Ղևոնդ Մաթևոսյան
- Վիքիպեդիայում կան հոդվածներ Մաթևոսյան ազգանունով այլ մարդկանց մասին։
| Ղևոնդ Մաթևոսյան | |
|---|---|
| Ծնվել է | 1920 |
| Ծննդավայր | Հովտաշեն, Հայաստան |
| Մահացել է | 1986 |
| Քաղաքացիություն |  ԽՍՀՄ |
| Կրթություն | Հայկական պետական մանկավարժական համալսարան |
| Մասնագիտություն | մանկավարժ |
| Պարգևներ և մրցանակներ | |
Ղևոնդ Մելիքի Մաթևոսյան (1920, Հովտաշեն, Հայաստան - 1986), հայ մանկավարժ։ Հայկական ԽՍՀ վաստակավոր մանկավարժ (1972): Հայրենական մեծ պատերազմի մասնակից։
Կենսագրություն[խմբագրել | խմբագրել կոդը]
Ղևոնդ Մաթևոսյանը ծնվել է 1920 թվականին, Արթիկի շրջանի Հովտաշեն գյուղում։ Ավարտել է Արթիկի շրջանի Փանիկ գյուղի միջնակարգ դպրոցը, զորակոչվել է զինվորական պարտադիր ծառայության։ 1939 թվականին ընդունվել է հրետանային ուսումնարանը, ստացել լեյտենանտի կոչում[1]։
Մեծ հայրենականին մասնակցել է հունիսի 22-ից, Հարավ-Արևմտյան ռազմաճակատում։ Այնուհետև կռվել է Կիևի, Խարկովի, Կուրսկի պաշտպանության համար։ 1943 թվականին մասնակցել է կարմիր բանակի հարձակողական գործողություններին Հյուսիսային Կովկասում, Թամանյան թերակղզում, Կերչի, Ղրիմի ազատագրմանը։ Մաթևոսյանը մասնակցել է Լեհաստանի ազատագրման ահեղ կռիվներին։ 1945 թվականի ապրիլի վերջին ծանր վիրավորվել է և ապաքինվելուց հետո զորացրվել է բանակից։ Մաթևոսյանը պարգևատրվել է Հայրենական պատերազմի երկրորդ աստիճանի, Կարմիր աստղի երկու շքանշաններով և «Խիզախության համար», «Մարտական ծառայությունների համար» և այլ մեդալներով[1]։
1949 թվականին ավարտել է Երևանի Խ. Աբովյանի անվան մանկավարժական ինստիտուտի բանասիրական ֆակուլտետը, աշխատանքի անցել Աբովյանի շրջանում։ Ղեկավարել է Քյանքյանի, Նոր Հաճնի, Աբովյան քաղաքի միջնակարգ դպրոցների մանկավարժական կոլեկտիվները։ 1970 թվականին եղել է Աբովյանի քաղաքային խորհրդի գործկոմի ժողովրդական կրթության բաժնի վարիչ։ 1972 թվականին նրան շնորհվել է հանրակետության վաստակավոր ուսուցչի կոչում։ Պարգևատրվել է «Աշխատանքային գերազանվության համար» մեդալով[1]։
Մահ[խմբագրել | խմբագրել կոդը]
Ղևոնդ Մաթևոսյանը մահացել է 1986 թվականին։ Թաղված է Աբովյանի Էլար գերեզմանատանը։
Պարգևներ[խմբագրել | խմբագրել կոդը]
- ՀԽՍՀ վաստակավոր մանկավարժ (1972)
- Հայրենական պատերազմի 2-րդ աստիճանի շքանշան
- Կարմիր աստղի կրկնակի շքանշան
- «Խիզախության համար» մեդալ
- «Մարտական ծառայությունների համար» մեդալ
- «Աշխատանքային գերազանվության համար» մեդալ
Ծանոթագրություններ[խմբագրել | խմբագրել կոդը]
- 1920 ծնունդներ
- Հայաստանում ծնվածներ
- 1986 մահեր
- ՀՊՄՀ շրջանավարտներ
- Հայրենական պատերազմի 2-րդ աստիճանի շքանշանակիրներ
- Կարմիր աստղի շքանշանի ասպետներ
- «Մարտական ծառայությունների համար» մեդալով պարգևատրվածներ
- Անձինք այբբենական կարգով
- Հայ մանկավարժներ
- ՀԽՍՀ վաստակավոր մանկավարժներ
- Հայրենական մեծ պատերազմի հայ մասնակիցներ
- «Աշխատանքային գերազանվության համար» մեդալով պարգևատրվածներ
- «Խիզախության համար» մեդալով պարգևատրվածներ (ԽՍՀՄ)
- Հովտաշեն գյուղում ծնվածներ