«Solo», հարավկորեացի երգչուհի և Blackpink գըրլ բենդի անդամ Ջեննիի դեբյուտային սոլո սինգլը, որը թողարկվել է 2018 թվականի նոյեմբերի 12-ին YG Entertainment և Interscope Records լեյբլների միջոցով: Երգը գրել են Թեդի Փաքը և Ջեննին և պրոդյուսերավորվել է Փաքի և 24-ի կողմից: 2020 թվականի մայիսի տվյալներով երգի երաժշտական տեսահոլովակը ՅուԹյուբ հարթակում ունի ավելի քան 459 միլիոն դիտում և 7 միլիոն հավանում:
Պատմություն և թողարկում
Ջեննիի սոլո դեբյուտի մասին հայտարարվել է YG Entertainment-ի կողմից` 2018 թվականի հոկտեմբերի 27-ին` սոցցանցերի տարբեր էջերում տեղադրված գովազդային պաստառների միջոցով[2]: Մեկ օր հետո, 23 վայրկյան տևողությամբ թիզերը հրապարակվել է Blackpink խմբի ՅուԹյուբյան պաշտոնական ալիքում: Երկրորդ թիզերը հրապարակվել է մեկ շաբաթ անց, որում ցուցադրվում է ֆոտոստուդիայում նրա ելույթը տարբեր հագուստներով[3][4]: Երրորդ և վերջին թիզերը հրապարակվել է սինգլի թողարկումից չորս օր առաջ, որում նա ցուցադրվում է տարբեր վայրերում և տարբեր հագուստներով
[5]: Սինգլը թողարկվել է թվային ներբեռնման ձևաչափով` 2018 թվականի նոյեմբերի 12-ին:
Առաջխաղացում
«Solo»-ի առաջխաղացման համար Ջեննին մի քանի անգամ ելույթ է ունեցել երգով: Երգը առաջին անգամ կատարել է Սեուլի Olympic Gymnastics Arena-ում` Blackpink-ի համերգի ժամանակ նոյեմբերի 10-ին և 11-ին[6][3]: Նա նոյեմբերին և դեկտեմբերին չորս անգամ կատարել է երգը Inkigayo-ի ժամանակ և երեք անգամ հաղթել է: Նույն ամսին, խումբը «Solo» և «Ddu-Du Ddu-Du» երգերը կատարել է Gayo Daejeon-ի ժամանակ: Երգով նաև ելույթ է ունեցել Կոաչելլա փառատոնի ժամանակ` 2019 թվականի ապրիլի 12-ին
[7] Երգի ֆիզիկական տարբերակը թողարկվել է 2018 թվականի նոյեմբերի 18-ին: Հատուկ տարբերակում ներառված են CD, 72 էջանոց ֆոտոգիրք, երկուկողմանի պաստառ, պատահական ֆոտոքարտ և երգի տեքստով բացիկ[8]:
Երաժշտական տեսահոլովակ
Երաժշտական տեսահոլովակը նկարահանվել է Մեծ Բրիտանիայում` ռեժիսոր Հան Սա Մինի կողմից[9][1]: Նոյեմբերի 15-ին, խմբի ՅուԹյուբյան ալիքում թողարկվել է «Solo»-ի խորեոգրաֆիայի հոլովակը: 2020 թվականի մայիսի տվյալներով հոլովակը ունի 166 միլիոն դիտում և ավելի քան 2 միլիոն հավանում[10]:
Առևտրային հաջողություն
Երգի թվային տարբերակը դեբյուտ է կատարել Gaon չարթի առաջին հորիզոնականում, իսկ ֆիզիկական տարբերակը դեբյուտ է կատարել ալբոմների չարթի երկրորդ հորիզոնականում: CD-ն վաճառվել է ավելի քան 48 000 օրինակով Հարավային Կորեայում[11]:
↑«블랙핑크 제니, 첫 솔로곡명은 'SOLO'..테디와 의기투합 [공식입장]» [Blackpink's Jenny to release Teddy produced first song 'Solo' [Official announcement]] (կորեերեն). OSEN. October 27, 2018. Վերցված է April 17, 2019-ին.