդը]Սայֆուլլո Սաիպովը ԱՄՆ է ներգաղթել 2010 թվականին Տաշքենդից (Ուզբեկստան)[3]։ Սոցիալական կայքերի տվյալներով՝ մինչ ԱՄՆ ժամանելն աշխատել և բնակվել է Օշ (Ղրղզստան) և Վոլոգդա քաղաքներում[3]։ ԱՄՆ է տեղափոխվել գրին քարտ շահելու շնորհիվ[3]։ Սկզբնական շրջանում բնակվել է Օհայոում՝ ծանոթների մոտ[3]։ 2013 թվականին ամուսնացել է ևս Տաշքենդից ներգաղթած մի աղջկա հետ[3]։ Հարսանիքից հետո զույգն ապրել է Օհայոյի Կայահոգա Ֆոլս քաղաքում, որտեղ Սաիպովը գրանցել է փոխադրումներով զբաղվող 2 ընկերություն[3]։ Ավելի ուշ Սաիպովն ընտանիքի հետ տեղափոխվել է Ֆլորիդա, որտեղ բնակվել է Տամպա քաղաքում[3]։ Վերջին մի քանի ամիսները՝ նախքան ահաբեկչությունը, Սաիպովը բնակվել է Փաթերսոնում (Նյու Ջերսի) և Ուբերում աշխատել որպես վարորդ[3]։ 6 ամիսների ընթացքում սպասարկել է ավելի քան 1400 կանչ[3]։ Ընկերությունից տեղեկացրել են, որ նրանից որևէ բողոք չի եղել[3]։ ԱՄՆ-ում Սաիպովը ոչ մի անգամ ենթարկվել քրեական պատասխանատվության և ունեցել է ճանապարհատրանսպորտային կանոնները խախտելու համար ընդամենը 4 տուգանք[3]։
2015 թվականին Սաիպովին հարցաքննել են Ներքին անվտանգության ծառայության գործակալները, քանի որ նրան նկատել էին 2 անձանց հետ, որոնց հետևում էր ահաբեկչության դեմ պայքարի բաժանմունքը[3]։
Արձագանք
[խմբագրել | խմբագրել կոդը]Նյու Յորքի քաղաքապետ Բիլ դե Բլազիոն շտապ կազմակերպված մամուլի ասուլիսի ժամանակ տվյալ դեպքն անվանել է «վախկոտ ահաբեկչական գործողություն»[5]։
Նոյեմբերի 1-ին ԱՄՆ նախագահ Դոնալդ Թրամփը խոստացել է դիտարկել Սաիպովին Գուանտանամոյի բանտ ուղարկելու տարբերակը[4]։ Թրամփը նաև քննադատել է գրին քարտ վիճակահանությունը, որն ավելի վաղ առաջարկել էր չեղարկել[4]։
Ծանոթագրություններ
[խմբագրել | խմբագրել կոդը]- ↑ DelReal, Jose A.and Kilgannon, Corey (2017 թ․ հոկտեմբերի 31). «A Mangled School Bus, Bodies Everywhere; 'It Was Surreal'». The New York Times. Վերցված է 2017 թ․ նոյեմբերի 1-ին.
{{cite news}}: CS1 սպաս․ բազմաթիվ անուններ: authors list (link) - ↑ Lartey, Jamiles; Holpuch, Amanda; Walters, Joanna; Swaine, Jon (2017 թ․ հոկտեմբերի 31). «Eight people killed in New York 'act of terror' after truck drives on to bike path». The Guardian. ISSN 0261-3077. Վերցված է 2017 թ․ նոյեմբերի 1-ին.
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 3,15 3,16 3,17 3,18 3,19 «Что известно про Сайфулло Саипова — выходца из Узбекистана, который совершил теракт в Нью-Йорке». Meduza. 1 ноября 2017. Վերցված է 2017 թ․ նոյեմբերի 1-ին.
- ↑ 4,0 4,1 4,2 4,3 «Трамп задумался об отправке нью-йоркского террориста в Гуантанамо». Lenta.ru. 1 ноября 2017. Վերցված է 2017 թ․ նոյեմբերի 1-ին.
- ↑ Levenson, Eric; Gingras, Brynn; Sanchez, Ray. «Truck attack in Manhattan kills 8 in 'act of terror'». CNN. Վերցված է 2017 թ․ նոյեմբերի 1-ին.