Աբրահամ Կոնստանտին Մուրադջանյան դ'Օհսոն

Աբրահամ Կոնստանտին Մուրադջանյան դ'Օհսոն;
Ծնվել է	նոյեմբերի 26, 1779
Ծննդավայր	Ստամբուլ, Օսմանյան կայսրություն
Մահացել է	դեկտեմբերի 25, 1851 (72 տարեկան)
Մահվան վայր	Բեռլին, Պրուսիայի թագավորություն
Քաղաքացիություն	Շվեդիա
Ազգություն	հայ
Կրոն	լյութերականություն և կաթոլիկություն
Կրթություն	Ուփսալայի համալսարան
Գիտական աստիճան	Q10543355? (1799)
Մասնագիտություն	դիվանագետ և արևելագետ
Ծնողներ	հայր՝ Իգնատիուս Մուրադջանյան դ'Օհսոն
Զբաղեցրած պաշտոններ	դեսպան
Անդամություն	Շվեդիայի թագավորական գիտությունների ակադեմիա և Շվեդիայի բանահյուսության, պատմության և հնավաճառության թագավորական ակադեմիա
	Abraham Constantin Mouradgea d’Ohsson Վիքիպահեստում

Աբրահամ Կոնստանտին Մուրադջանյան դ'Օհսոն (շվեդ.՝ Abraham Constantine Mouradgea d'Ohsson, նոյեմբերի 26, 1779(1779-11-26)^[1]^[2]^[3], Ստամբուլ, Օսմանյան կայսրություն^[4] - դեկտեմբերի 25, 1851(1851-12-25)^[1], Բեռլին, Պրուսիայի թագավորություն^[5]), հայկական ծագումով շվեդ պատմաբան և դիվանագետ։

Իգնատիուս Մուրադջանյան դ'Օհսոնի որդին։ Նրա առավել հայտնի աշխատանքը վերաբերում էր մոնղոլների պատմությանը սկսած Չինգիզ խանից մինչև Լենկթեմուր։

Կարիերա

Կոնստանտին դ’Օհսոնը Շվեդիա է եկել 1798 թվականին։ 1799 թվականին ավարտել է Ուփսալայի համալսարանը։ Նույն թվականին նա դարձել է արտասահմանյան գրասենյակի աշխատակից, 1801-1803 թվականներին Փարիզում եղել է կցորդ, զբաղվել արևելագիտությամբ։ 1805-1806 թվականներին Մադրիդում, 1807-1808 թվականներին՝ Պրուսիայի թագավորական պալատի դեսպանատանը, 1809 թվականի մի մասը Սևիլյայում (որտեղ Իսպանիայի ապստամբների կառավարությունն ուներ իր շտաբը) եղել է պատվիրակ-քարտուղար, 1811-1813 թվականներին Փարիզում՝ գործերի ժամանակավոր հավատարմատար։ Ավելի ուշ եղել է թագաժառանգ Կառլ Յոհանի կաբինետի քարտուղար, 1816 թվականին նշանակվել է Հաագայում Շվեդիայի նախարարի պաշտոնում, 1834 թվականին նույն պաշտոնը զբաղեցրել է Բեռլինում և 1850 թվականից հետ է կանչվել այնտեղից^[7]։

Կոչումներ

1815 թվականին Մուրադջանյանը կաթոլիկությունից դարձել է լյութերական։ 1828 թվականին ստացել է բարոնի կոչում։ 1817 թվականին դարձել է Շվեդիայի գիտությունների թագավորական ակադեմիայի անդամ, 1823 թվականին՝ Գրականության թագավորական ակադեմիայի պատվավոր անդամ և 1828 թվականին՝ Ուպսալայում գտնվող Գիտությունների թագավորական ընկերության անդամ^[8]։

Գիտական գործունեություն

Մուրադջանյանը քիմիա և միներալոգիա է ուսումնասիրել Իյոնս Յակոբ Բերցելիուսի մոտ։ Հեղինակել է մի շարք ակնարկներ Գիտությունների ակադեմիայի համար գրել է մի շարք ակնարակներ, ինչպես նաև փաստաթղթեր դասական ձգողության տեսության վերաբերյալ (La pression de l'air et les theorem d'hydrodynamique, 1852): Այնուամենայնիվ, նա իր ժամանակի մեծ մասը նվիրել է պատմական հետազոտություններին։ 1820 թվականին հրատարակել է հոր աշխատանքի երրորդ մասը՝ «Tableau Général de l’Empire othoman» և գրել է «Des Peuple you Caucase ou Voyage d'Abou-l-Cassim» (1828) և «Histoire des Mongols depuis Tchinguis-Khan jusqu'à Timour» (1834-1835, նոր հրատարակություն՝ 1852), լայնորեն հղված աշխատություն^[7]։ Մահանալուց առաջ դ'Օհսոնը Լունդի համալսարանին է նվիրաբերել մոտ 300 կտոր գիրք և տասնյակից ավելի ձեռագրեր^[8]։

դ'Օհսոն բարոնական ընտանիքն անհետացել է նրա մահից հետո։

Ծանոթագրություններ

↑ ^1,0 ^1,1 ^1,2 ^1,3 ^1,4 Abraham Constantin Mouradgea d'Ohsson (շվեդերեն) — 1917.
↑ ^2,0 ^2,1 2. D’Ohsson, Abraham Konstantin Mouradgea // https://runeberg.org/nfac/0671.html — 1880. — Vol. 3.
↑ ^3,0 ^3,1 Friherre Abraham Constantin d'Ohsson. Nekrolog. (շվեդերեն) // Aftonbladet — Schibsted, 1852. — ISSN 1103-9000; 1403-9656
↑ ^4,0 ^4,1 ^4,2 Deutsche Nationalbibliothek Record #104312130 // Gemeinsame Normdatei (գերմ.) — 2012—2016.
↑ ^5,0 ^5,1 ^5,2 ^5,3 ^5,4 Հայկական սովետական հանրագիտարան, հատոր 12 (հայ.) — հատոր 12. — էջ 566—567.
↑ ^6,0 ^6,1 Nordisk familjebok (շվեդերեն): konversationslexikon och realencyklopedi / B. Meijer, T. Westrin, Ruben G:son Berg, V. Söderberg, E. Fahlstedt — 2 — Stockholm: 1900.
↑ ^7,0 ^7,1 D'Ohsson. Nordisk familjebok. էջ 1330.
↑ ^8,0 ^8,1 Bakhchinyan, Artsvi (2000). «Armenian-Scandinavian relations from the Early Middle Ages to the Eighteenth Century». Journal of the Society for Armenian Studies: JSAS. 11: 65–81.

Վիքիպահեստն ունի նյութեր, որոնք վերաբերում են «Աբրահամ Կոնստանտին Մուրադջանյան դ'Օհսոն» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 12, էջ 566)։

[_404bf13d6523b1e2-1] 1,0 ^1,1 ^1,2 ^1,3 ^1,4 Abraham Constantin Mouradgea d'Ohsson (շվեդերեն) — 1917.

[_b7158a0fd0cb7b63-2] 2,0 ^2,1 2. D’Ohsson, Abraham Konstantin Mouradgea // https://runeberg.org/nfac/0671.html — 1880. — Vol. 3.

[_6beedefe9da1f38f-3] 3,0 ^3,1 Friherre Abraham Constantin d'Ohsson. Nekrolog. (շվեդերեն) // Aftonbladet — Schibsted, 1852. — ISSN 1103-9000; 1403-9656

[_65fca452d697ec2b-4] 4,0 ^4,1 ^4,2 Deutsche Nationalbibliothek Record #104312130 // Gemeinsame Normdatei (գերմ.) — 2012—2016.

[_70d8ffb2eeb097e0-5] 5,0 ^5,1 ^5,2 ^5,3 ^5,4 Հայկական սովետական հանրագիտարան, հատոր 12 (հայ.) — հատոր 12. — էջ 566—567.

[_f35834160511b6d4-6] 6,0 ^6,1 Nordisk familjebok (շվեդերեն): konversationslexikon och realencyklopedi / B. Meijer, T. Westrin, Ruben G:son Berg, V. Söderberg, E. Fahlstedt — 2 — Stockholm: 1900.

[nordisk-7] 7,0 ^7,1 D'Ohsson. Nordisk familjebok. էջ 1330.

[artsvi-8] 8,0 ^8,1 Bakhchinyan, Artsvi (2000). «Armenian-Scandinavian relations from the Early Middle Ages to the Eighteenth Century». Journal of the Society for Armenian Studies: JSAS. 11: 65–81.

[1]

[2]

[3]

[4]

[5]

[6]

[7]

[8]