Ալեքսանդրիա Օկասիո-Կորտես
Ալեքսանդրիա Օկասիո-Կորտես | |
![]() | |
Կուսակցություն՝ | Դեմոկրատական կուսակցություն |
---|---|
Կրթություն՝ | Boston University College of Arts and Sciences? (2011)[1] և Yorktown High School? (2007) |
Մասնագիտություն՝ | քաղաքական գործիչ, քաղաքական ակտիվիստ, community organizer, Բարմեն, մատուցող, հրատարակիչ և educational strategist |
Դավանանք | կաթոլիկություն[2] |
Ծննդյան օր | հոկտեմբերի 13, 1989[1][3] (33 տարեկան) |
Ծննդավայր | Բրոնքս շրջան, Նյու Յորք, ԱՄՆ[1] |
Քաղաքացիություն | ![]() |
Կայք՝ | ocasio-cortez.house.gov |
Ինքնագիր | ![]() |
Պարգևներ | |
Ալեքսանդրիա Օկասիո-Կորտես (անգլ.՝ Alexandria Ocasio-Cortez, հոկտեմբերի 13, 1989[1][3], Բրոնքս շրջան, Նյու Յորք, ԱՄՆ[1]), ամերիկացի քաղաքական գործիչ և հասարակական ակտիվիստ, 2019 թվականից ԱՄՆ Ներկայացուցիչների պալատի անդամ։ Ժողովրդավարական կուսակցության անդամ է և ժողովրդավարական սոցիալիզմի կողմնակից;
Կենսագրություն[խմբագրել | խմբագրել կոդը]
Նյու Յորքի բնակիչ Սերխիո Օկասիոյի դուստրը։ Մայրը հավաքարար էր աշխատում[4]։ Ալեքսանդրիան ծնվել է Պարկչեստերում, Բորո Բրոնքսում՝ Նյու Յորք քաղաքի հինգ բորոներից մեկում։ Երբ նա դարձել է 5 տարեկան, ընտանիքը տեղափոխվել է Նյու Յորքի Վեստչեստեր շրջանի Յորքթաուն Հայթս քաղաք։ 2007 թվականին ավարտել է դպրոցը։
2011 թվականին ավարտել է Բոստոնի համալսարանը՝ միջազգային հարաբերությունների և տնտեսության գծով բակալավրի աստիճանով[5]։ Ընտրվել է լատինաամերիկյան համալսարանի ուսանողների կազմակերպության նախագահ, ստաժավորման ժամանակ երեք ամիս անցկացրել է Աֆրիկայում։ Ուսանողական տարիներին կորցրել է հորը, որը մահացել է քաղցկեղից, և բախվել ֆինանսական դժվարությունների։ Կրթություն ստանալուց հետո վերադարձել է հայրենի Պարկչեստեր և գումար է վաստակել, աշխատելով որպես մատուցողուհի և բարմենուհի[6]։ Աշխատել է երկու հերթափոխով՝ օրական 18 ժամ։
Նա կրթության հարցերով զբաղվել է National Hispanic Institute ոչ առևտրային կազմակերպությունում[7]։ Հիմնադրել է Brook Avenue Press հրատարակչությունը, որը մասնագիտացած է մանկական գունագեղ գրականության մեջ։ 2016 թվականին մասնակցել է Միչիգանում Dakota Access նավթատարի շինարարության դեմ բողոքի ակցիաներին։ Նախկինում աշխատել է սենատոր Էդվարդ Քենեդիի աշխատակազմում, 2016 թվականին զբաղվել է Բերնի Սանդերսի ընտրարշավի կազմակերպմամբ դեմոկրատական կուսակցության փրայմերիզների ընթացքում[4]։
Քաղաքական գործունեություն[խմբագրել | խմբագրել կոդը]

2018 թվականի հունիսի 26-ին սենսացիոն հաղթանակ է տարել Նյու Յորքի 14-րդ ընտրատարածքում դեմոկրատական կուսակցության նախնական ընտրություններում՝ դառնալով ԱՄՆ Ներկայացուցիչների պալատի նոյեմբերին կայանալիք ընտրություններում պաշտոնական թեկնածու։ Օկասիո-Կորտեսը ստացել է ձայների 57,5 %-ը, թեև նրա մրցակիցը եղել է փորձառու քաղաքական գործիչ, այդ պատգամավորական մանդատի բազմամյա սեփականատեր Ջոզեֆ Քրոուլին[8][9]։
Հարցազրույցում իր հաջողությունը բացատրել է այն հանգամանքով, որ իր շրջանի բնակիչների 70 %-ը սպիտակամորթ չէ, բայց երբեք Կոնգրեսում ներկայացուցիչ չի ունեցել իր սեփական միջավայրից (բացի այդ, շրջանի բնակչության 50 %-ը ներգաղթյալներ են)[10]։
Նախնական ընտրությունների ելքը հատկապես անսպասելի էր՝ Դեմոկրատական կուսակցության ծայրահեղ ձախ թևին Օկասիո-Կորտեսի պատկանելության պատճառով[11]։
Օկասիո-Կորտեսը այնուհետև ուղևորվել է ճանապարհորդելու ԱՄՆ-ի ամբողջ տարածքում, այլ թեկնածուների աջակցության արշավով, որոնք կիսում են նրա համոզմունքը բոլորի համար բժշկական ապահովագրության անհրաժեշտության, կենսապահովման ցածր մակարդակի բարձրացման, անվճար բարձրագույն կրթության և քրեական արդարադատության և ներգաղթի համակարգի համապարփակ բարեփոխումների մասին։
2018 թվականի նոյեմբերի 6-ին Օկասիո-Կորտեսը հաղթել է Նյու Յորքի 14-րդ ընտրատարածքի Ներկայացուցիչների պալատի ընտրություններում՝ ստանալով ընտրողների 78 %-ի աջակցությունը։ Նրա հիմնական մրցակիցը հանրապետական Էնթոնի Պապպասն էր, որն իր 14-ամյա ամուսնալուծության դատական գործընթացի տպավորության տակ նախընտրական արշավի առանցքը դարձրեց քաղաքացիներին դատավորների դեմ հայց ներկայացնելու իրավունք տրամադրելու պահանջը (նրա պարտությունը կանխատեսվում էր սոցիոլոգիական հարցումներում 99,9 % հավանականությամբ)։ 29 տարեկանում Օկասիո-Կորտեսը դարձել է ամենաերիտասարդ կինը, որը երբևէ ընտրվել է ԱՄՆ Կոնգրես[12]։
ԱՄՆ Ներկայացուցիչների պալատում[խմբագրել | խմբագրել կոդը]
Հասարակական մեծ արձագանք է ստացել 2019 թվականի հունվարի 22-ին Նյու Յորքում Մարտին Լյութեր Քինգի հիշատակի համաժողովում Օկասիո-Կորտեսի արած հայտարարությունը։ Լրագրող Տա-Նեհասի Քոութսը հարցրել է նրան, թե արդյոք կարելի է բարոյական համարել միլիարդատերերի գոյությունը թույլատրող աշխարհը և ստացել է վճռական պատասխան՝ «ոչ»։ Բայց հետո Օկասիո-Կորտեսը հավելել է, որ դա չի վերաբերվում կոնկրետ մարդկանց, ինչպիսիք են Բիլ Գեյթսը կամ Ուորեն Բաֆեթը[13]։
2019 թվականի հոկտեմբերի 16-ին Բեռնի Սանդերսին աջակցել է որպես դեմոկրատներից փրայմերիզների մասնակից[14]։
2020 թվականի հունիսի 23-ին Նյու Յորքի 14-րդ օկրուգում հաղթել Է ԱՄՆ-ի Դեմոկրատական կուսակցության փրայմերիզ Միշել Կարուզո-Կաբրերան, որին հովանավորել են Blackstone Group-ի ղեկավար, միլիարդատեր Սթիվեն Շվարցմանը և Goldman Sachs-ի գլխավոր տնօրեն Դևիդ Սոլոմոնը[15]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 https://awpc.cattcenter.iastate.edu/directory/alexandria-ocasio-cortez/
- ↑ https://www.americamagazine.org/politics-society/2018/06/27/alexandria-ocasio-cortez-her-catholic-faith-and-urgency-criminal
- ↑ 3,0 3,1 Munzinger Personen (գերմ.)
- ↑ 4,0 4,1 Keith Griffith (2018-07-01)։ «'Girl from the Bronx' Alexandria Ocasio-Cortez, who beat high-ranking Democrat Joe Crowley, faces questions over her 'working class' background after it's revealed she grew up in a wealthy suburb north of New York City» (անգլերեն)։ MailOnline։ Վերցված է 2018-08-08
- ↑ Harriet Alexander (2020-10-27)։ «'She did go to college, right?' Donald Trump mocks Alexandria Ocasio-Cortez at Pennsylvania rally over the cost of her environmental proposals» (անգլերեն)։ MailOnline։ Վերցված է 2020-12-16
- ↑ Kevin Fasick, Georgett Roberts and Ruth Brown (2018-06-27)։ «Meet the woman behind the year’s biggest political upset» (անգլերեն)։ New York Post։ Վերցված է 2018-08-08
- ↑ Michelle Ewing (2018-06-27)։ «Who is Alexandria Ocasio-Cortez, Democratic Socialist who beat Rep. Joe Crowley in NY primary?» (անգլերեն)։ AJC։ Վերցված է 2018-08-08
- ↑ «New York Primary Election Results» (անգլերեն)։ The New York Times։ 2018-06-28։ Վերցված է 2018-08-07
- ↑ Желтов М. В. (2018-10-08)։ ««Праймериз в большом городе»»։ ИнтерИзбирком. Информационно-аналитический портал о выборах в мире։ Վերցված է 2018-10-20
- ↑ Abigail Hess (2018-06-27)։ «Meet Alexandria Ocasio-Cortez, the 28-year-old poised to become the youngest woman in Congress» (անգլերեն)։ CNBC։ Վերցված է 2018-08-07
- ↑ David Remnick (2018-07-23)։ «Alexandria Ocasio-Cortez’s Historic Win and the Future of the Democratic Party» (անգլերեն)։ The New Yorker։ Վերցված է 2018-08-07
- ↑ Abigail Hess (2018-11-07)։ «29-year-old Alexandria Ocasio-Cortez makes history as the youngest woman ever elected to Congress» (անգլերեն)։ CNBC։ Վերցված է 2018-11-07
- ↑ Bradford Betz (2019-01-22)։ «Ocasio-Cortez agrees that a world that allows for billionaires is immoral» (անգլերեն)։ Fox News։ Վերցված է 2019-01-25
- ↑ «8 Key Moments That Helped Define Bernie Sanders' Presidential Runs»։ NPR։ 2020-04-09
- ↑ Самая молодая конгрессвумен США дала отпор миллиардерам-инвесторам. lenta.ru (25 июня 2020)
|
- ԱՄՆ-ի դեմոկրատական կուսակցության անդամներ
- Հոկտեմբերի 13 ծնունդներ
- 1989 ծնունդներ
- Ապրող անձինք
- Նյու Յորք նահանգում ծնվածներ
- Անձինք այբբենական կարգով
- Ամերիկացի սոցիալիստներ
- Բոստոնի համալսարանի շրջանավարտներ
- 21-րդ դարի ամերիկացի քաղաքական գործիչներ
- Ամերիկացի հասարակական գործիչներ
- ԱՄՆ-ի կին քաղաքական գործիչներ
- Ամերիկացի հրատարակիչներ