Տերուելի տաճար

Տերուելի տաճար; իսպ.՝ Catedral de Teruel
Հիմնական տվյալներ
Տեսակ	կաթոլիկ տաճար և co-cathedral?
Երկիր	Իսպանիա
Տեղագրություն	Տերուել
Դավանանք	կաթոլիկություն
Թեմ	Roman Catholic Diocese of Teruel and Albarracín?
Հիմնական ամսաթվերը	1171
Մասն է	Արագոնի մուդեխանյան ճարտարապետություն
Կազմված է	Mudéjar ceiling of Teruel Cathedral?
Ժառանգության կարգավիճակ	Իսպանիայի մշակութային ժառանգության օբյեկտ, Համաշխարհային ժառանգություն և Իսպանիայի ազգային հուշարձաններ
Նվիրված	Մարիամ Աստվածածին
Ճարտարապետ	Pau Monguió i Segura?
Ճարտարապետական ոճ	մուդեխարյան ճարտարապետություն և neo-Mudéjar?
Հիմնադրված	1171
	Teruel Cathedral Վիքիպահեստում

Տերուելի տաճար (իսպ.՝ Catedral de Santa María de Teruel), կաթոլիկ եկեղեցի Իսպանիայում՝ Արագոնի Տերուել քաղաքում։ Հայտնի է որպես Սանտա Մարիա եկեղեցի։ Հանդիսանում է մուդեխար ճարտարապետության լավագույն օրինակներից մեկը։ Քաղաքի և Սարագոսա նահանգի մյուս եկեղեցիների հետ միասին 1986 թվականից ի վեր ընդգրկված է ՅՈՒՆԵՍԿՕ-ի Համաշխարհային ժառանգության օբյեկտների ցանկում՝ որպես Արագոնի մուդեխար ճարտարապետության հուշարձան։

Պատմություն

Արագոնիայի թագավոր Ալֆոնսո II-ը պատվիրել է կառուցել Սանտա Մարիա եկեղեցին, ռոմանական ճարտարապետական ոճով։ 13-րդ դարում մորիսկի ճարտարապետ Ջուզաֆը (Juzaff) վերակառուցեց տաճարը, կատարելագործեց նավը և երկու ենթակողմերը, և տվեց նրանց Մուդեխառ ճարտարապետության տեսք։ Զանգակատան կառուցումը ավարտվել է 1257 թվականին։ Ռոմանական աբսիդները 14-րդ դարում փոխարինվեցին գոթական-մուդեխառ ճարտարապետության ոճով։

1538 թվականին Մարտին դե Մոնտալբանը կառուցեց նավի հատվածի գմբեթը։ Գմբեթն ունի ութանկյունային պլան, արտաքին մասում՝ պլատերեսկո ձևավորմամբ կառուցված պատուհաններով։ 1587 թվականին Տերուելի թեմի ստեղծմամբ, եկեղեցին ստացավ տաճարի դեր և վերաօծվեց։

Տաճարի ճակատի կառուցումը ավարտվել է 1909 թվականին, որը կառուցվել է նեո-մուդեխառ ոճով։

Ակնարկ

Տաճարի զանգակատունը Իսպանիայի միակ լավագույն պահպանված աշտարակն է, որ կառուցված է մուդեխառ ճարտարապետության ոճով։ Այն քառակուսի է և ունի երեք հարկ, զարդարված է ազուլեժու սալիկներով և կերամիկական ապակիներով։ Վերին մասում կա 18-րդ դարի ութանկյունաձև լապտեր։

Նավի առաստաղը զարդարված է [[Կեսոն (ճարտարապետություն)|կեսոններով, ինչպես նաև պատմական, կրոնական, մարդկանց և կենդանիների գոթական պատկերներով։

Տաճարը նշանավոր է նաև նրանով, որ բարձր խորանը կառուցված է Արագոնյան վերածննդի ճարտարապետության ոճով։