Եվրասիա ավագ դպրոց-վարժարան
Եվրասիա ավագ դպրոց-վարժարան | |
---|---|
Տեսակ | դպրոց |
Կարգախոս | Կրթենք և՛ մարմինը, և՛ հոգին |
Հիմնադրված է | 1997 |
Տնօրեն | Ս. Օհանյան |
Երկիր | Հայաստան |
Տեղագրություն | Երևան |
Հասցե | ք. Երևան, 0014, Ազատության 24/2 |
Կայք | college.eiu.am |
Եվրասիա ավագ դպրոց-վարժարան, մասնագիտացված վարժարան Հայաստանի Երևան քաղաքում։
Հանրակրթական ծրագրով ավագ դպրոցը բացվել է 1997 թվականին՝ Եվրասիա միջազգային համալսարանի հարևանությամբ։
Պատմություն[խմբագրել | խմբագրել կոդը]
Եվրասիա ավագ դպրոց-վարժարանը հիմնադրվել է 1997 թվականին[1]։ Կրթօջախի դասավանդման մեթոդիկայի հիմքում ընկած է դասականի և նորարարականի զուգակցումը։
Վարժարան կարող են ընդունվել 9-րդ դասարանների աշակերտները։ Շրջանավարտներն ստանում են պետական ատեստատ։
Ավագ դպրոցի գլխավոր առանձնահատկությունը այն է, որ սովորողները կարող են ստանալ նաև մասնագիտական հոսքային գիտելիքներ (իրավագիտություն, տնտեսագիտություն, բիզնես և կառավարում, լեզվաբանություն և այլն)։
Դպրոցի տնօրինությունը կազմակերպում է նաև «Եվրասիա» ամառային դպրոցի՝ հանրապետությունում «Քայլ առաջ» ծրագրի շրջանակներում, որը նպաստում է նոր ընդունված աշակերտների ուսուցման մոտիվացմանը, նոր հմտությունների զարգացմանը ու առաջադիմության բարձրացմանը։
Ներկայումս դպրոցում գործող ծրագիրը համապատասխանում է միջազգային բակալավրիատի ծրագրին ներկայացվող պահանջներին, և շրջանավարտը կարող է մասնակցել եվրոպական համալսարանների ընդունելության մրցույթին։
Ավագ դպրոցը նաև հանրակրթական ծրագրերի շրջականերում կազմակերպում է ուսուցում արտասահմանյան երկրներում, ինչպիսիք են օրինակ Լեհաստանը, Հունաստանը (Սալոնիկի Արիստոտելի համալսարան), Մեծ Բրիտանիան, Լիտվան և այլն։
Կրթություն[խմբագրել | խմբագրել կոդը]
Հոսքեր և ենթահոսքեր[խմբագրել | խմբագրել կոդը]
Դպրոցում գործում է հոսքային կրթություն[2]։
Տնտեսագիտություն[խմբագրել | խմբագրել կոդը]
- Միջազգային տնտեսական հարաբերություններ
- Հաշվապահական հաշվառում և ֆինանսներ
- Մարքեթինգ և բիզնես
Տնտեսագիտական հոսքում սովորող Վարժարանի սաները միաժամանակ մասնակցում են Բիզնես դպրոցի պարապմունքներին։
Աշակերտները ծանոթանում են բիզնեսի կազմակերպման հիմունքներին, զարգացնում են ձեռնարկատիրական հմտություններ, սովորում են վաստակել, պլանավորել ծախսերը, կատարել ներդրումներ, խնայել և զբաղվել բարեգործությամբ։
Ծրագրի ընթացքում աշակերտները հանդիպում են հաջողակ գործարարների հետ և ծանոթանում նրանց փորձին։
Իրավագիտություն[խմբագրել | խմբագրել կոդը]
Եվրասիա վարժարանում գործում է իրավաբանական կլինիկա։ Իրավագիտություն հոսքի աշակերտները կարող են զարգացնել իրենց տեսական գիտելիքները՝ հաճախորդներին իրավաբանական խորհրդատվություն տալու միջոցով։
Կլինիկայի շրջանակներում վարժարանի սաներն այցելում են ՀՀ արդարադատություն իրականացնող մարմիններ (դատարաններ) և իրավապահ մարմիններ (ոստիկանություն, քննչական բաժանմունք)։
Լեզվաբանություն[խմբագրել | խմբագրել կոդը]
- Անգլերեն լեզու և գրականություն
- Ֆրանսերեն լեզու և գրականություն
- Իսպաներեն լեզու և գրականություն
Ավագ դպրոցի աշակերտները խորացված կերպով ուսումնասիրում են անգլերեն լեզուն, դրան զուգահեռ սովորելով նաև ռուսերեն, ինչպես նաև ընտրովի կերպով ֆրանսերեն և իսպաներեն լեզուները։
Ֆիզիկա-մաթեմատիկակա[խմբագրել | խմբագրել կոդը]
Ծրագրի շրջանակներում աշակերտները ծանոթանում են տեղեկատվական ծրագրերի մշակմանը, դրանց կիրառման սկզբունքներին, զարգացման միտումներին։
Բժշկա-կենսաբանական[խմբագրել | խմբագրել կոդը]
Մանկավարժական անձնակազմ[խմբագրել | խմբագրել կոդը]
- Սուրեն Օհանջանյան - տնօրեն Աշխարհագրական գիտությունների դոկտոր, պրոֆեսոր[3]
- Արփի Ասատրյան - փոխտնօրեն
- Արմինե Գրիգորյան - մեթոդիստ
- Աղավնի Պարլադյան - Հայոց լեզվի և գրականության ուսուցչուհի
- Նաիրա Մուրադյան - Ինֆորմատիկայի ուսուցչուհի
- Նոնա Խոջոյան - կենսաբանության և քիմիայի ուսուցչուհի
- Հովսեփ Մարտիրոսյան - Հանրահաշվի և երկրաչափության ուսուցիչ
- Սյուզաննա Նահապետյան - Հայոց լեզվի և գրականության ուսուցչուհի
- Ալլա Ռուդենկոց - Ռուսաց լեզվի ուսուցչուհի
- Իննեսա Գևորգյան - Անգլերենի ուսուցչուհի
- Մարգարիտ Սեդրակյան - Ֆրանսերենի ուսուցչուհի
- Մարինա Ղազարյան - Հոգեբանության ուսուցչուհի
- Ալեքսան Արևշատյան - Ֆիզկուլտուրայի ուսուցիչ
- Արթուր Եղիկյան - Հայոց և համաշխարհային պատմության ուսուցիչ
- Լաուրա Ավետիսյան - Ֆիզիկայի ուսուցչուհի
Ծանոթագրություններ[խմբագրել | խմբագրել կոդը]
- ↑ «Մեր մասին | Եվրասիա վարժարան». www.college.eiu.am. Արխիվացված է օրիգինալից 2016 թ․ ապրիլի 14-ին. Վերցված է 2016 թ․ մայիսի 19-ին.
- ↑ «Հոսքեր, ենթահոսքեր | Եվրասիա վարժարան». www.college.eiu.am. Արխիվացված է օրիգինալից 2016 թ․ ապրիլի 15-ին. Վերցված է 2016 թ․ մայիսի 19-ին.
- ↑ «Մեր թիմը | Եվրասիա վարժարան». www.college.eiu.am. Արխիվացված է օրիգինալից 2016 թ․ ապրիլի 14-ին. Վերցված է 2016 թ․ մայիսի 19-ին.