Վեներա, Վուլկան և Մարս (նկար, Տինտորետտո)
 | |
|---|---|
 | |
| տեսակ | գեղանկար |
| նկարիչ | Տինտորետտո[1] |
| տարի | մոտ 1555[1] |
| բարձրություն | 135 սանտիմետր[2] |
| լայնություն | 198 սանտիմետր[2] |
| ուղղություն | մաներիզմ և Վենետիկի գեղարվեստի դպրոց |
| ժանր | դիցաբանական գեղանկարչություն և նյու |
| նյութ | յուղաներկ[1] և կտավ[1] |
| գտնվում է | Հին պինակոտեկ[1] |
| հավաքածու | Բավարիայի պետական գեղանկարչական հավաքածու[1] |
պատկերված են
| |
| կայք | |
Ծանոթագրություններ | |
 Venus and Mars Surprised by Vulcan (Tintoretto) Վիքիպահեստում | |
«Վեներա, Վուլկան և Մարս», Տինտորետտոյի նկարը։
Սյուժե
[խմբագրել | խմբագրել կոդը]Հոմերոսի «Ոդիսականի» ութերորդ երգում պատմվում է այն դեպքի մասին, թե ինչպես է Վեներան դավաճանում իր ամուսնուն՝ Վուլկանին, պատերազմի երիտասարդ աստված Մարսի հետ։ Բայց սիրահարներին բռնում է խանդոտ ամուսինը, և հավաքված աստվածների մոտ նրանք դառնում են ծիծաղի առարկա։
Քնած Ամուր
[խմբագրել | խմբագրել կոդը]Տինտորետտոն խստորեն չի հետևել ֆաբուլային և կատարվածը պատկերել է յուրովի. Վուլկանը անսպասելի հայտնվում է այն հանգստարանում, որտեղ գտնվում էին ոչինչ չկասկածող սիրահարները։ Մարսը վերջին վայրկյանին թաքնվում է սեղանի տակ, որի ծածկոցը հազիվ էր թաքցնում նրան, մինչդեռ Վեներան զայրացած ամուսնու կողմից ենթարկվում է ստորացուցիչ խուզարկության։ Այնպես, ինչպես Հոմերոսի «Ոդիսականում» են նրանք ծաղրանքի ենթարկվում, փոքրիկ շան ուշադրություն է գրավում իր տիրոջ՝ Մարսի վրա, որը սեղանի տակ թաքնված էր։ Ամուրը (Էրոսը), որը պետք է պաշտպաներ սիրահարներին անսպասելի դեպքերից, պատկերված է հետին պլանում հանգիստ քնած։
Կտավին դրամատիկ ներկայացված անպարկեշտ թեման զգացմունքային ընկալման հակում ունի, որը բնորոշ է վենետիկյան բոլոր նկարիչներին։ Տինտորենտտոն ընդգծում է գլխավոր հերոսների հակապատկերները «անհավասար ամուսնության» մեջ։ Այստեղ ձգված լարի նման երիտասարդ կնոջ մարմինն է, որի անթերիությունն ընդգծվում է սպիտակ սավանի և մուգ մուարե ծածկոցի միջոցով։ Այնտեղ կորացած ծերուկ է՝ մկանուտ և կոպիտ, շագանակագույն մաշկով և մոխրագույն մորուքով։ Երկու մարմինների անկյունագծերը ներկայացված է շարժվող գծերի խիտ համակարգով, որն օգնում է զգալ նկարի խորությունը։ Կոմպոզիցիայի ռիթմավորումը, որը հատուկ է Տինտորետտոյի ստեղծագործություններին, լավ ցուցադրված է այս կտավում։
Ծանոթագրություններ
[խմբագրել | խմբագրել կոդը]Գրականություն
[խմբագրել | խմբագրել կոդը]- Боргези С. Старая пинакотека: Мюнхен: Альбом. 2003.
- Т. А. Седова. Старая пинакотека в Мюнхене. М.: Искусство, 1990