Օսեանա

Օսեանա;
Ծնվել է	հունվարի 23, 1982 (42 տարեկան)
Ծննդավայր	Վեդել, Պինեբերգ, Շլեզվիգ-Հոլշտայն, Գերմանիայի Ֆեդերատիվ Հանրապետություն
Քաղաքացիություն	Գերմանիա
Մասնագիտություն	երգչուհի
Կայք	oceana-online.de
	Oceana Վիքիպահեստում

Օսեանա Մալման (Oceana Mahlmann, ավելի հայտնի որպես Oceana, հունվարի 23, 1982(1982-01-23), Վեդել, Պինեբերգ, Շլեզվիգ-Հոլշտայն, Գերմանիայի Ֆեդերատիվ Հանրապետություն^[1]), գերմանա-ամերիկյան երգչուհի և երգերի հեղինակ, ունի աֆրո-մարտինիկյան ծագում։

Հայտնի է դարձել 2009 թվականին թողարկված «Cry Cry» երգի շնորհիվ։

Կենսագրություն

Ծնվել է 1982 թվականին Գերմանիայում։ Նրա հայրը ճամայկյան ծագմամբ դիջեյ և երաժիշտ է, մայրը` հագուստի դիզայներ։

Փոքր տարիքում նա զբաղվել է բալետով, վոկալով, ինչպես նաև հետաքրքրված է եղել սոուլ և ռեգգի երաժշտական ուղություններով։ Օսեանայի երաժշտության վրա ազդեցություն են ունեցել այնպիսի երգիչներ, ինչպիսիք են Ջեյմս Բրաունը և Բոբ Մարլին։

5 տարեկանում նկարահանվել է գերմանացի ռեժիսոր Լարս Բեքերի ֆիլմերից մեկում, իսկ արդեն 15 տարեկանում հաղթել է իր առաջին երաժշտական մրցույթում։

Կարիերա

Նրա վրա լուրջ ազդեցություն է ունեցել հայտնի սաքսոֆոնահար և ընտանիքի ընկեր Մեյսիո Փարկերը։ Օսեանան նրա խմբում աշխատել է որպես բեք-վոկալիստ։ Նրա շնորհիվ Օսեանան սկսեց իր երգչուհու կարիերան։

2000 թվականին երգչուհին ձայնագրել է իր առաջին ալբոմը «Magic Lights» անունով։ Սակայն համաշխարհային ճանաչում նա ստացավ «Ultra Records» ձայնագրման ստուդիայի հետ կոնտրակտի ստորագրումից և 2009 թվականին թողարկված «Love Supply» ալբոմից հետո։ Հենց այդ ալբոմի մեջ էլ ընդգրկված է եղել «Cry Cry» երգը։

2010 թվականի Օսեանան մասնակցել է լեհական «Պարեր աստղերի հետ» ծրագրին, որտեղ իր զուգընկեր Պրյամիսլավ Յուշկևիչի հետ զբաղեցրել է 6-րդ հորիզոնականը։

2012 թվականին նա կատարել է Եվրոպայի ֆուտբոլի առաջնության պաշտոնական օրհներգը՝ «Endless Summer» երգը^[2]։ 2012 թվականի հուլիսի 1-ին փակման արարողության ժամանակ Օսեանան երգը կատարել է ուղիղ եթերում մոտ մեկ միլիարդ հեռուստատեսի առջև։ «Endless Summer» տեսահոլովակը դիտել է ավելի քան 80 միլիոն մարդ^[3]։ Երգը ստացել է բազմաթիվ ոսկե և պլատինե մրցանակներ ողջ Եվրոպայում (Գերմանիա, Լեհաստան, Ռուսաստան, Ուկրաինա և Իտալիա)^[4]։

Մրցանակներ

Հեռուստադիտողի համակրանք մրցանակը խոշոր երաժշտական մրցանակաբաշխությանը Սոպոտում։
«Eska Music Awards» մրցանակաբաշխության «Տարվա հիթ» մրցանակը «Cry Cry» երգի համար։

Սկավառակագրություն

Ալբոմներ

Love Supply (2009)

Սինգլներ

«Es Hat Mich Erwischt» (1998)
«48 Stunden» (Oceana & Kim) (2000)
«Cry Cry» (2009)
«Pussycat on a Leash» (2009)
«La La» (2010)

Ծանոթագրություններ

↑ Oceana singt offiziellen Song der Fußball-EM
↑ «Martin Garrix, David Guetta, Enrique Iglesias: all the EURO finals' songs». UEFA.com. 10 May 2024.
↑ Oceanaofficial (2012-05-04). Oceana - Endless Summer (Official Video UEFA Euro 2012). Արխիվացված օրիգինալից 2021-12-20-ին. Վերցված է 2012-05-04-ին – via YouTube.
↑ «Oceana: Goldene Schallplatte für EM-Song». 2012-09-07.; «FIMI - Federazione Industria Musicale Italiana - Benvenuto!» (PDF). 2014-01-01. Արխիվացված է օրիգինալից (PDF) January 1, 2014-ին.

Արտաքին հղումներ

Վիքիպահեստն ունի նյութեր, որոնք վերաբերում են «Օսեանա» հոդվածին։

[1] Oceana singt offiziellen Song der Fußball-EM

[2] «Martin Garrix, David Guetta, Enrique Iglesias: all the EURO finals' songs». UEFA.com. 10 May 2024.

[3] Oceanaofficial (2012-05-04). Oceana - Endless Summer (Official Video UEFA Euro 2012). Արխիվացված օրիգինալից 2021-12-20-ին. Վերցված է 2012-05-04-ին – via YouTube.

[4] «Oceana: Goldene Schallplatte für EM-Song». 2012-09-07.; «FIMI - Federazione Industria Musicale Italiana - Benvenuto!» (PDF). 2014-01-01. Արխիվացված է օրիգինալից (PDF) January 1, 2014-ին.

[1]

[2]

[3]

[4]