Մարջորի Բուլթոն

Վիքիպեդիայից՝ ազատ հանրագիտարանից
Մարջորի Բուլթոն
անգլ.՝ Marjorie Boulton
Ծնվել էմայիսի 7, 1924(1924-05-07)[1]
ԾննդավայրԹեդինգտոն, Միդլեքս, Անգլիա[2]
Վախճանվել էօգոստոսի 30, 2017(2017-08-30)[3][1] (93 տարեկան)
Մասնագիտությունբանաստեղծուհի, էսպերանտիստ, գրող, կենսագիր, դրամատուրգ և էսպերանտագետ
Լեզուէսպերանտո
Քաղաքացիություն Միացյալ Թագավորություն
ԿրթությունՍոմերվիլ Քոլեջ[4]
ԱնդամակցությունԷսպերանտոյի ակադեմիա
Պարգևներ
Изображение автографа
 Marjorie Boulton Վիքիպահեստում

Մարջորի Բուլթոն (անգլ.՝ Marjorie Boulton, մայիսի 7, 1924(1924-05-07)[1], Թեդինգտոն, Միդլեքս, Անգլիա[2] - օգոստոսի 30, 2017(2017-08-30)[3][1]), անգլիացի գրող, արձակագիր և դրամատուրգ, որ ստեղծագործել է անգլերեն և էսպերանտո լեզուներով[5], էսպերանտիստ, էսպերանտական քնարերգության «անգլիական դպրոցի» ամենավառ ներկայացուցիչներից մեկը[6]։ Էսպերանտոյի ակադեմիայի անդամ (1967)[7]։ Էսպերանտական Kat-amikaro թեմատիկ միության[8] և Օքսֆորդի ODES էսպերանտո-ակումբի նախագահ[9]։

Կենսագրություն[խմբագրել | խմբագրել կոդը]

Մարջորի Բուլթոնը ծնվել է 1924 թվականի մայիսի 7-ին Թեդինգտոնում։ Սովորել է Օքսֆորդի համալսարանում (Սոմերվիլ քոլեջ), ստացել է գրականագիտության դոկտորի գիտական աստիճան[10]։ Մասնագիտությամբ անգլերեն լեզվի և գրականության ուսուցչուհի է։ 1949 թվականից էսպերանտիստ է։ Անգլերեն ու էսպերանտո լեզուներին նվիրված ավելի քան 20 գրքերի հեղինակ է[11]։

1998 թվականին արժանացել է Ալենա մրցանակի (Alena Esperanto-Kulturpremio) էսպերանտոյով մշակույթի զարգացման մեջ ունեցած ներդրման համար[12]։

Գրական գործունեություն[խմբագրել | խմբագրել կոդը]

Մարջորի Բուլթոնը հրատարակել է բանաստեղծությունների ու պոեմների մի քանի ժողովածուներ, թատերական պիեսների «Կինը սահմանի մոտ» ժողովածուն[13] և մի շարք արձակ ստեղծագործություններ։ Մարջորի Բուլթոնն իր բանաստեղծական մանրապատումների ու պոեմների նուրբ հումորի, հումանիստական որոշակի ուղղվածության շնորհիվ դարձել է էսպերանտոյով ստեղծագործող ամենատաղանդավոր բանաստեղծուհիներից մեկը[14]։

Մարջորի Բուլթոնի բանաստեղծությունները տպագրվել են էսպերանտոյով հրատարակվող տարբեր պարբերականներում, իսկ 1955 թվականին լույս է տեսել նրա «Կոնտրալտո» բանաստեղծական ժողովածուն[15], որում ընդգրկված ստեղծագործությունները գրելիս բանաստեղծուհին ներշնչվել է մանկավարժի ու ճանապարհորդի իր հարուստ փորձից (նա մասնավորապես մասնակցել է էսպերանտական բազմաթիվ վեհաժողովների աշխատանքներին)[16][17]։

Մարջորի Բուլթոնի բանաստեղծությունների թեմատիկան ժամանակի ընթացքում դարձել է ավելի բազմազան։ Եթե նրա «Մասնիկներ»[18] ժողովածուում հիմնականում արտացոլված են 20-րդ դարի մարդուն անհանգստացնող խնդիրները, ապա «Հարյուր ուրախ երգեր»[19] ժողովածուն կազմված է կյանքի լուսավոր կողմերն արտացոլող ու նուրբ հումորով հյուսված բանաստեղծություններից[16]։

Բանաստեղծուհու կողմից ամենաշատ օգտագործված բանաստեղծական ոտքը հնգավանկ յամբն է։ Իր բանաստեղծություններում նա շատ է օգտագործում նաև մոտավոր հանգեր՝ ստեղծելով այդպիսի հանգերի շարքեր՝ lumo - amo - komprenemo, mondo - grundo - legendo և այլն[20]։

«Կինը սահմանի մոտ»[13] գրքում ընդգրկված են մեկ գործողությունից բաղկացած պիեսներ, որոնք ունեն տարբեր բովանդակություն՝ քնարական, ողբերգական, դիդակտիկ, ֆանտաստիկ։ Հաջողություն է ունեցել Մարջորի Բուլթոնի «Լինել, թե չլինել» (էսպերանտո՝ Esti aŭ ne esti) դրաման, որում պատկերված են միջուկային զենքի գործադրմամբ մղված պատերազմի ողբերգական հետևանքները։ Դրաման բեմադրվել է Հունգարական էսպերանտո-թատրոնի կողմից[16]։

1960 թվականին Մարջորի Բուլթոնն անգլերենով հրատարակել է «Զամենհոֆի կենսագրությունը», որում ներկայացված է էսպերանտոյի հիմնադրի կյանքին վերաբերող փաստաթղթեր, որոնք մինչ այդ անհայտ են եղել։ 1962 թվականին գիրքը լույս է տեսել[21] էսպերանտո լեզվով[16]։ Էսպերանտո-շարժման պատմաբաններն այդ գիրքը համարում են Լյուդվիկ Լազարուս Զամենհոֆի՝ գոյություն ունեցող կենսագրություններից լավագույնը[22]։

Մատենագրություն[խմբագրել | խմբագրել կոդը]

  • Boulton M.  Kontralte. — La Laguna: Stafeto, 1955.
  • Boulton M.  Cent ĝojkantoj. — Chorleywood, 1957.
  • Boulton M.  Eroj. — La Laguna: Stafeto, 1959.
  • Boulton M.  Virino ĉe la landlimo. — Kopenhago, 1959.
  • Boulton M.  Zamenhof, aŭtoro de Esperanto. — La Laguna: Stafeto, 1962.
  • Boulton M.  Dekdu piedetoj. — Eastbourne, 1964.
  • Boulton M.  Okuloj. — La Laguna: Stafeto, 1967.
  • Boulton M.  Ne nur leteroj de plum-amikoj. — Tyreso: Inko, 2000.

Ծանոթագրություններ[խմբագրել | խմբագրել կոդը]

  1. ↑ 1,0 1,1 1,2 1,3 1,4 Gran Enciclopèdia Catalana (կատ.) — Grup Enciclopèdia, 1968.
  2. ↑ 2,0 2,1 2,2 Gorecka H., Korĵenkov A. Nia diligenta kolegaro (эспер.): Biografioj de 200 eminentaj esperantistoj — Litova Esperanto-Asocio, Sezonoj, 2018. — ed. size: 500
  3. ↑ 3,0 3,1 3,2 edukado.net (эспер.) — 2001.
  4. ↑ Marjorie Boulton, Esperanto expert and poet – obituary / C. Evans — London, Thailand: 2017. — ed. size: 622719 — ISSN 0307-1235; 1477-3805
  5. ↑ «Marjorie Boulton: a brief biography». Արխիվացված է օրիգինալից 2009 թ․ հոկտեմբերի 25-ին. Վերցված է 2009 թ․ հոկտեմբերի 25-ին.
  6. ↑ Токарев, 1991, էջ 159
  7. ↑ «Akademio de Esperanto. Membraro». // TTT-ejo de l'Akademio de Esperanto. Արխիվացված է օրիգինալից 2015 թ․ հոկտեմբերի 29-ին. Վերցված է 2016 թ․ փետրվարի 26-ին.
  8. ↑ «Starto, 1996, n-ro 5 (172)». // TTT-ejo de Ĉeĥa Esperanto-Asocio. Արխիվացված է օրիգինալից 2016 թ․ մարտի 4-ին. Վերցված է 2016 թ․ փետրվարի 26-ին.
  9. ↑ Greatrex G. Esperanto at Exeter // Exeter College Association. Register 2010. — P. 32—34.
  10. ↑ «Marjorie Boulton. A brief biography». Արխիվացված է օրիգինալից 2009 թ․ հոկտեմբերի 25-ին. Վերցված է 2009 թ․ հոկտեմբերի 25-ին.
  11. ↑ Королевич, 1989, էջ 171
  12. ↑ «Marjorie Boulton». // TTT-ejo de la reta enciklopedio Eo.encyclopedia.pink. Արխիվացված է օրիգինալից 2016 թ․ մարտի 3-ին. Վերցված է 2016 թ․ փետրվարի 26-ին.
  13. ↑ 13,0 13,1 Boulton M.  Virino ĉe la landlimo, 1959
  14. ↑ Токарев, 1991, էջ 159—160
  15. ↑ Boulton M.  Kontralte, 1955
  16. ↑ 16,0 16,1 16,2 16,3 Королевич, 1989, էջ 172
  17. ↑ Marjorie Boulton на Конгрессе в Тампере, 1995
  18. ↑ Boulton M.  Eroj, 1959
  19. ↑ Boulton M.  Cent ĝojkantoj, 1957
  20. ↑ Токарев, 1991, էջ 160—161
  21. ↑ Boulton M.  Zamenhof, aŭtoro de Esperanto, 1962
  22. ↑ Токарев, 1991, էջ 160

Գրականություն[խմբագրել | խմբագրել կոդը]

  • Королевич А. И.  Книга об эсперанто. — Киев: Наукова думка, 1989. — 256 с. — ISBN 5-12-000985-9
  • Токарев Б. В.  Об эсперантской поэзии // Проблемы международного вспомогательного языка. — М.: Наука, 1991. — 263 с. — ISBN 5-02-016810-6 — С. 143—161.
Վիքիպահեստն ունի նյութեր, որոնք վերաբերում են «Մարջորի Բուլթոն» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Մարջորի_Բուլթոն&oldid=9756015» էջից