Օլիմպիա Դուկակիս

Ծննդյան թիվ՝	հունիսի 20, 1931
Ծննդավայր՝	Լոուել, Մասաչուսեթս, ԱՄՆ
Վախճանի թիվ՝	մայիսի 1, 2021 (89 տարեկան)
Վախճանի վայր՝	Նյու Յորք շրջան, Նյու Յորք, Նյու Յորք, ԱՄՆ
Քաղաքացիություն՝	ԱՄՆ
Մասնագիտություն՝	հեռուստատեսային դերասանուհի, կինոդերասանուհի, թատրոնի դերասանուհի, դերասանուհի, ռեժիսոր, կինոպրոդյուսեր և մանկավարժ
Պարգևներ՝	Հոլիվուդյան փառքի ծառուղու աստղ և Obie Award?
IMDb։	ID 0001156

Օլիմպիա Դուկակիս (անգլ.՝ Olympia Dukakis; հունիսի 20, 1931(1931-06-20)^[1]^[2], Լոուել, Մասաչուսեթս, ԱՄՆ - մայիսի 1, 2021(2021-05-01)^[3], Նյու Յորք շրջան, Նյու Յորք, Նյու Յորք, ԱՄՆ^[4]), ամերիկացի դերասանուհի, «Օսկար» և «Ոսկե գլոբուս» մրցանակների դափնեկիր՝ «Լուսնի իշխանությունը» ֆիլմում իր դերի համար։ Էլլիս կղզու պատվավոր մեդալի դափնեկիր^[5]։

Կենսագրություն[խմբագրել | խմբագրել կոդը]

Օլիմպիա Դուկակիսը ծնվել է 1931 թվականի հունիսի 20-ին՝ Մասաչուսեթս նահանգի Լոուել քաղաքում՝ հույն ներգաղթյալներ Ալեքսանդրա և Կոնստանտին Դուկակիսների ընտանիքում^[6]։ Նա մի եղբայր է ունեցել՝ Ապոլլոնը։ Նրա զարմիկը՝ Մայքլ Դուկակիսը, նախկինում Մասաչուսեթսի նահանգապետն է եղել, իսկ 1988 թվականին՝ Դեմոկրատական կուսակցությունից առաջադրվել է ԱՄՆ նախագահի թեկնածու։ Օլիմպիան կրթություն է ստացել Արլինգտոնի միջնակարգ դպրոցում և Բոստոնի համալսարանում։

1960-ական թվականների կեսերից նա սկսել է նկարահանվել։ Օլիմպիան երկրորդական դերեր է կատարել «Lilith», «John and Mary», «Sisters» և մի շարք այլ ֆիլմերում։ 1987 թվականին նրան հանրաճանաչություն է բերել «Լուսնի իշխանությունը» ֆիլմի թողարկումը, որտեղ նա խաղացել է Ռոուզ Կաստորինիի դերը։ Այդ դերի համար նա «Երկրորդ պլանի լավագույն դերասանուհի» անվանակարգում արժանացել է երկու մրցանակի՝ «Օսկար» և «Ոսկե գլոբուս»։ Օլիմպիան Ռոզիի դերը կատարել է «Look Who's Talking» (1989) ֆիլմի երեք մասերում։ Նա խաղացել է նաև «Steel Magnolias» (1989), «In the Spirit» (1990), «Digger» (1993) և շատ այլ ֆիլմերում։

1998 թվականին Օլիմպիա Դուկակիսը «A Life for a Life» հեռուստաֆիլմում կատարել է Շառլոտա Կիշկոյի դերը։ Այդ ֆիլմը նվիրված է եղել Ստեֆան Կիշկոյի իրական պատմությանը, որը երեխայի սպանության անարդար մեղադրանքով ավելի քան 16 տարի անցկացրել է բանտում (Լեսլի Մոլսիդ)։

Օլիմպիան մասնակցել է նաև թատերական բեմադրությունների։ Նա խաղացել է բրոդվեյական «Who's Who in Hell», «Social Security» և «Rose» պիեսներում, արժանացել «Obie» և «Դրամա Դեսկ» մրցանակներին։ Բացի այդ, Օլիմպիան շատ է նկարահանվել հեռուստատեսությունում։ Առավել հայտնի է «Joan of Arc» հեռուստատեսային ֆիլմում խաղացած Բաբեթի մոր դերով (1999)։

2003 թվականին հրատարակվել է նրա ինքնակենսագրությունը՝ «Ask Me Again Tomorrow: A Life in Progress»։

1962 թվականին Օլիմպիան ամուսնացել է դերասան Լուիս Զորիչի հետ, որին պարգևել է երեք զավակ։ Նրանց ամուսնությունը տևել է մինչ Օլիմպիայի մահը՝ 2018 թվականի հունվարի 30-ը։

Ֆիլմագրության ընտրանի[խմբագրել | խմբագրել կոդը]

1987 — «Լուսնի իշխանություն (ֆիլմ)» — Ռոուզ Կաստորինի
1988 — «Working Girl» — տնօրեն
1989 — «Look Who's Talking» — Ռոզի
1989 — «Dad» — Բեթ
1989 — «Steel Magnolias» — Կլարի
1990 — «In the Spirit»— Սյու
1990 — «Look Who's Talking Too 2» — Ռոզի
1992 — «Over the Hill» — Ալմա Հարրիս
1993 — «The Cemetery Club» — Դորիս Սիլվերման
1993 — «Look Who's Talking Too 3» — Ռոզի
1993 — «Digger» — Բի
1994 — «Naked Gun 33⅓: The Final Insult» — Կամեո (տիտրերում նշված չէ)
1994 — «I Love Trouble» — Ջինի
1995 — «Mr. Holland's Opus» — Հելեն Ջեյքոբս
1995 — «Հզոր Աֆրոդիտե» («Mighty Aphrodite»)— Իոկաստա
1995 — «Jeffrey» — տիկին Մարկանժելո
1996 — «Mother» — տիկին Ջեյ
1997 — «Picture Perfect» — Ռիտա Մոսլ
1998 — «Mafia!» — Սոֆիա
1999 — «Joan of Arc» — Բաբեթի մայրը (TV)
2004 — «Գրադարանավար։ Ճակատագրի նիզակի որոնումներով» («The Librarian: Quest for the Spear») — Մարգի Կարսեն
2006 — «Away from Her» — Մերի
2007 — «Կանանց երկրում» («In the Land of Women»)

Մրցանակներ[խմբագրել | խմբագրել կոդը]

1988 թվական — «Ոսկե գլոբուս» մրցանակ՝ «Երկրորդ պլանի լավագույն դերասանուհի» անվանակարգում («Լուսնի իշխանություն» ֆիլմ)
1988 թվական — «Օսկար» մրցանակ՝ «Երկրորդ պլանի լավագույն դերասանուհի» անվանակարգում («Լուսնի իշխանություն» ֆիլմ)

Ծանոթագրություններ[խմբագրել | խմբագրել կոդը]

↑ ^1,0 ^1,1 Internet Broadway Database — 2000.
↑ ^2,0 ^2,1 FemBio տվյալների շտեմարան (գերմ.)
↑ ^3,0 ^3,1 ^3,2 Olympia Dukakis, theater veteran and Oscar-winning ‘Moonstruck’ actress, dies at 89 — LA: 2021. — ISSN 0458-3035; 2165-1736
↑ ^4,0 ^4,1 ^4,2 The New York Times / J. Kahn — Manhattan, NYC: New York Times Company, A. G. Sulzberger, 1851. — ISSN 0362-4331; 1553-8095; 1542-667X
↑ «Greek-Americans Honored at Ellis Island Awards Gala». Hellenic Communication Service.
↑ Olympia Dukakis biography. Film Reference.com.

Արտաքին հղումներ[խմբագրել | խմբագրել կոդը]

Օլիմպիա Դուկակիս (անգլ.) Internet Movie Database կայքում
Օլիմպիա Դուկակիս (անգլ.) Internet Broadway Database կայքում

Վիքիպահեստն ունի նյութեր, որոնք վերաբերում են «Օլիմպիա Դուկակիս» հոդվածին։

[_fd1fa4f4b1201c19-1] 1,0 ^1,1 Internet Broadway Database — 2000.

[_b9a2f783f8205284-2] 2,0 ^2,1 FemBio տվյալների շտեմարան (գերմ.)

[_d9a4a00dc5dfccce-3] 3,0 ^3,1 ^3,2 Olympia Dukakis, theater veteran and Oscar-winning ‘Moonstruck’ actress, dies at 89 — LA: 2021. — ISSN 0458-3035; 2165-1736

[_f577ccd7e568c851-4] 4,0 ^4,1 ^4,2 The New York Times / J. Kahn — Manhattan, NYC: New York Times Company, A. G. Sulzberger, 1851. — ISSN 0362-4331; 1553-8095; 1542-667X

[5] «Greek-Americans Honored at Ellis Island Awards Gala». Hellenic Communication Service.

[6] Olympia Dukakis biography. Film Reference.com.

[1]

[2]

[3]

[4]

[5]

[6]