Մեծ հույսեր (հեռուստասերիալ, 2011)
Մեծ հույսեր | |
|---|---|
| Ժանր | հեռուստադրամա և վեպի հիման վրա նկարահանված հեռուստասերիալ |
| Երկիր | .svg){kind=small} Միացյալ Թագավորություն |
| Հիմք | Մեծ հույսեր |
| Լեզու | անգլերեն[1] |
| Ռեժիսոր | Բրայան Քըրք |
| Գլխավոր դերերում | Ռեյ Ուինսթոն |
| Սցենարիստ | Sarah Phelps? |
| Օպերատոր | Ֆլորիան Հոֆմայստեր |
| Երաժշտություն | Մարտին Ֆիփս |
| Պատմվածքի վայր | Անգլիա |
| Եթերաշրջանների քանակ | 1 |
| Սերիաների քանակ | 3 |
| Էկրաններին է | դեկտեմբերի 27, 2011[2]-ից դեկտեմբերի 29, 2011[3]-ը |
| Հեռուստաալիք | BBC One |
| Պատկերի ձևաչափ | 16:9 |
«Մեծ հույսեր» (անգլ.՝ «Great Expectations»), դրամատիկ հեռուստասերիալ, որը նկարահանվել է Չարլզ Դիքենսի համանուն վեպի հիման վրա։ Պրեմիերան կայացել է 2011 թվականի դեկտեմբերի 27-ին BBC One հեռուստաալիքով։ Առաջին սերիան դիտել է 6,6 միլիոն հանդիսատես[4]։
Սյուժե
[խմբագրել | խմբագրել կոդը]Պատանի Փիփը ճահճուտներում հանդիպում է փախստական դատապարտյալ Աբել Մեգվիչին, որը նրան հանձնարարում է գողանալ խարտոց, որպեսզի կտրեն ձեռնաշղթաները։ Փիփը վերադառնում է՝ բերելով մի կտոր թխվածք, որի մեջ թաքցված է խարտոցը։ Ավելի ուշ դատապարտյալին կրկին ձերբակալում են խորհրդավոր փախստականի դեմ պայքարի ժամանակ։
Փիփը ապրում է իր քրոջ և դարբին Ջո Գարջերիի հետ, որը սովորում է Փիփի քեռու մոտ։ Մենակյաց կյանք վարող միսս Հևիշեմը ցանկանում է տղային որպես ընկեր օգտագործել իր խորթ դստեր՝ Էստելայի խաղերի համար, և Փիփի քույրը համաձայնում է։ Միսս Հևիշեմի տանը գտնվելու ժամանակ Փիփը համոզվում է, որ նա կդառնա իր բարերարը, սակայն հիասթափվում է, երբ իմանում է, որ նա վճարել է Ջոյին՝ իր արհեստագործական ուսումնառության համար և հայտնել, որ նա երբեք չի վերադառնա տեսնելու նրանց։ Երբ Փիը Ջոյի հետ գտնվում է տանը, Փիփի քրոջ վրա հարձակվում է Օրլիկը։ Թողնելով նրան մահճակալին կապված՝ Փիփը սկսում է իր յոթ տարվա ուսուցումը։
Յոթ տարի անց Փիփին, որը մի անգամ տեսել է Էստելային, այցելում է Ջեգերսի փաստաբանը և հաղորդում է, որ անանուն բարեգործ է գտնվել, որը կվճարի նրա Լոնդոն տեղափոխության և այնտեղ Փիփի՝ ջենթլմենի կյանք սկսելու համար, բայց պայմանով, որ նա հայտնի կլինի միայն որպես Փիփ, այլ ոչ թե միստր Փիփ և չի իմանա դրամական միջոցների աղբյուրի մասին։ Ենթադրելով, որ բարերարը միսս Հևիշեմն է, Փիփը այցելում է նրան և խոստանում թույլ չտալ պայմանների խախտում։
Դերասանական կազմ
[խմբագրել | խմբագրել կոդը]| Դերերում | Կերպար | |
|---|---|---|
| Դուգլաս Բութ | Փիփ | |
| Օսկար Քենեդի | պատանի Փիփ | |
| Ջեք Ռոթ | Օրլիկ | |
| Ռեյ Ուինսթոն | Աբել Մեգվիչ | |
| Դևիդ Սուշե | Ջեգերս | |
| Փոլ Ռիս | Կոմպեսոն | |
| Շոն Դուլի | Ջո Գարջերի | |
| Ջիլիան Անդերսոն | միսս Հևիշեմ | |
| Վանեսա Կիրբի | Էստելլա | |
| Մարկ Էդի | քեռի Փամբլչուկ | |
| Հարրի Լլոյդ | Հերբերտ Փոքեթ | |
| Մերի Ռոսկոու | Հաննա, տնային կառավարիչ | |
| Փոլ Ռիտեր | Ուեմմիկ | |
| Թոմ Բյորք | Բենթլի Դրամլ | |
| Սյուզան Լինչ | Մոլլի | |
| Քլեր Ռաշբրուք | միսիս Ջո | |
| Փերդիտա Ուեքս | Կլարա | |
| Ֆրենսիս Բարբեր | միսիս Բրենդլի |
Ֆիլմի նկարահանումներ
[խմբագրել | խմբագրել կոդը]2011 թվականի հուլիսին կատարված BBC-ի եռօրյա նկարահանումների ժամանակ օգտագործվել է Հոլդենբի հաուսը Նորթհեմփթոնի մոտակայքում՝ հորինված կալվածքի արտաքին պլանները նկարահանելու համար։ Շենքը մեկ այլ կառույցի վերածելու համար նկարահանող խումբը նախապես ծախսել է 4 օր և ևս 2 օր նրա վրա, որ վերադարձնի 21-րդ դարի նախկին տեսքը։ Անձնակազմն օգտագործել է 80 տոննա ցեխ, ջրիմուռներ և լիանաներ՝ կառույցի ֆիլմի Սատիս հաուսի քանդված տեսք տալու համար։
Առանձնատան ներքին պլանները նկարահանվել են Լենգլիբյուրի առանձնատանը, որը նախկին ամառանոց է Ուոտֆորդ կալվածքի մոտ (Հարթֆորդշիր)։ Առանձին տեսարաններ նկարահանվել են Հոլդենբի հաուսում։
Գարջերիի դարբնոցը կառուցվել է Էսսեքս կոմսության արևելքում գտնվող Թոլեսբյուրի գյուղի ճահճային տեղանքում, իսկ սերիալի բաց տեսարաններում երևում է Սուրբ Թոմաս Բեկեթ Քենթերբերիի գյուղական եկեղեցին, որը գտնվում է Կենտ կոմսության լքված գյուղում։
Ձիերով տեսարանը, որոնց պատուհանից դիտում է Էստելլան, նկարահանվել է Օստերլի պարկում։
Գրինվիչի հոսպիտալի տարածքը օգտագործվել է Ջագերի գրասենյակի նկարահանումների համար՝ Կոմպեսոնի և Օրլիկի ծանոթության ժամանակ։
Դերասանների ընտրություն
[խմբագրել | խմբագրել կոդը]Բրիտանական լրատվամիջոցները (The Independent, The Guardian, The Daily Telegraph) որոշ մտահոգություններ են հայտնել միսս Հևիշեմի դերի համար Ջիլիան Անդերսոնի ընտրության վերաբերյալ[5][6][7]։
Մրցանակներ և անվանակարգեր
[խմբագրել | խմբագրել կոդը]Մրցանակների ամբողջական ցանկը՝ IMDB կայքում[8]
| Մրցանակ | Անվանակարգ | Անուն | Արդյունք |
|---|---|---|---|
| BAFTA TV Award 2012 | Best Photography and Lighting: Fiction | Ֆլորիան Հոֆմեյստեր | Հաղթանակ |
| BAFTA մրցանակ բեմադրող նկարչի լավագույն աշխատանքի համար | Դևիդ Ռոջեր | Հաղթանակ | |
| Լավագույն ձեռքբերում հատուկ վիզուալ էֆեկտների ոլորտում | Հենրի Մաջեթ, Լյուսի Էյնսվորթ-Թեյլոր, Անժելա Բարսոն | Հաղթանակ | |
| «Էմմի» պրայմ-թայմ մրցանակ 2012 | Outstanding Art Direction for a Miniseries or a Movie | Ջո Բրաստեյնոնշտեյն, Դեյվիդ Ռոջեր, Փոլ Ժիրարդանի | Հաղթանակ |
| Outstanding Cinematography for a Miniseries or Movie | Ֆլորիան Հոֆմեյստեր | Հաղթանակ | |
| Outstanding Costumes for a Miniseries, Movie or a Special | Էննի Սիմոնս, Իվոն Դակետ | Հաղթանակ | |
| Outstanding Main Title Design | Թոմ Բրոմվիչ, Ռոդի Քայա, Նիք Բենս | Հաղթանակ |
Ծանոթագրություններ
[խմբագրել | խմբագրել կոդը]- ↑ Fernsehserien.de (գերմ.)
- ↑ 2,0 2,1 http://live.dbpedia.org/resource/Great_Expectations_(2011_miniseries)
- ↑ 3,0 3,1 http://dbpedia.org/resource/Great_Expectations_(2011_miniseries)
- ↑ Plunkett, John. «BBC1's Great Expectations pips rivals to top spot | TV ratings - 27 December». The Guardian. Վերցված է 2011 թ․ դեկտեմբերի 28-ին.
- ↑ Sutcliffe, Tom. «Last Night's viewing: Great Expectations, BBC1, Fast Freddie, the Widow and Me, ITV1». The Independent. Վերցված է 2011 թ․ դեկտեմբերի 28-ին.
- ↑ Wollaston, Sam. «TV review: Great Expectations; Fast Freddie, The Widow and Me». The Guardian. Վերցված է 2011 թ․ դեկտեմբերի 28-ին.
- ↑ «Great Expectations, BBC One, review». The Telegraph. Վերցված է 2011 թ․ դեկտեմբերի 28-ին.
- ↑ «Awards for Great Expectations» (անգլերեն). imdb.com. Արխիվացված է օրիգինալից 2013 թ․ մարտի 13-ին.
Արտաքին հղումներ
[խմբագրել | խմբագրել կոդը]- Սերիալի պաշտոնական կայքը (անգլ.)
- Great Expectations(անգլ.) ֆիլմը Internet Movie Database կայքում
- Holdenby House — Filming Location for Satis House (անգլ.)
- Ջեյմս Դելինգփոլի գրախոսականը The Daily Telegraph թերթում (անգլ.)
- Арина Яковлева. BBC возложило на Джиллиан Андерсон «Большие надежды». Արխիվացված 2011-11-28 Wayback Machine 22 ноября 2011. (ռուս.)
|
