Հրանտ Պետրոսյան

Հրանտ Պետրոսյան
Ծնվել է	հունվարի 14, 1927; Հաթերք, Ադրբեջան
Մահացել է	մարտի 16, 2001 (74 տարեկան) կամ 2001; Նյու Ջերսի, ԱՄՆ
Քաղաքացիություն	ԽՍՀՄ, Հայաստան և ԱՄՆ
Ազգություն	հայ
Մասնագիտություն	լեզվաբան և համալսարանի դասախոս
Հաստատություն(ներ)	Լեզվի ինստիտուտ և Երևանի պետական համալսարան
Ալմա մատեր	Արցախի պետական համալսարան (1946) և ԵՊՀ հայ բանասիրության ֆակուլտետ (1951)
Կոչում	պրոֆեսոր
Գիտական աստիճան	բանասիրական գիտությունների դոկտոր (1973)
Տիրապետում է լեզուներին	հայերեն
Կուսակցություն	ԽՄԿԿ

Վիքիպեդիայում կան հոդվածներ Պետրոսյան ազգանունով այլ մարդկանց մասին։

Հրանտ Զինավորի Պետրոսյան (հունվարի 14, 1927(1927-01-14)^[1], Հաթերք, Ադրբեջան^[1] - մարտի 16, 2001(2001-03-16) կամ 2001^[2], Նյու Ջերսի, ԱՄՆ), հայ լեզվաբան, հայերենագետ, բանասիրական գիտությունների դոկտոր (1973), պրոֆեսոր (1978)։

Կենսագրություն

Հրանտ Պետրոսյանը ծնվել է 1927 թվականի հունվարի 14-ին Լեռնային Ղարաբաղի Մարտակերտի շրջանի Հաթերք գյուղում, որտեղ ավարտել է միջնակարգ դպրոցը։ 1946 թվականին ավարտել է Ստեփանակերտի ուսուցչական (երկամյա) ինստիտուտը, այնուհետև սովորել է ԵՊՀ բանասիրության ֆակուլտետում, որն ավարտել է 1951 թվականին։ 1954 թվականին պաշտպանել է թեկնածուական ատենախոսություն։ 1955-1956 թվականներին Հրանտ Պետրոսյանը՝ որպես խմբագիր, աշխատել է ԵՊՀ հրատարակչությունում։ 1957-1963 թվականներին եղել է ՀԽՍՀ ԳԱ Հրաչյա Աճառյանի անվան լեզվի ինստիտուտի գիտաշխատող։ 1963-1993 թվականներին դասախոսել է ԵՊՀ-ում։

1973 թվականին Հրանտ Պետրոսյանը պաշտպանել է դոկտորական ատենախոսություն։ 1978 թվականից նա եղել է համալսարանի ընդհանուր և համեմատական լեզվաբանության ամբիոնի պրոֆեսոր, իսկ 1993 թվականից՝ նույն ամբիոնի վարիչ։

Հրանտ Պետրոսյանը մահացել է 2001 թվականի մարտի 16-ին Նյու Ջերսիում (ԱՄՆ)։

Հրանտ Պետրոսյանն իր գիտական գործունեության շուրջ 30 տարիների ընթացքում հեղինակել է հայերենագիտույթանն ու ընդհանուր լեզվաբանությանը նվիրված բազմաթիվ հոդվածներ և մենագրական աշխատություններ։ Մասնակցել է «Լեզվաբանական բառարանի» (Երևան, 1975) ստեղծման աշխատանքներին։

Աշխատություններ

Գոյականի առումները հայերենում, Երևան, 1960,
Գոյականի թվի կարգը հայերենում, Երևան, 1972,
Լեզվաբանական բառարան, 1975 (համահեղինակ)
Ակնարկներ հայերենի պատմական ձևաբանության, Երևան, 1976,
Հայերենագիտական բառարան, Երևան, 1987։

Աղբյուրներ

Հ. Պետրոսյան, Հայերենագիտական բառարան, Երևան, 1987, էջ 528-529։
Հրանտ Պետրոսյան Արխիվացված 2021-01-16 Wayback Machine

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Հայկական սովետական հանրագիտարան, հատոր 9 (հայ.) — հատոր 9. — էջ 262.
↑ ^2,0 ^2,1 ^2,2 Library of Congress Authorities — Library of Congress.

Վիքիդարանն ունի նյութեր, որոնք վերաբերում են «Հրանտ Պետրոսյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 262)։

[_e8e8ad9bdeef66e6-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Հայկական սովետական հանրագիտարան, հատոր 9 (հայ.) — հատոր 9. — էջ 262.

[_7ff512ee4e6f6970-2] 2,0 ^2,1 ^2,2 Library of Congress Authorities — Library of Congress.

[1]

[2]