Եհովայի վկաներ

Վիքիպեդիայից՝ ազատ հանրագիտարանից
«Դիտարան» ընկերության գլխամասը Բրուքլինում (Նյու Յորք, ԱՄՆ)։
Դիտարանի ընկերության ակտիվ անդամների թիվը 1945-2013թթ.

Եհովայի վկաներ (մինչև 1931թ. կոչվում էին «Աստվածաշունչ ուսումնասիրողնոր»), 19-րդ դարի ավարտին Միացյալ Նահանգներում ստեղծված համաշխարհային կրոնական կազմակերպություն։ Ստեղծվել է 1870 թ. Չարլզ Ռասելի կողմից։

Եհովայի վկաները հայտնի են դռնեդուռ այցերի և փողոցում պատահական անցորդների հետ զրուցելով քարոզչություն իրականացնելով։ Նրանք հանդես են գալիս որպես վերջին ժամանակի շարժում, այսինքն՝ հավատում են, որ մարդկությունը գտնվում է Աստվածաշնչում հիշատակված Վերջին դատաստանին նախորդող ժամանակաշրջանում։

Եհովայի վկաները ընդունում են միայն որոշակի գիտակցական տարիքի հասած անձանց մկրտությունը, որով նորահավատը նրանց կազմակերպության անդամ է դառնում։ Քարոզչական գործը վերահսկվում է մի խումբ տղամարդկանց՝ «կառավարիչ մարմնի» կողմից, որը զբաղվում է կրոնական գրականության հրատարակմամբ։ Կառավարիչ մարմինը աշխատում է Նյու Յորքի Բրուքլին արվարձանում գտնվող Եհովայի վկաների գլխավոր վարչական կենտրունում։ Եհովայի վկաները 239 երկրում ունեն 113.823 կրոնական համայնք (ժողով), ավելի քան 7,96 միլիոն անդամով։

Հայաստանի Հանրապետությունում Եհովայի վկաները ակտիվ են 1975-ից։ 2004 թ. պետության կողմից գրանցվել է Հայաստանում գործող կրոնական կազմակերպությունների ցանկում։ 2013 թ. տվյալներով ակտիվ անդամների («քարոզիչների»[1]) թիվը 11.076 է, կրոնական արարողություններին մասնակցողների թիվը մոտ երկու անգամ ավելի է։

Արտաքին հղումներ[խմբագրել]



Ծանոթագրություններ և նշումներ

  1. «Քարոզիչներ» (publisher) են կոչվում այն ակտիվ անդամները, որոնք զբաղվում են պաշտոնական քարոզչությամբ։