Խորեն Հովհաննիսյան

Խորեն Հովհաննիսյան
Քաղաքացիությունը	ԽՍՀՄ և  Հայաստան
Ծննդյան ամսաթիվ	հունվարի 10, 1955(1955-01-10) (69 տարեկան)
Ծննդավայր	Երևան, Հայկական ԽՍՀ, ԽՍՀՄ
Հասակ	172 սանտիմետր
Քաշ	70 կիլոգրամ
Դիրք	կիսապաշտպան
Պարգևներ և

Խորեն Հովհաննիսյան (հունվարի 10, 1955(1955-01-10), Երևան, Հայկական ԽՍՀ, ԽՍՀՄ), հայ ֆուտբոլիստ, կիսապաշտպան, միջազգային կարգի սպորտի վարպետ, Հայաստանի վաստակավոր մարզիչ։

Խորեն Հովհաննիսյանը բարձրակարգ տեխնիկայի տեր ֆուտբոլիստ է, խաբսի և փոխանցման վարպետ, գրոհների հմուտ կազմակերպիչ և դիպուկ հարվածող։ Լավագույներից մեկը հայկական ֆուտբոլում։

Խորեն Հովհաննիսյանի որդին է ֆուտբոլիստ Ժորա Հովհաննիսյանը։

Կարիերան

ԽՍՀՄ առաջնության բարձրագույն խմբում հանդես է եկել Երևանի «Արարատի» (1975-85) և Տաշքենդի «Պախտակորի» (1991) թիմերում։ «Արարատի» կազմում անցկացրել է 295 խաղ, խփել 93 գոլ։ Ընդհանուր առմամբ խփել է 113 գոլ։

Օլիմպիական խաղերի բրոնզե մեդալակիր (1980), Եվրոպայի երիտասարդական առաջնության հաղթող (1976), ԽՍՀՄ 1976 թ. գարնանային առաջնության արծաթե մեդալակիր։ 1979-1984 թթ.-ին հանդես է եկել ԽՍՀՄ գլխավոր հավաքականում (37 խաղ, 8 գոլ)։ Հայաստանի ֆուտբոլիստներից առաջինն է մասնակցել աշխարհի առաջնության եզրափակիչ փուլի (1982) և խփել 1 գոլ։ Հանդես է եկել նաև ԽՍՀՄ պատանեկան հավաքականում։

Ավարտելով մրցելույթները՝ մարզչական աշխատանքի է անցել Հայաստանում, ղեկավարել Երևանի ՀՄԸՄ և «Փյունիկ» թիմերը, մարզել է Բեյրութի ՀՄԸՄ-ն, 1996-1997 թթ.-ին գլխավորել է Հայաստանի ազգային հավաքականը։

2004 թվականին ՈՒԵՖԱ-ի ստեղծման 50-րդ տարեդարձի առթիվ կազմակերպված քվեարկության արդունքում ճանաչվել է Հայաստանի (1954-2003) լավագույն ֆուտբոլիստ։

2010 թ. մայիսի 24-ին Հայաստանի Նախագահի հրամանագրով պարգևատրվել է Մովսես Խորենացու մեդալով։

Կարիերայի վիճակագրություն

Գոլեր հավաքականի կազմում

N°	Տարեթիվ	Մրցավայր	Հակառակորդ	Հաշիվ	Ժամանակ	Առաջնություն
1	15 հոկտեմբերի 1980	Մոսկվա, ԽՍՀՄ	Իսլանդիա	5-0	39՝	Աշխարհի առաջնություն 1982
2	15 հոկտեմբերի 1980	Մոսկվա, ԽՍՀՄ	Իսլանդիա	5-0	58՝	Աշխարհի առաջնություն 1982
3	4 դեկտեմբերի 1980	Մար-դել-Պլատա, Արգենտինա	Արգենտինա	1-1	21՝	Ընկերական հանդիպում
4	14 ապրիլի 1982	Բուենոս Այրես, Արգենտինա	Արգենտինա	1-1	69՝	Ընկերական հանդիպում
5	1 հուլիսի 1982	Բարսելոնա, Իսպանիա	Բելգիա	1-0	48՝	ԱԱ Եզրափակիչ փուլ 1982
6	26 հուլիսի 1983	Լայպցիգ, ԳԴՀ	Գերմանիայի դեմոկրատական հանրապետություն	1-3	35՝	Ընկերական հանդիպում

Նվաճումներ

Թիմային

Խաղացող

Արարատ, Երևան

• Խորհրդային գլխավոր լիգա երկրորդ տեղ (1)։ 1976
• ԽՍՀՄ Առաջնություն (1)։ 1975

Կիլիկիա, Երևան

• Հայաստանի Բարձրագույն խումբ (2)։ 1992, 1995–96
• Հայաստանի Անկախության Գավաթ (1)։ 1996
• Հայաստանի Անկախության Գավաթ երկրորդ տեղ (1)։ 1992

Մարզիչ

Կիլիկիա, Երևան

• Հայաստանի Բարձրագույն խումբ (2)։ 1995-96, 1995–97
• Հայաստանի Անկախության Գավաթ (1)։ 1996
• Հայաստանի Անկախության Գավաթ երկրորդ տեղ (1)։ 1992
• Հակոբ Տոնոյանի անվան Սուպերգավաթ (2)։ 1996, 1998
• Հակոբ Տոնոյանի անվան Սուպերգավաթ երկրորդ տեղ (1)։ 1997

Հավաքականերում

Խորհրդային Միություն

• ՈՒԵՖԱ Եվրո 1976 U-21
• Օլիմպիական խաղեր (1)։ 1980
• Գրիգորի Ֆեդոտովի ակումբ 118 գոլ

Անձնական

• Խորհրդային գլխավոր լիգայի մրցաշրջանում լավագույն 33 ֆուտբոլիստները։ № 1 - 1980, 1982, 1983, № 2 - 1979, № 3 - 1981
• Խորհրդային գլխավոր լիգայի լավագույն նորեկ։ 1975

Գրականություն

• Այվազյան Ա. Ս։ Խորեն Հովհաննիսյան կենսագրական ակնարկ։ — «Սովետական գրող», Երևան 1984 թվական։
• Գրիգորյան Ա. Գ։ Ֆուտբոլային ոդիսական հայր և որդի Հովհաննիսյաներ։ — «Նոյան տապան», 2014 թվական հունվար։
• Գրիգորյան Ա. Գ։ Խորեն Հովաննիսյանն հավասար է Ռիվելինոյին և Մարադոնային— «Նոյան տապան», 2015 թվականի մարտ։
• Գրիգորյան Ա. Գ։ Ինչ ցավ է, թե ինչ ցավ։ Հայաստան - Արգենտինա 6։ 0։ — «Հայաստան թերթ», 04.05.2000։
• Գրիգորյան Ա. Գ։ «Նոր Պելեն» կյանքը Երևանում. — «Ուրարտու պարբերական», №22, 2000 թվական։
• Գրիգորյան Ա. Գ։ Խորեն Հովհաննիսյան լավագույնն Տաշկենդում — «Ուրարտու պարբերական», №34, 2000 թվական։
• Գրիգորյան Ա. Գ։ «Փյունիկ» հասել է գավաթի խաղարկությունում։ — «Ուրարտու պարբերական», №18, 2000 թվական։

Արտաքին հղումներ

• Խորեն Հովհաննիսյան, «National-Football-Teams.com» կայքում։
• Խորեն Հովհաննիսյան Արխիվացված 2019-09-16 Wayback Machine, «Ռուսաստանի ազգային հավաքականի» կայքում։
• Հայկական ֆուտբոլի հերոս Խորեն Հովհաննիսյան 60 տարեկան է: Արխիվացված 2016-06-10 Wayback Machine
• Հարցազրույց Խորեն Հովհաննիսյանի հետ Արխիվացված 2019-09-16 Wayback Machine