Պետրա Նեմցովա
| Պետրա Նեմցովա | |
|---|---|
 | |
| Ծնվել է | հունիսի 24, 1979[1][2] (44 տարեկան) |
| Ծննդավայր | Կարվինա[2] |
| Քաղաքացիություն |  Չեխիա |
| Կրթություն | Լոնդոնի բիզնես դպրոց |
| Մասնագիտություն | մոդել |
| Կայք | petranemcova.org |
 Petra Němcová Վիքիպահեստում | |
Պետրա Նեմցովա (չեխ․՝ Petra Němcová, հունիսի 24, 1979[1][2], Կարվինա[2]), չեխ մոդել[3]։
Կենսագրություն[խմբագրել | խմբագրել կոդը]
Պետրա Նեմցովան ծնվել է 1979 թվականի հունիսի 24-ին Չեխոսլովակիայի Կարվինա քաղաքում։
Մոդել դարձել է 16 տարեկան հասակում «Talent Search» մրցույթում հաղթելուց հետո, որն անցկացվել է Չեխական մոդելային գործակալության կողմից։
1996 թվականին Պետրան հաղթել է ազգային փուլի «Elite Model Look» մրցույթում։ Դպրոցն ավարտելուց հետո տեղափոխվել է Պրահա, իսկ քիչ ժամանակ անց մեկնել է Փարիզ։
2004 թվականի դեկտեմբերին Պետրա Նեմցովան իր ընկերոջ՝ անգլիացի լուսանկարիչ Սիմոն Աթլիի հետ հանգստանում էր Khao Lak resort-ում (Փխուկետ, Թաիլանդ), երբ տեղի ունեցավ հզոր ցունամի՝ տանելով իր հետ 280 000 մարդու կյանք։ Սիմոն Աթլին մահացել է, նրա դին ճանաչվել է 2005 թվականի մարտի 3-ին, իսկ Պետրան փրկվել է՝ մնալով պալմայի կատարին ավելի քան ութ ժամ, մինչ նրա գտել են փրկարարները։ Պետրան անցկացրել է ավելի քան երեք շաբաթ թայլանդական հոսպիտալում և մեկ ամսից ավելի՝ Չեխիայի հոսպիտալում։ Հետագայում Պետրան հայտնվել է CNN հեռուստաալիքով Լարի Քինգի «Larry King Live» շոուում։
2005 թվականին Պետրա Նեմցովան հիմնադրել է «The Happy Hearts Fund» ֆոնդը, որի նպատակը է առողջապահության, դոնորության և որբերին օգնելու ուղղությամբ օգնել այն մարդկանց, որոնք ողջ են մնացել 2004 թվականի դեկտեմբերի 26-ի ցունամիից հետո Հարավարևելյան Ասիայում։
Glamour ամսագիրը 2005 թվականին Նեմցովային շնորհել է «Survivor Award» մրցանակ։ Պետրայի վերադարձը մոդելային բիզնես նշվել է 2006 թվականի Sports Illustrated swimsuit issue ամսագրի շապիկին հայտնվելով։ Նաև Պետրան հայտնվել է բրիտանական FHM օրացույցի շապիկին որպես Միսս Մայիս և մասնակցել TLC’s A Model Life հեռուստաշոուին։
2005 թվականի դեկտեմբերին հրապարակվել է Պետրա Նեմցովայի ինքնակենսագրությունը՝ «Love Always, Petra», որը նա գրել է 27 տարեկանում։ 2006 թվականին հանդիպել է բրիտանացի երաժիշտ Ջեյմս Բլանտի հետ։
Պետրան ունի կրտսեր քույր՝ Օլգան։
Կարիերա[խմբագրել | խմբագրել կոդը]
Փարիզում նկարահանվել է Max Factor, Benetton, Schwarzkopf, Pantene, Clarins, Lancaster & La Perla ընկերությունների ապրանքանիշերի գովազդներում, մասնակցել է Valentino և Armani ցուցադրություններին։ 2001 թվականին առաջին անգամ հայտնվել է Sports Illustrated ամսագրի շապիկին։ Պետրան հայտնվել է այնպիսի հեղինակավոր ամսագրերի շապիկներին, ինչպիսիք են՝ «Flare», «Cosmopolitan», «Marie Claire», «Harper's Bazaar», «Glamour» և «Shape»:
Նեմցովան նաև եղել է Victoria's Secret-ի կատալոգի մոդելներից։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Պետրա Նեմցովա» հոդվածին։ |
| ||||||||||||||
