Մարի-Ժորժ Պիկար
Մարի-Ժորժ Պիկար | |
---|---|
ֆր.՝ Marie-Georges Picquart | |
սեպտեմբերի 6, 1854[1][2][3][…] - հունվարի 18, 1914[1] (59 տարեկան) | |
Ծննդավայր | Ստրասբուրգ |
Մահվան վայր | Ամյեն |
Գերեզման | Cimetière Saint-Urbain de Strasbourg |
Քաղաքացիություն | Ֆրանսիա |
Զորատեսակ | Ֆրանսիական բանակ |
Կոչում | դիվիզիոնի գեներալ |
Կրթություն | Հատուկ Ռազմական Դպրոց Սեն Սիր |
Պարգևներ |
Մարի-Ժորժ Պիկար (ֆր.՝ Marie-Georges Picquart, սեպտեմբերի 6, 1854[1][2][3][…], Ստրասբուրգ - հունվարի 18, 1914[1], Ամյեն), ֆրանսիացի ռազմական և պետական գործիչ, Ֆրանսիայի երրորդ հանրապետության զինված ուժերի նախարար (1906-1909 թվականներին), դիվիզիայի գեներալ[4], Դրեյֆուսի դատական գործի բացահայտման գլխավոր մասնակից։
Կենսագրություն
[խմբագրել | խմբագրել կոդը]Սեն-Սիր զինվորական դպրոցի շրջանավարտ է (1872)։ Եղել է Փարիզի Բարձրագույն զինվորական դպրոցի դասախոս (École supérieure de guerre), որտեղ նրա կուրսանտներից է եղել Ալֆրեդ Դրեյֆուսը (1890)։
Ռազմական հակահետախուզության պետ նշանակված գնդապետ Պիկարը պարզել և ապացուցել է, որ մեղադրյալ Դրեյֆուսի, այսպես կոչված, «վերգրության» (գաղտնի փաստաթղթերի ցանկ, որն առաջարկվում էր փոխանցել Գերմանիայի դեսպանատանը) հեղինակը նա չէր, իսկ ոմն մայոր Ֆերդինանդ Էստերխազին բացահայտել է իր աշխատակից Հուբերտ Անրիին, որը Դրեյֆուսին մեղադրելու համար կեղծ ապացույցներ էր սարքում։ Պիկարը համառորեն պնդել է, որ վերանայեն Դրեյֆուսի գործը և Էստերխազիի մեղավորությունը։ Նա ապահովել է Էմիլ Զոլային անհրաժեշտ փաստերով, որպեսզի վերջինս գրի «Ես մեղադրում եմ» («J'accuse!») հայտնի հոդվածը և սկիզբ է դրել Դրեյֆուսի արդարացման պայքարին, որի համար նախ հեռացվել է պաշտոնից և տեղափոխվել Թունիս, իսկ հետո մեղադրվել է դավաճանության մեջ, զրկվել զինվորական կոչումից և ձերբակալվել։
Դրեյֆուսի ներումից հետո Պիկարը պատվով վերականգնել է իր պաշտոնը, իսկ բանակից հեռացվելու և ազատազրկման ժամանակը հաշվառվել են ծառայության ստաժում՝ հերթական զինվորական կոչումը ստանալու համար։
Հետագայում նա դառնում է դիվիզիայի գեներալ, 1906 թվականին նա դառնում է Կլեմանսոյի կառավարության անդամ՝ ստանձնելով ռազմական նախարարի պաշտոնը[4]։
Դիվիզիայի գեներալ Մարի-Ժորժ Պիկարը մահացել է դժբախտ պատահարից՝ ձիուց ընկնելու պատճառով, երբ գտնվելիս է եղել Պիկարդիայում։ Գնդապետ Պիկարի մահից հետո ձևավորված երկրորդ կաբինետում (1917-1920) վարչապետ Կլեմանսոն Մարի-Ժորժ Պիկարի փոխարեն ոչ ոքի չնշանակեց՝ պահելով ռազմական նախարարի պաշտոնն իր համար։ .
Մարի-Ժորժ Պիկարը դարձել է Ռոբերտ Հարիսի «Սպան և լրտեսը» վեպի գլխավոր հերոսը, որը նվիրված էր Դրեյֆուսի գործին՝ պատմությունը կատարվում է նրա անունից։ Ռոման Պոլանսկու համանուն էկրանավորման մեջ գնդապետ Պիկարին մարմնավորել է Ժան Դյուժարդեն։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 Base Léonore (ֆր.) — ministère de la Culture.
- ↑ 3,0 3,1 3,2 GeneaStar
- ↑ 4,0 4,1 Пикар // Малый энциклопедический словарь Брокгауза и Ефрона : в 4 т. — СПб., 1907—1909.
Արտաքին հղումներ
[խմբագրել | խմբագրել կոդը]- Пикар // Малый энциклопедический словарь Брокгауза и Ефрона : в 4 т. — СПб., 1907—1909.
Վիքիպահեստն ունի նյութեր, որոնք վերաբերում են «Մարի-Ժորժ Պիկար» հոդվածին։ |
|
- Սեպտեմբերի 6 ծնունդներ
- 1854 ծնունդներ
- Հունվարի 18 մահեր
- 1914 մահեր
- Ստրասբուրգ քաղաքում ծնվածներ
- Պատվո լեգեոնի շքանշանի կոմանդորներ
- Անձինք այբբենական կարգով
- Ռազմական գործիչներ այբբենական կարգով
- Զինվորական ծառայության սպաներ
- Հետախույզներ
- Պեր Լաշեզ գերեզմանատանը թաղվածներ
- Ֆրանսիայի զինվորական սպաներ
- Ֆրանսիայի քաղաքական գործիչներ
- Ֆրանսիացի գեներալներ
- Ֆրանսիացի ռազմական գործիչներ