Ալբերտո Սպենսեր

Ալբերտո Սպենսեր; իսպ.՝ Alberto Spencer
Քաղաքացիությունը	Էկվադոր
Ծննդյան ամսաթիվ	դեկտեմբերի 6, 1937
Ծննդավայր	Ancón, Պանամա, Պանամա նահանգ, Պանամա
Մահվան ամսաթիվ	նոյեմբերի 3, 2006 (68 տարեկան)
Մահվան վայր	Քլիվլենդ, Օհայո, ԱՄՆ
Դիրք	հարձակվող

Ալբերտո Պեդրո Սպենսեր Հերերա (իսպ.՝ Alberto Pedro Spencer Herrera, դեկտեմբերի 6, 1937(1937-12-06)^[1]^[2], Ancón, Պանամա, Պանամա նահանգ, Պանամա - նոյեմբերի 3, 2006(2006-11-03)^[3], Քլիվլենդ, Օհայո, ԱՄՆ), էկվադորցի և ուրուգվայցի ֆուտբոլիստ, հարձակվող. 20-րդ դարի էկվադորցի մեծագույն ֆուտբոլիստ^[4]։ Նա իր կարիերայի լավագույն տարիներն անցկացրել է «Պենյարոլ» ակումբում։ Նա առավել հայտնի է Հարավային Ամերիկայի գլխավոր ակումբային մրցաշարում՝ Լիբերտադորեսի գավաթում, ամենաշատ գոլերի հեղինակ դառնալու համար (54 գոլ)։ Սպենսերը նվաճել է Լիբերտադորեսի 3 գավաթ, միջմայրցամաքային 2 գավաթ, իսկ 7 անգամ դարձել Ուրուգվայի չեմպիոն։ Հարավային Ամերիկայի գրեթե բոլոր լրագրողները Սպենսերին դասում են բոլոր ժամանակների հարավամերիկյան լավագույն ֆուտբոլիստների շարքում՝ Պելեի, Գարինչայի, Դի Ստեֆանոյի և Դիեգո Մարադոնայի հետ միասին։

Կենսագրություն[խմբագրել | խմբագրել կոդը]

Ալբերտոյի հայրը Ճամայկայից է, որը բացատրում է նրա ազգանունը, իսկ մայրը էկվադորցի է։

Սպենսերն իր կարիերան սկսել է 1953 թվականին Գուայաքիլի Էվերեստ ակումբում։ 2 տարի անց նա արդեն հանդես էր գալիս հիմնական թիմում։ 1959 թվականին նա հրավեր է ստացել Էկվադորի ազգային հավաքական, որտեղ խաղացել է մինչև իր կարիերայի ավարտը, ընդմիջումով 1962-1964 թվականներին, երբ հանդես է եկել Ուրուգվայի հավաքականում։ Սպենսերը եղել է առաջինը ով խփել է առաջին գոլը Ուեմբլի մարզադաշտում որպես և՛ էկվադորցի և՛ ուրուգվայցի ֆուտբոլիստ։ Ուռուգվայի հավաքականի կազմում խաղում նա խձել է այդ գոլը Անգլիայի հետ ընկերական խաղում։ Սակայն ֆուտբոլում ազգային պատկանելության կանոնների խստացումից հետո, Սպենսերը ստիպված եղավ կրկին խաղալ Էկվադորի հավաքականի կազմում։ Քանի որ Էկվադորում ֆուտբոլի մակարդակը 1960-ականներին Հարավային Ամերիկայի ամենացածրերից էր, էկվադորցի հանճարը երբեք չի խաղացել աշխարհի առաջնությունում։ Ժամանակակից իրավիճակն այլ է՝ Էկվադորի ազգային հավաքականը հասել է 2006 թվականի աշխարհի առաջնության 1/8 եզրափակիչ, ինչին ականատես է եղել ինքը՝ Սպենսերը;

Ընդհանուր առմամբ Սպենսերն իր կարիերայի ընթացքում խփել է 451 գոլ (առանց ընկերական խաղերի, որոնց թիվը ներառյալ նրա գոլերի թիվը գերազանցում է 500-ը)։

1975-1976 թվականներին Սպենսերը մարզել է էկվադորի «Էմելեքը»^[4]։

1982 թվականին Ալբերտո Սպենսերը նշանակվել է Էկվադորի հյուպատոս Ուրուգվայում, որտեղ վերջինս մնացել է ապրելու։

Սպենսերի բացակայությունը Պելեի և ՖԻՖԱ-ի հրապարակած FIFA 100 ցուցակում մեծ վրդովմունք է առաջացրել երկրպագուների շրջանում^[5]։

Ալբերտո Սպենսերը մահացել է 2006 թվականի նոյեմբերի 3-ին Քլիվլենդում, երբ ծրագրված ուղևորություն էր կատարում ԱՄՆ՝ սրտաբանական կլինիկայում հետազոտվելու համար, սրտի կաթվածից։ Նա թղված է Մոնտեվիդեոյում։

Հետագայում Մոդելոյի Գուայակիլ քաղաքի մարզադաշտը կոչվել է Ալբերտո Սպենսերի անունով։

Մրցանակներ[խմբագրել | խմբագրել կոդը]

Թիմային[խմբագրել | խմբագրել կոդը]

Ուրուգվայի չեմպիոն (7)՝ 1960, 1961, 1962, 1964, 1965, 1967, 1968 թթ.
Լիբերտադորեսի գավաթի հաղթող (3)։ 1960, 1961, 1966 թթ.
Միջմայրցամաքային գավաթի հաղթող (2)։ 1961, 1966
Միջմայրցամաքային սուպերգավաթի հաղթող. 1969 (Հարավային Ամերիկա)

Անհատական[խմբագրել | խմբագրել կոդը]

Ուրուգվայի առաջնության լավագույն ռմբարկու (4)՝ 1961, 1962, 1967, 1968 թթ.
Կոպա Լիբերտադորեսի լավագույն ռմբարկու (2)՝ 1960, 1962^[6]
Կոպա Լիբերտադորեսի պատմության լավագույն ռմբարկու՝ 54 տարեկան
Պենյարոլի լավագույն ռմբարկուն Copa Libertadores-ում. 48 գոլ

Կատարողական վիճակագրություն[խմբագրել | խմբագրել կոդը]

**Ակումբային կարիերա**
Ակումբ	Մրցաշրջան	Լիգա		ԼԳ		Այլ^[6]		Ընդամենը
Ակումբ	Մրցաշրջան	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Պենյարոլ	1959	1	0	-	-	0	0	1	0
	1960	16	10	7	7	2	1	25	18
	1961	18	18	4	3	3	2	25	23
	1962	18	16	6	6	0	0	24	22
	1963	15	9	4	5	0	0	19	14
	1964	6	6	0	0	0	0	6	6
	1965	17	12	0	0	0	0	17	12
	1966	16	6	12	6	2	3	30	15
	1967	14	11	3	2	0	0	17	13
	1968	11	8	14	10	4	1	29	19
	1969	14	5	10	2	6	3	30	10
	1970	20	12	10	7	0	0	30	19
	Ընդամենը	166	113	70	48	17	10	253	171
Բարսելոնա (Գուայակիլ)	1971	18	13	11	5	0	0	29	18
	1972	2	0	7	1	0	0	9	1
	Ընդամենը	20	13	18	6	0	0	38	19
Ընդհանուր կարիերա		186	126	88	54	17	10	291	190

Ծանոթագրություններ[խմբագրել | խմբագրել կոդը]

↑ ^1,0 ^1,1 Transfermarkt.com(բազմ․) — 2000.
↑ ^2,0 ^2,1 Արգենտինական ֆուտբոլի տվյալների շտեմարան (իսպ.)
↑ ^3,0 ^3,1 ^3,2 http://www.iht.com/articles/ap/2006/11/03/america/LA_GEN_Uruguay_Obit_Spencer.php
↑ ^4,0 ^4,1 Emelec | Emelec — Azul y Plomo — El portal oficial de los hinchas Emelecistas Արխիվացված 31 Օգոստոսի 2015 թվականին.
↑ «Hinchas quieren que Alberto Spencer esté en lista que hizo Pelé» (իսպաներեն). eluniverso.com. 2004 թ․ մարտի 6. Արխիվացված օրիգինալից 2020 թ․ հոկտեմբերի 12-ին. Վերցված է 2019 թ․ հոկտեմբերի 2-ին.
↑ ^6,0 ^6,1 Межконтинентальный кубок, Суперкубок межконтинентальных чемпионов.

Արտաքին հղումներ[խմբագրել | խմբագրել կոդը]

[_e64428ef87bc8e25-1] 1,0 ^1,1 Transfermarkt.com(բազմ․) — 2000.

[_2b9936c02604e0c9-2] 2,0 ^2,1 Արգենտինական ֆուտբոլի տվյալների շտեմարան (իսպ.)

[_99d17cfeddd233a3-3] 3,0 ^3,1 ^3,2 http://www.iht.com/articles/ap/2006/11/03/america/LA_GEN_Uruguay_Obit_Spencer.php

[:0-4] 4,0 ^4,1 Emelec | Emelec — Azul y Plomo — El portal oficial de los hinchas Emelecistas Արխիվացված 31 Օգոստոսի 2015 թվականին.

[5] «Hinchas quieren que Alberto Spencer esté en lista que hizo Pelé» (իսպաներեն). eluniverso.com. 2004 թ․ մարտի 6. Արխիվացված օրիգինալից 2020 թ․ հոկտեմբերի 12-ին. Վերցված է 2019 թ․ հոկտեմբերի 2-ին.

[:1-6] 6,0 ^6,1 Межконтинентальный кубок, Суперкубок межконтинентальных чемпионов.

[1]

[2]

[3]

[4]

[5]

[6]