Ահաբեկչություն Նյու Յորքում (2017)

Վիքիպեդիայից՝ ազատ հանրագիտարանից
Jump to navigation Jump to search
Ահաբեկչություն Նյու Յորքում
2017 NYC Truck Attack Home Depot Truck.jpg
Տեսակ տրանսպորտի օգտագործում ահաբեկչության նպատակով, կանխամտածված սպանություն, ահաբեկչական ակտ և զանգվածային սպանություն
Երկիր Flag of the United States.svg Ամերիկայի Միացյալ Նահանգներ
Գրոհի վայր Նյու Յորք
Տեղադրանք Ստորին Մանհեթեն և West Side Highway
Գրոհի նպատակ Հետիոտն
Տարեթիվ հոկտեմբերի 31, 2017
Զենք Ford F-Series և Փիքափ
Զոհվածներ 8
Վիրավորներ 15
Կոորդինատներ: 40°43′1.6536001000013″ հս․ լ. 74°0′45.9360001″ ամ. ե. / 40.717126000027775490° հս․. լ. 74.012760000028° ավ. ե. / 40.717126000027775490; 74.012760000028
2017 Lower Manhattan attack Վիքիպահեստում

Նյու Յորքի ահաբեկչությունը տեղի է ունեցել 2017 թվականի հոկտեմբերի 31-ին տեղի ժամանակով մոտ ժամը 15։05-ին, երբ ազգությամբ ուզբեկ 29-ամյա Սայֆուլլո Սաիպովը Ստորին Մանհեթենում փիքափով մեծ արագությամբ դուրս է եկել հեծանվորդների համար նախատեսված ճանապարհ և վթարի ենթարկել անցորդներին։ Հեծանվորդների ճանապարհով անցնելով մոտ 1.5 կմ՝ փիքափը բախվել է դպրոցական ավտոբուսի, որը տեղափոխելուց է եղել հաշմանդամ երեխաների։ Ահաբեկիչը, «Ալլահու Ակբար» գոռալով, դուրս է եկել ավտոմեքենայից․ ոստիկանությունը վիրավորել է վերջինիս որովայնի շրջանում և ձերբակալել[1]։ Ահաբեկչության հետևանքով զոհվել է 8 մարդ, վնասվածքներ ստացել նվազագույնը 12 անձ, այդ թվում՝ 2 երեխա[2]։

Ահաբեկչություն[խմբագրել | խմբագրել կոդը]

2017 թվականի հոկտեմբերի 31-ին ժամը մոտ 14։00-ին Սաիպովը Փասեյք քաղաքում (Նյու Ջերսի, մտնում է Նյու Յորք մերձքաղաքային շրջանի մեջ) ավտոմեքենա է վարձակալել և ժամանել Մանհեթեն[3]։ Ժամը 15։05-ին դուրս է եկել գետի երկայնքով ձգվող հեծանվորդների համար նախատեսված ճանապարհ և վթարի ենթարկել մարդկանց[3]։ Զոհվել է 8 մարդ (այդ թվում՝ 5 զբոսաշրջիկ Արգենտինայից և 1 բելգիացի)[3]։ Անցնելով մոտ 1.5 կմ՝ թեքվել է խաչմերուկից և բախվել դպրոցական ավտոբուսի[3], որի հետևանքով վնասվածք է ստացել 4 ուղևոր, այդ թվում՝ 2 երեխա[3]։ Բախվելուց հետո նա, «Ալլահու Ակբար» գոռալով, դուրս է եկել ավտոմքենայից[3]։ Ձեռքին ունեցել է փեյնթբոլի և տրավմատիկ զենք[3]։ Ռայան Նեշ անունով մի ոստիկան կրակել է ահաբեկչի վրա՝ վիրավորելով որովայնի շրջանում, որից հետո վերջինիս ձերբակալել են[3]։

Հիվանդանոցում հետաքննիչները հարցաքննել են Սաիպովին[4]։ Հատուկ ծառայությունների աշխատակիցների խոսքերով՝ նա չի զղջացել իր արարքի համար և պարծեցել է, որ հանցագործություն է կատարել[4]։

Հանցագործ[խմբագրել | խմբագրել կոդը]

Սայֆուլլո Սաիպովը ԱՄՆ է ներգաղթել 2010 թվականին Տաշքենդից (Ուզբեկստան)[3]։ Սոցիալական կայքերի տվյալներով՝ մինչ ԱՄՆ ժամանելն աշխատել և բնակվել է Օշ (Ղրղզստան) և Վոլոգդա քաղաքներում[3]։ ԱՄՆ է տեղափոխվել գրին քարտ շահելու շնորհիվ[3]։ Սկզբնական շրջանում բնակվել է Օհայոում՝ ծանոթների մոտ[3]։ 2013 թվականին ամուսնացել է ևս Տաշքենդից ներգաղթած մի աղջկա հետ[3]։ Հարսանիքից հետո զույգն ապրել է Օհայոյի Կայահոգա Ֆոլս քաղաքում, որտեղ Սաիպովը գրանցել է փոխադրումներով զբաղվող 2 ընկերություն[3]։ Ավելի ուշ Սաիպովն ընտանիքի հետ տեղափոխվել է Ֆլորիդա, որտեղ բնակվել է Տամպա քաղաքում[3]։ Վերջին մի քանի ամիսները՝ նախքան ահաբեկչությունը, Սաիպովը բնակվել է Փաթերսոնում (Նյու Ջերսի) և Uber-ում աշխատել որպես վարորդ[3]։ 6 ամիսների ընթացքում սպասարկել է ավելի քան 1400 կանչ[3]։ Ընկերությունից տեղեկացրել են, որ նրանից որևէ բողոք չի եղել[3]։ ԱՄՆ-ում Սաիպովը ոչ մի անգամ ենթարկվել քրեական պատասխանատվության և ունեցել է ճանապարհատրանսպորտային կանոնները խախտելու համար ընդամենը 4 տուգանք[3]։

2015 թվականին Սաիպովին հարցաքննել են Ներքին անվտանգության ծառայության գործակալները, քանի որ նրան նկատել էին 2 անձանց հետ, որոնց հետևում էր ահաբեկչության դեմ պայքարի բաժանմունքը[3]։

Արձագանք[խմբագրել | խմբագրել կոդը]

Նյու Յորքի քաղաքապետ Բիլ դե Բլազիոն շտապ կազմակերպված մամուլի ասուլիսի ժամանակ տվյալ դեպքն անվանել է «վախկոտ ահաբեկչական գործողություն»[5]։

Նոյեմբերի 1-ին ԱՄՆ նախագահ Դոնալդ Թրամփը խոստացել է դիտարկել Սաիպովին Գուանտանամոյի բանտ ուղարկելու տարբերակը[4]։ Թրամփը նաև քննադատել է գրին քարտ վիճակահանությունը, որն ավելի վաղ առաջարկել էր չեղարկել[4]։

Ծանոթագրություններ[խմբագրել | խմբագրել կոդը]

  1. DelReal Jose A.and Kilgannon, Corey (October 31, 2017)։ «A Mangled School Bus, Bodies Everywhere; ‘It Was Surreal’»։ The New York Times։ Վերցված է November 1, 2017 
  2. Lartey Jamiles, Holpuch Amanda, Walters Joanna, Swaine Jon (2017-10-31)։ «Eight people killed in New York 'act of terror' after truck drives on to bike path»։ The Guardian։ ISSN 0261-3077։ Վերցված է 2017-11-01 
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 3,15 3,16 3,17 3,18 3,19 «Что известно про Сайфулло Саипова — выходца из Узбекистана, который совершил теракт в Нью-Йорке»։ Meduza։ 1 ноября 2017։ Վերցված է 2017-11-01 
  4. 4,0 4,1 4,2 4,3 «Трамп задумался об отправке нью-йоркского террориста в Гуантанамо»։ Lenta.ru։ 1 ноября 2017։ Վերցված է 2017-11-01 
  5. Levenson Eric, Gingras Brynn, Sanchez Ray։ «Truck attack in Manhattan kills 8 in 'act of terror'»։ CNN։ Վերցված է November 1, 2017