Միրել Շահինյան
- Վիքիպեդիայում կան հոդվածներ Շահինյան ազգանունով այլ մարդկանց մասին։
Միրել Շահինյան | |
|---|---|
 | |
| Ծնվել է | մայիսի 17, 1918 |
| Ծննդավայր | Նոր Նախիջևան, Ռոստովի շրջան, Դոնի զորքի մարզ, Don Soviet Republic, ՌԽՖՍՀ |
| Վախճանվել է | փետրվարի 24, 2012 (93 տարեկան) |
| Մահվան վայր | Կոկտեբել, Թեոդոսիայի քաղաքային խորհուրդ, Ղրիմի Ինքնավար Հանրապետություն, Ուկրաինա |
| Քաղաքացիություն |  Ռուսաստան |
| Կրթություն | Մոսկվայի գեղարվեստական ինստիտուտ (1948) |
| Մասնագիտություն | նկարչուհի |
| Ժանր | գրաֆիկա |
| Անդամակցություն | ԽՍՀՄ նկարիչների միություն |
| Հայր | Հակոբ Խաչատրյանց |
| Մայր | Մարիետա Շահինյան |
| Ամուսին | Վիկտոր Ցիգալ |
| Զավակներ | Սերգեյ Ցիգալ |
Միրել Շահինյան (մայիսի 17, 1918, Նոր Նախիջևան, Ռոստովի շրջան, Դոնի զորքի մարզ, Don Soviet Republic, ՌԽՖՍՀ - փետրվարի 24, 2012, Կոկտեբել, Թեոդոսիայի քաղաքային խորհուրդ, Ղրիմի Ինքնավար Հանրապետություն, Ուկրաինա), հայ գեղանկարիչ։ ԽՍՀՄ նկարիչների միության անդամ։
Կենսագրություն[խմբագրել | խմբագրել կոդը]
Միրել Շահինյանը ծնվել է 1918 թվականին Նոր Նախիջևանում Մարիետա Շահինյանի և Յակով Խաչատրյանցի ընտանիքում[1]։ Առաջին դասարան հաճախել է Հայաստանի ռուսական դպրոցում, այնուհետև ուսումը շարունակել է Կիսլովոդսկում։ 1928 թվականի ամռանը Մաքսիմիլիան Վոլոշինը Մարիետա Շահինյանին դստեր հետ հրավիրել է Կոկտեբել, որտեղ նրանք բնակարան են վարձել Պավլովների ընտանիքի հարևանությամբ։ 1931 թվականին Շահինյանների ընտանիքը տեղափոխվել է Մոսկվա։ 1936 թվականին Միրել Շահինյանն ավարտել է դպրոցը։ Մեծ հայրենական պատերազմի տարիներին տարհանվել է Սվերդլովսկ։ 1948 թվականին ավարտել է Մոսկվայի գեղարվեստական ինստիտուտը (Ալեքսանդր Դեյնեկայի դասարան)։ 1948 թվականին Մարիետա Շահինյանը 500 ռուբլով դստեր համար Կոկտեբելում բնակարան է գնել։ Միրելն ապրել է Մոսկվայում (Արբատ) և Ղրիմում (Կոկտեբել)։
Միրել Շահինյանը մահացել է 2012 թվականի փետրվարի 24-ին Կոկտեբելում[2]։ Թաղված է Կոկտեբելի գերեզմանատանը[3]։
Ստեղծագործություններ[խմբագրել | խմբագրել կոդը]
Միրելի աշխատանքների զգալի մասը նվիրված է Աֆրիկային, որտեղ արվեստագետը եղել է 16 անգամ։ Նկարել է աֆրիկյան «Ճամփորդական նշումներ» կտավները։ Կտավների մեկ այլ մեծ շարք նվիրված է Կոկտեբելին[4]։
Աշխատանքները գտնվում են Կուրգանի շրջանի գեղարվեստի թանգարանում, Լուգանսկի տարածաշրջանային գեղարվեստի թանգարանում, Մաքսիմիլիան Վոլոշինի տուն-թանգարանում, Ռուսաստանի, Ֆրանսիայի, Իտալիայի, Ճապոնիայի, Բուլղարիայի, Գերմանիայի, Մարոկոյի մասնավոր հավաքածուներում[5]։
Ընտանիք[խմբագրել | խմբագրել կոդը]
- Հայր՝ Հակոբ Խաչատրյանց (1884-1960), հայ գրականագետ, թարգմանիչ
- Մայր՝ Մարիետա Շահինյան (1888-1982) հայ ռուսագիր գրող, բանասեր, հրապարակախոս, թարգմանիչ
- Ամուսին՝ Վիկտոր Ցիգալ (1916-2005), ՌԴ ժողովրդական նկարիչ, Ռուսաստանի գեղարվեստի ակադեմիայի իսկական անդամ
- Դուստր՝ Ելենա Ցիգալ (1941, Սվերդլովսկ), կենսաբանական գիտությունների թեկնածու
- Որդի՝ Սերգեյ Ցիգալ (1949), ռուս նկարիչ
- Հարս՝ Լյուբով Պոլիշչուկ (1949-2006), կինոյի և թատրոնի ռուս դերասանուհի, թատերական գործիչ, մանկավարժ
Ծանոթագրություններ[խմբագրել | խմբագրել կոդը]
- ↑ Хачикян С. Она считала себя ростовчанкой Արխիվացված 2014-10-18 Wayback Machine // www.yerkramas.org. - 2013. - 19 мая.
- ↑ Клепс С. В Коктебеле скончалась Мирэль Шагинян // kafanews.com. - 2012. - 25 февр.
- ↑ «У Любови Полищук в Крыму умерла 94-летняя свекровь». Արխիվացված է օրիգինալից 2015 թ․ մայիսի 18-ին. Վերցված է 2017 թ․ մարտի 21-ին.
- ↑ «Выставка произведений МИРЭЛЬ ШАГИНЯН». www.rah.ru. Վերցված է 2017 թ․ մարտի 21-ին.
- ↑ «Информация из Российской академии художеств». www.moscowlife.net. Վերցված է 2017 թ․ մարտի 21-ին.