Ալեքսան Բաբայան

Ալեքսան Բաբայան;
Ծնվել է	հունիսի 11, 1964 (62 տարեկան)
Ծննդավայր	Այգեձոր, Շամշադինի շրջան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Հայաստանի գեղարվեստի պետական ակադեմիա (1983)
Մասնագիտություն	քանդակագործ
Անդամություն	Հայաստանի նկարիչների միություն և Ռուսաստանի նկարիչների միություն
	Alexan Babayan-Babunts Վիքիպահեստում

Վիքիպեդիայում կան հոդվածներ Բաբայան ազգանունով այլ մարդկանց մասին։

Ալեքսան Անդրանիկի Բաբայան (Բաբունց, հունիսի 11, 1964(1964-06-11), Այգեձոր, Շամշադինի շրջան, Հայկական ԽՍՀ, ԽՍՀՄ), հայ քանդակագործ։

Կենսագրություն Ալեքսան Բաբայանի մասին։

1983 թվականին ավարտել է Մարտիրոս Սարյանի անվան Երևանի արվեստի պետական քոլեջը։
1995 թվականին ավարտել է Երևանի գեղարվեստի պետական ակադեմիայի քանդակագործություն բաժինը։
1996 թվականից Հայաստանի նկարիչների միության անդամ է։
1998 թվականից Ռուսաստանի և ՅՈՒՆԵՍԿՕ-ի նկարիչների միության անդամ։

Մասնակցել է հանրապետական և միջազգային սիմպոզիումների ու ցուցահանդեսների (Երևան, Մոսկվա, Նովոռոսիյսկ, Փարիզ)։

Ստեղծագործությունները ցուցադրվում են Հայաստանի թանգարաններում, մի շարք մասնավոր հավաքածուներում, արվեստի սրահներում։ Ստեղծագործությունները գտնվում են Հայաստանում, Արցախում, Ռուսաստանում, Մոնղոլիայում^[1]։

Ստեղծագործություններ

«Երկրպագություն», 1992 թվական, Երևան
«Խորհրդավոր ընթրիք», 2001 թվական, Երևան
«Վերադարձ», 2002 թվական, Երևան
«Ջիվան Գասպարյանի արձան», 2004 թվական (գյուղ Վանք, Արցախի Հանրապետություն)
Արցախյան ազատամարտի զոհերի հուշարձան Վանք գյուղում, 2004 թվական (Արցախի Հանրապետություն)
«Գուրգեն Հայրապետյանի կիսանդրին» 2008 թվական, (գյուղ Վանք, Արցախի Հանրապետություն)
«Մուտք Ախթալա», 2007 թվական
«Նշանդրեք», 2009 թվական (Ստեփանակերտ)
«Մարուսյա Սաղումյանի հուշարձանը», 2011 թվական (Բերդ)
«Գանձասարի առյուծները», (Վանք գյուղի մուտքի մոտ, Արցախի Հանրապետություն, 2010-2011 թվականներ)
«Արծիվ մահապարտը», 2012 թվական (Տավուշ, գյուղ Չինարի)

Ստեղծագործություններ թանգարաններում

«Անլռելի Զանգակատուն» (Բերդ քաղաքի թանգարան, փայտից, 1987-1988 թվականներ)
Ադմիրալ Սերեբրյակովի կիսանդրին (Նովոռոսիյսկի քաղաքային թանգարան, 1998 թվական)
«Երկրպագություն» (Հ. Շարամբեյանի անվան ժողովրդական ստեղծագործության կենտրոն)
Եղեռնի զոհերի հիշատակին նվիրված փայտե խաչքար (Հ. Շարամբեյանի անվան ժողովրդական ստեղծագործության կենտրոն, կաղնի, 1986 թվական)