Աբրահամ Գուրգենյան

Վիքիպեդիայից՝ ազատ հանրագիտարանից
Jump to navigation Jump to search
Աբրահամ Գուրգենյան
Ծնվել է 1908
Ծննդավայր Թեհրան, Իրան
Վախճանվել է 1991
Մահվան վայր Կիպրոս
Ազգություն հայ
Քաղաքացիություն Flag of Iran.svg Իրան
Մասնագիտություն նկարիչ

Աբրահամ Գուրգենյան (1908, Թեհրան, Իրան - 1991, Կիպրոս), հայ նկարիչ:

Կենսագրություն[խմբագրել | խմբագրել կոդը]

Աբրահամ Գուրգենյանը ծնվել է 1908 թվականին Թեհրանում: Մանուկ հասակում որբացել է և ուղարկվել Նոր Ջուղայի սուրբ Ամենափրկիչ վանք` որպես գիշերօթիկ դպրոցի աշակերտ, որտեղ սովորել է 9 տարի: Ուսումն ավարտելուց հետո վերադարձել է Թեհրան, աշխատել լուսանկարչի մոտ որպես ռետուշյոր, զբաղվել նկարչությամբ և հայկական ու պարսկական մանրանկարչության ուսումնասիրությամբ, ուսումնասիրել է հայկական և իրանական կենցաղային սյուժեներ, աշխատել է Սաադիի, Նիզամիի, Օմար Խայամի, Սայաթ Նովայի, Հովհաննես Թումանյանի, Ավետիք Իսահակյանի ստեղծագործությունների նկարազարդումների վրա: Եղել է Դերվիշի աշակերտը[1]:

40 տարեկան հասակում Գուրգենյանը սկսել է ուսումնասիրել Սպահանի Սուրբ Ամենափրկիչ եկեղեցու թանգարանի հին ձեռագրերը: Հեղինակել է կտավների շարք, որտեղ արտացոլված են Նոր Ջուղայի հայերի կյանքը, պատմությունը, տարազները, Ջուղայի կրոնական և անվանի դեմքերը, գերեզմանաքարերը: Գուրգենյանի նպատակն է եղել այդ կոթողները փրկել մոռացումից ու կործանումից:

Ջուղայի հայերի կյանքի մասին պատմող Գուրգենյանի ստեղծագործությունները պահվում են Ջուղայի Սուրբ Ամենափրկիչ եկեղեցու թանգարանում, իրանահայերի կյանքի մասին պատմող կտավները պահվում են Սուրբ Էջմիածնի թանգարանում[2], կտավների մի մասն էլ գտնվում են Բեյրութի «Մարտիկյան» թանգարանում:

Գուրգենյանը մահացել է 1991 թվականին Կիպրոսում:

Ցուցահանդեսներ[խմբագրել | խմբագրել կոդը]

Գուրգենյանը ցուցահանդեսների է մասնակցել Ջուղայում, Թեհրանում, Միջին Արևելքի երկրներում, Հռոմում, Վիեննայում: Գուրգենյանի «Նոր Ջուղայի գերեզմանաքարերը» նկարների ժողովածուն ներկայացվել է Շվեդիայում:

Գրականություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Իրանահայոց հանրագիտարան: Կազմող` Ժանետ Տ. Լազարյան: Երևան, «ՎՄՎ-Պրինտ, 2012
  2. Նկարիչ Աբրահամ Գուրգենյան