Ալֆրեդ Բինե

Վիքիպեդիայից՝ ազատ հանրագիտարանից
Jump to navigation Jump to search
Ալֆրեդ Բինե
ֆր.՝ Alfred Binet
Alfred Binet.jpg
Ծնվել էհուլիսի 8, 1857(1857-07-08)[1][2][3]
Նիս[4]
Մահացել էհոկտեմբերի 18, 1911(1911-10-18)[5][1][2][3] (54 տարեկանում)
Փարիզ, Ֆրանսիա[4]
ՔաղաքացիությունՖրանսիա
Մասնագիտությունհոգեբան, մանկավարժ և սոցիոլոգ
Հաստատություն(ներ)Փարիզի համալսարան
Գործունեության ոլորտհոգեբանություն և psychometrics?
Ալմա մատերFaculté de droit (Paris, 1806-1896)? և Փարիզի բժշկության դպրոց
Տիրապետում է լեզուներինֆրանսերեն[5]
Գիտական ղեկավարԺան-Մարտին Շարկո
Ազդվել էՋոն Ստյուարտ Միլ
Alfred Binet Վիքիպահեստում

Ալֆրեդ Բինե (հուլիսի 8, 1857(1857-07-08)[1][2][3], Նիս[4] - հոկտեմբերի 18, 1911(1911-10-18)[5][1][2][3], Փարիզ, Ֆրանսիա[4]), ֆրանսիացի հոգեբան, մանկավարժ, դեֆեկտոլոգ, հոգեբնախոս։ 1892-1911 թթ. եղել է Սորբոնի ֆիզիոլոգիական հոգեբանության լաբորատորիայի տնօրենը, 1895-1911 թթ.՝ «L’Annee psychologique» տարեգրքի գլխավոր խմբագիր։ 1900 թ. Րյուիսսոնի հետ հիմնել է «Երեխայի հոգեբանական ուսումնասիրման ընկերությունը»։ Աշխատությունները նվիրված են փորձառական, ընդհանուր, դիֆերենցիալ, ախտաբանական, մանկան, մանկավարժական և արվեստի հոգեբանության հարցերին։ Նրա հոգեբանական ժառանգությունը հարուստ է փաստերով ու մտքերով։ Մեծ է նրա ծառայությունը հոգեբանությունը փորձառական մեթոդի վրա հիմնելու և մանկավարժության (ընդհանուր և մասնավոր) հոգեբանական նախադրյալները ամրապնդելու ասպարեզում։ 1873-1961 թթ. համաշխարհային ճանաչում են գտել Տ․ Սիմոնի հետ կազմած նրա տեքստերը (1905, 1908, 1911), որոնց նպատակն էր քանակական ցուցանիշներով որոշել հետադեմ և հոգեպես ոչ լիարժեք երեխաների մտավոր զարգացման մակարդակը։ Աշխատանքային հանրօգուտ կրթությունը նա համարել է այդ երեխաների դաստիարակության հիմնական միջոցներից մեկը։ Հատուկ ուսումնասիրության առարկա է դարձրել մտածողության, մտավոր ընդունակությունների (շախմատիստների) և հոգնածության հարցերը։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանի «Ալֆրեդ Բինե» հոդվածից (հ․ 2, էջ 440 )։ CC-BY-SA-icon-80x15.png