Վիոլետ Շաբո

Վիոլետ Շաբո; ֆր.՝ Violette Bushell
Ծնվել է	հունիսի 26, 1921
Ծննդավայր	Լևալլուա Պերե
Մահացել է	փետրվարի 5, 1945 (23 տարեկան)
Մահվան վայր	Ռավենսբրյուկ համակենտրոնացման ճամբար, Գերմանիա
Քաղաքացիություն	Ֆրանսիա
Կրթություն	Ֆրանսիա
Մասնագիտություն	հետախույզ, Հատուկ գործողությունների գործակալ և Դիմադրության մարտիկ
Աշխատավայր	Հատուկ գործողությունների ղեկավար
Պարգևներ և ; մրցանակներ	և
	Violette Szabo Վիքիպահեստում

Վիոլետ Շաբո (ֆր.՝ Violette Szabo, հունիսի 26, 1921(1921-06-26)^[1], Լևալլուա Պերե - փետրվարի 5, 1945(1945-02-05)^[1], Ռավենսբրյուկ համակենտրոնացման ճամբար, Գերմանիա), բրիտանական գաղտնի կառավարական ծառայության ֆրանսիական հետախույզ՝ Երկրորդ համաշխարհային պատերազմի ժամանակ շրջափակման մեջ գտնվող Եվրոպայի երկրներում Դիմադրության շարժման աջակցող՝ Հատուկ գործողությունների կառավարում (SOE)^[3]:

Կենսագրություն

Ծնվել է Փարիզում, եղել է անգլիացու և ֆրանսուհու դուստր։ Մեծացել է Ֆրանսիայում և Մեծ Բրիտանիայում։ Երկրորդ համաշխարհային պատերազմի սկսվելուց առաջ բնակվել է Բրիքստոնում։ 1940 թվականին ամուսնացել է Ֆրանսիական արտասահմանյան լեգեոնի սպա Էթիեն Շաբոյի հետ։ 1942 թվականի հունիսին ծնվել է նրանց դուստր Տանյան, իսկ հոկտեմբերին Էթիենն Էլ Ալամեյնի երկրորդ ճակատամարտի ժամանակ զոհվել է։

Դառնալով «SOE»-ի (Մեծ Բրիտանիայի Հատուկ գործողությունների վարչություն) գործակալ՝ 1944 թվականի ապրիլի 6-ին առաջին անգամ սուրհանդակ Ֆիլիպ Լևերի հետ ուղարկվել է շրջափակված Ֆրանսիայի տարածք, որպեսզի կապ հաստատի տեղի Դիմադրության շարժման հետ։

Ապրիլի 30-ին վերադարձել է Անգլիա և 1944 թվականի հունիսի 7-8-ը կրկին ուղարկվել է Ֆրանսիա՝ Լիմոժի շրջաններում Դիմադրության շարժման հետ կապ հաստատելու առաքելությամբ։

Հունիսի 10-ին Սալոն լա Տուրի պաշարման ժամանակ ձերբակալվել է «ՍՍ Ռայխ տանկային 2-րդ դիվիզիա» զինվորների կողմից (այդ նույն օրը տեղի է ունեցել նաև Օրադուր սյուր Գլանի մարտը)։ Դիմադրությունը պլանավորել էր ազատել Շաբոյին, բայց դա իրագերծելուն խանգարում է նրան Փարիզ ուղարկելը։ Ազատազրկումն անցկացրել է գերմանական մի քանի համակենտրոնացման ճամբարներում, այդ թվում՝ Ռավենսբրյուկում, որտեղ 1945 թվականի փետրվարի 5-ին SOE հետախույզ 2 այլ կանանց հետ միասին գնդակահարվել է։

Հիշատակում

Վիոլետ Շաբոն հետմահու պարգևատրվել է բրիտանական Գեորգիևյան Խաչով և ֆրանսիական Ապստամբության շքանշանով։
Հերեֆորդշիրի միավորումում գործում է Վիոլետ Շաբոյի թանգարան^[4], իսկ Լոնդոնում կանգնեցված է հուշարձան^[5]։
Բրիտանացի գրող Ար Ջեյ Միննին 1956 թվականին գրել է «Եվ հպարտությամբ գրեք նրա անունը» գիրքը (անգլ.՝ Carve Her Name with Pride), որի էկրանավորումը կատարվել է 1958 թվականին։ Գլխավոր դերակատարը Վիրջինիա Մակկեննան է։
2009 թվականին գերմանական «Replay Studios» ստուդիայում թողարկվել է համակարգչային խաղ, որի սյուժեի հիմքում ընկած են Շաբոյի կյանքից իրական դեպքեր։

Ծանոթագրություններ

↑ ^1,0 ^1,1 ^1,2 ^1,3 ^1,4 A Historical Dictionary of British Women — 2 — Routledge, 2003. — P. 418. — ISBN 978-1-85743-228-2
↑ The London Gazette 37820 (բրիտ․ անգլ.) — Iss. 37820. — P. 6127.
↑ «Violette Szabo» (անգլերեն). nigelperrin.com. Արխիվացված է օրիգինալից 2022-04-16-ին. Վերցված է 2016 թ․ մարտի 28-ին.
↑ «Violette Szabo G.C Museum» (անգլերեն). visitherefordshire. Վերցված է 2016 թ․ մարտի 28-ին.
↑ «Bust: Violette Szabo & SOE» (անգլերեն). londonremembers.com. Վերցված է 2016 թ․ մարտի 28-ին.

Արտաքին հղումներ

Վիքիպահեստն ունի նյութեր, որոնք վերաբերում են «Վիոլետ Շաբո» հոդվածին։

[_5d7012b3f2494507-1] 1,0 ^1,1 ^1,2 ^1,3 ^1,4 A Historical Dictionary of British Women — 2 — Routledge, 2003. — P. 418. — ISBN 978-1-85743-228-2

[_dc4f4b37d24927ca-2] The London Gazette 37820 (բրիտ․ անգլ.) — Iss. 37820. — P. 6127.

[bionek-3] «Violette Szabo» (անգլերեն). nigelperrin.com. Արխիվացված է օրիգինալից 2022-04-16-ին. Վերցված է 2016 թ․ մարտի 28-ին.

[4] «Violette Szabo G.C Museum» (անգլերեն). visitherefordshire. Վերցված է 2016 թ․ մարտի 28-ին.

[5] «Bust: Violette Szabo & SOE» (անգլերեն). londonremembers.com. Վերցված է 2016 թ․ մարտի 28-ին.

[1]

[2]

[3]

[4]

[5]