Կովկասյան էթնիկ փոքրամասնությունները Թուրքիայում
Կովկասյան էթնիկ փոքրամասնությունները, Թուրքիայում բնակվող ազգեր, որոնց նախահայրենիքը գտնվում է Կովկասի տարածքում։ Թուրքիայում բնակվում են կովկասյան հետևյալ ազգությունները՝
- Ադրբեջանցիներ՝ թյուրքական ծագմամբ ժողովուրդ, որոնք հիմնականում բնակվում են Թուրքիայի արևելյան հատվածում, Կարսի մարզում։ Մեծամասնությունը շիա իսլամի հետևորդներ են։ Ադրբեջանի անկախացումից հետո Թուրքիայի ադրբեջանցիների մեծ մասը վերադարձել է Ադրբեջան։
- Հայեր՝ Թուրքիայում պաշտոնապես ճանաչված երեք էթնիկ փոքրամասնություններից մեկը (մյուս երկուսը հույները և հրեաներն են)։ Հիմնականում բնակվում են Ստամբուլի, Իզմիրի, Դիարբեքիրի, Սիվասի, Վանի, Կարսի, Արդվինի, Արդահանի, Մերսինի մարզերում։
- Վրացիներ՝ հիմնականում բնակվում են Թուրքիայի հյուսիսարևելյան մասում՝ Փոքր Կովկասի լեռներում։ Էթնիկ վրացիների մեծ մասը Վրաստանի անկախացումից հետո, տեղափոխվել է Վրաստան։
- Մուհաջիրներ
- Չերքեզներ (ինչպես նաև աբխազներ, աբազներ և ուբուխներ) բնակեցվել են Օսմանյան կայսրության տարածքում 19-րդ դարում հիմնականում Կովկասյան պատերազմից հետո։ Ուբուխները, ովքեր ստիպողաբար տեղահանվել են ռուսական զորքերի կողմից Թուրքիա, կորցրել են ազգային ինքնորոշումը և ձուլվել կամ թուրք կամ էլ չերքեզ ազգին։ Թուրքիայի չերքեզ բնակչությունը հիմնականում բնակվում է համայնքներով՝ Թուրքիայի Հաթայի, Սամսունի, Դյուզջեի մարզերում և Չանաքքալե քաղաքում։
- Օսեթները Թուրքիայում բնակվում են Կարսի և Յոզգաթի մարզներում։
- Չեչենները բնակվում են հիմնականում Մարաշ, Կարս, Սեբաստիա, Ստամբուլ քաղաքներում, ինչպես նաև Մարդինի մարզում։
- Դաղստանական սփյուռքը (հիմնականում ավարներ, լեզգիներ և կումիկներ) բնակվում են Թոքաթի, Բալըքեսիրի և Յալովայի մարզում[1]։
- Կարաչայները և բալկարցիները բնակվում են Քոնյայի մարզում։
- Լազերը հիմնականում բնակվում են Թուրքիայի հյուսիսային և հյուսիսարևելյան հատվածներում՝ նախկին Լազիստան սանջաքում, ներկայումս Արդվինի մարզում։
Ծանոթագրություններ[խմբագրել | խմբագրել կոդը]
- ↑ «Արխիվացված պատճենը». Արխիվացված է օրիգինալից 2013 թ․ ապրիլի 18-ին. Վերցված է 2016 թ․ նոյեմբերի 1-ին.
Արտաքին հղումներ[խմբագրել | խմբագրել կոդը]
- Ethnic Groups in the Republic of Turkey, Peter Alford Andrews, Wiesbaden, 1989 ISBN 3-89500-297-6