Jump to content

Կոնտենտ մարքեթինգ

Վիքիպեդիայից՝ ազատ հանրագիտարանից

Կոնտենտ մարքեթինգ, մարքեթինգային տեխնիկայի ամբողջություն, որը հիմնված է սպառողների համար օգտակար տեղեկատվության ստեղծման և/կամ տարածման վրա՝ վստահություն ձեռք բերելու և պոտենցիալ հաճախորդներ ներգրավելու համար։ Կոնտենտ մարքեթինգը ներառում է բարձրորակ, համապատասխան և արժեքավոր տեղեկատվության պատրաստում և տարածում, որն ուղղակի գովազդ չէ, բայց որն անուղղակիորեն համոզում է լսարանին կայացնել այն որոշումը, որն անհրաժեշտ է դիստրիբյուտորին։ Նման տեղեկատվության օրինակներ՝ շուկայի տվյալ սեգմենտում ընդհանուր իրավիճակը, դրանում տեղի ունեցող իրադարձությունները, այս սեգմենտի հետ կապված խնդիրների լուծման ուղիները, ներառյալ, թե ինչպես են դիստրիբյուտորի ապրանքը կամ ծառայություններն օգնում լուծել այդ խնդիրները։

Ինֆորմացիոն կոնտենտի տարածման եղանակները կարող են լինել շատ բազմազան՝ կայքեր, բլոգեր, սոցիալական ցանցեր, ավանդական լրատվամիջոցներ, գրքեր, ամսագրեր, տպագիր կամ առցանց նորությունների հրապարակումներ, փոստային բաժանորդագրություններ, փոդքասթներ, սեմինարներ, վեբինարներ, կոնֆերանսներ, կլոր սեղաններ, տեսապորտալներ և այլն։

Կոնտենտ մարքեթինգը թույլ է տալիս հասնել մի շարք նպատակների, այդ թվում՝

  • ընկերության իմիջի ստեղծում,
  • ուղղակի վաճառքի աճ,
  • սպառողներին սկզբունքորեն նոր ապրանքների կամ ծառայությունների ծանոթացում։

«Կոնտենտ ինժեներ» տերմինն առաջին անգամ օգտագործվել է մարքեթինգի ոլորտում նոր մասնագիտությունը նկարագրելու համար, որի ներկայացուցիչները ստեղծում, օպտիմիզացնում և տարածում են տարբեր տեսակի բովանդակություն՝ սոցիալական ցանցերում սպառողների վստահությունը շահելու համար[1]։

Պատմություն

[խմբագրել | խմբագրել կոդը]

Ավանդական մարքեթոլոգները երկար ժամանակ օգտագործում են կոնտենտը՝ բրենդի մասին տեղեկատվությունը տարածելու և բրենդի հեղինակություն ստեղծելու համար։ Օգտվելով տրանսպորտի և կապի ոլորտում տեխնոլոգիական առաջընթացից՝ բիզնեսի սեփականատերերը սկսել են օգտագործել կոնտենտ մարքեթինգի տեխնիկան 19-րդ դարի վերջին։ Նրանք նաև փորձել են կապ հաստատել իրենց հաճախորդների հետ։ Օրինակ․

  • 1732 թվականին Բենջամին Ֆրանկլինը թողարկել է «Աղքատ Ռիչարդի ալմանախը»՝ իր տպագրական բիզնեսի առաջխաղացման համար[2]։
  • 1888 թվականին Johnson & Johnson ընկերությունը ներկայացրել է «Հակասեպտիկ վերքերի բուժման ժամանակակից մեթոդներ» հրապարակումը, որը նախատեսված էր վիրակապ օգտագործող բժիշկների համար։ Նրանք նաև թողարկել են երկու հրապարակում, որոնք խորհուրդներ էին պարունակում բժշկական համայնքի համար[2]։
  • 1895 թվականին Ջոն Դիրը թողարկել է «Ակոս» ամսագիրը, որը սովորեցնում էր, թե ինչպես դառնալ ավելի եկամտաբեր ֆերմեր։ Ամսագիրը, որը համարվում է առաջին պատվիրված հրատարակությունը, դեռևս շրջանառության մեջ է. մոտ 1,5 միլիոն օրինակ թողարկվել է 40 երկրներում՝ 12 տարբեր լեզուներով[3]։
  • 1900 թվականին Michelin ընկերությունը մշակել է ձեռնարկ, որը վարորդներին առաջարկում էր տեղեկատվություն ավտոմեքենաների սպասարկման, տեղավորման և այլ օգտակար խորհուրդների մասին։ Առաջին հրատարակությամբ անվճար բաժանվել է 35000 օրինակ[4]։
  • 1904 թվականին Jell-O ֆիրմայի վաճառողները գնացել են տնետուն՝ անվճար նվիրելով իրենց խոհարարական գիրքը։ Դեսերտը որպես բազմակողմանի սնունդ գովազդելով՝ ընկերությունը տեսել է, որ 1906 թվականին իր վաճառքը հասել է ավելի քան 1 միլիոն դոլարի։
  • 1933 թվականին Procter & Gamble-ը սկսել է հեռարձակել ռադիոսերիալ, որը հովանավորվում էր իրենց Oxydol օճառի փոշիով։ Սեփականատերերը ցանկանում էին ստեղծել բրենդի հավատարմություն՝ թիրախավորելով չափահաս կանանց։ Նրանք սերիալի միջոցով փոխանցել են իրենց մարքեթինգային հաղորդագրությունները։ Նրանց գովազդային արշավի շնորհիվ ծնվել է «սերիալ» տերմինը։ Լսարանի հետ փոխազդեցությունը այս բովանդակության ստեղծման հիմնական տարրն էր։

Հեռուստատեսության ոսկե դարաշրջանում՝ 1940-1950-ական թվականներին, գովազդը գրավել է լրատվամիջոցները։ Ընկերությունները կենտրոնացած էին վաճառքի, այլ ոչ թե հասարակայնության հետ կապերի վրա։ Քիչ բիզնեսներ կային կոնտենտ մարքեթինգում և քիչ հայտնի արշավներ։

Բեյբի բումի ժամանակաշրջանում Kellogg ընկերությունը սկսել է երեխաներին վաճառել քաղցր փաթիլներ։ Բիզնես մոդելի այս փոփոխության հետ մեկտեղ հայտնվել են շփվող կենդանիների թալիսմանները, կենդանի գործողությունների անիմացիաները և փաթիլների տուփի հետևի մասը՝ որպես նպատակային կոնտենտ մարքեթինգի ձև։ Այս դարաշրջանում ծնվել է ինֆոգրաֆիկան։ Սա նոր մոտեցում է ներկայացրել՝ բրենդը լսարանի շրջանում հիշվող դարձնելու համար։

1990-ական թվականներին մարքեթոլոգների համար ամեն ինչ փոխվել է։ Համակարգիչների և ինտերնետի հայտնվելը հանգեցրել է կայքերի և բլոգերի բարգավաճմանը, և կորպորացիաները հնարավորություններ են գտել կոնտենտ մարքեթինգի համար էլփոստի միջոցով։

Էլեկտրոնային առևտրի հարմարեցումը և թվային բաշխումը դարձել են մարքեթինգային ռազմավարության առանցքը։

Համացանցը նաև օգնել է կոնտենտ մարքեթինգին դառնալ մարքեթինգի հիմնական ձև։ Ավանդական լրատվամիջոցները, ինչպիսիք են թերթերը, ամսագրերը, ռադիոն և հեռուստատեսությունը, սկսել են կորցնել իրենց հզորությունը շուկայում։ Ընկերությունները սկսել են գովազդել և վաճառել իրենց արտադրանքը թվային եղանակով[5]։

«Կոնտենտ մարքեթինգ» արտահայտությունը օգտագործվել է դեռևս 1996 թվականին[2], երբ Ջոն Ֆ. Օպեդալը լրագրողների համար հանդիպում է անցկացրել Թերթերի խմբագիրների ամերիկյան միությունում։

1998 թվականին Ջերել Ջիմերսոնը Netscape ընկերությունում ստացել է «Օնլայն և կոնտենտ մարքեթինգի տնօրենի» պաշտոնը[6]։

1999 թվականին հեղինակ Ջեֆ Քենոնը գրել է. «Կոնտենտ մարքեթինգում կոնտենտը ստեղծվում է սպառողներին տրամադրելու իրենց փնտրած տեղեկատվությունը»[7]։

2000-ական թվականների վերջում սոցիալական ցանցերի հայտնվելով, ինչպիսիք են Facebook-ը, Twitter-ը, YouTube-ը, առցանց կոնտենտ մարքեթինգը հասանելի էր աշխարհի ցանկացած ժամանակ։

Մինչև 2014 թվականը Forbes ամսագրի կայքը գրել էր այն յոթ ամենահայտնի եղանակների մասին, որոնցով ընկերությունները օգտագործում են կոնտենտ մարքեթինգը[8]։ Դրանում հոդվածագիրը նշել է, որ մինչև 2013 թվականը կորպորացիաների կողմից կոնտենտ մարքեթինգի օգտագործումը տարեկան 60%-ից հասել է 93%-ի[9]՝ որպես իրենց ընդհանուր մարքեթինգային ռազմավարության մաս։ Չնայած կազմակերպությունների 70%-ը ստեղծում է ավելի շատ բովանդակություն, մարքեթոլոգների միայն 21%-ն է կարծում, որ հաջողությամբ հետևում է ներդրումների վերադարձին։

Կոնտենտ մարքեթինգն այսօր հզոր մոդել է դարձել մարքեթոլոգների համար։ Ընկերությունները պետք է հաղորդագրությունները կամ իրենց նպատակները փոխանցեն իրենց ցանկալի լսարանին՝ չստիպելով նրանց պարզապես գնել ապրանքը կամ ծառայությունը։

Կոնտենտ մարքեթինգի աճի հետևանքներ

[խմբագրել | խմբագրել կոդը]

Կոնտենտ մարքեթինգի աճը ավանդական ընկերությունները վերածել է հանրային ընկերությունների։

Օրինակ՝

  • Red Bull ընկերությունը, որը վաճառում է բարձր էներգիայի ըմպելիք, սկսել է օգտագործել կոնտենտ մարքեթինգը՝ իր բրենդը գովազդելու համար։ Նա տեսանյութ է հրապարակել YouTube-ում, վարել ու հովանավորել միջոցառումներ էքստրեմալ սպորտաձևերի համար, ինչպիսիք են լեռնային հեծանվավազքը, BMX-ը, մոտոկրոսը, սնոուբորդը, սքեյթբորդինգը, ժայռամագլցումը, մոտոֆրիսթայլը և և Ֆորմուլա 1-ի մրցավազքը։ Red Bull Media House-ը Red Bull-ի ստորաբաժանում է, որը «թողարկում է լիամետրաժ գեղարվեստական ​​ֆիլմեր կինոյի և վայրընթաց ալիքների համար (DVD, VOD, TV)»[10]: Red Bulletin-ը միջազգային ամենամսյա ամսագիր է, որը հրատարակվում է Red Bull-ի կողմից՝ շեշտը դնելով տղամարդկանց սպորտին, մշակույթին և ապրելակերպին։
  • Անձնական ֆինանսների Mint.com կայքը օգտագործել է կոնտենտ մարքեթինգը, մասնավորապես իրենց անձնական ֆինանսական բլոգը՝ MintLife-ը, որպեսզի լսարան ստեղծի այն ապրանքի համար, որը նրանք նախատեսում էին վաճառել։ Ձեռնարկատեր Սաչին Ռեխայի խոսքով՝ Mint.com-ը կենտրոնացել է MintLife-ի համար լսարան ստեղծելու վրա՝ «անկախ Mint.com-ի հնարավոր արտադրանքից»[11]։ Բլոգը ուղեցույց է տրամադրել քոլեջի համար վճարելու, բնակարանների համար խնայողությունների և պարտքերից դուրս գալու վերաբերյալ։ Այլ հայտնի բովանդակությունը ներառում էր մանրամասն հարցազրույց և մի շարք ֆինանսական աղետներ, որոնք կոչվում էին «Trainwreck Tuesdays»: Կայքի ժողովրդականությունն աճել է, ինչպես նաև ապրանքի պահանջարկը։ «Մինչև 2013 թվականը գործիքը հասել է 10 միլիոն օգտատերերի, որոնցից շատերը վստահել են Mint-ին իրենց բանկային գաղտնի տեղեկատվության մշակման հարցում՝ շնորհիվ իր խելացի և օգտակար բլոգի բովանդակության»[12]։

Կոնտենտ մարքեթինգի աճը նաև արագացրել է առցանց հարթակների աճը, ինչպիսիք են YouTube-ը, Yelp-ը, LinkedIn-ը, Tumblr-ը, Pinterest-ը և այլն։

Օրինակ՝

  • YouTube-ը՝ Google-ի դուստր ձեռնարկությունը, առցանց տեսահարթակ է, որը խթանում է (և օգուտ է բերում) կոնտենտ մարքեթինգի աճը[13]։ 2016 թվականի դրությամբ YouTube-ն ուներ ավելի քան 1 միլիարդ օգտատեր, ինչը կազմում էր բոլոր ինտերնետ օգտագործողների 1/3-ը և ընդգրկում էր 18-34 տարեկան ավելի շատ մարդկանց, քան ԱՄՆ-ի ցանկացած կաբելային մատակարար[14]։
  • Yelp-ում՝ բիզնեսի առցանց ուղեցույցում, նախորդ տարվա համեմատությամբ 30%-ով ավելացել են ակնարկները, որն ավարտվել է 2016 թվականի երկրորդ եռամսյակում՝ 108 միլիոն ակնարկներով ավելի քան 3 միլիոն բիզնեսի համար[15]։

Բիզնեսները ակտիվորեն վերահսկում են իրենց կոնտենտն այս հարթակներում՝ հույս ունենալով ընդլայնել իրենց հասանելիությունը նոր լսարաններին։

Ընդհանուր ցուցիչներ

[խմբագրել | խմբագրել կոդը]

Կոնտենտ մարքեթինգի հաջողությունը որոշելու չափանիշները հաճախ կապված են արշավի սկզբնական նպատակների հետ։

Օրինակ՝ այս նպատակներից յուրաքանչյուրի համար կոնտենտ մարքոլոգը կարող է չափել ներգրավվածության և կոնվերսիայի տարբեր ցուցիչներ․

Բրենդի ճանաչելիություն և տեսանելիություն

[խմբագրել | խմբագրել կոդը]

Ընկերությունները, որոնք կենտրոնացած են իրենց հասանելիությունը (reach) ավելի շատ հաճախորդների համար ընդլայնելու վրա, կցանկանան ուշադրություն դարձնել այցելուների թվի ավելացմանը, ինչպես նաև այդ փոխազդեցությունների որակին։ Ծավալի ավանդական չափումները ներառում են էջի այցելուների թիվը և հավաքագրված էլ. նամակների քանակը, մինչդեռ էջի վրա ծախսված ժամանակը և այլ էջեր/լուսանկարների վրա սեղմումները ներգրավվածության լավ ցուցանիշներ են։

Ապրանքանիշի ճանաչելիության և տեսանելիության ցուցանիշների չափումներ.

  • Էջի այցելուների թիվը,
  • Էջում անցկացրած ժամանակը,
  • անցում էջերի/լուսանկարների միջով;
  • հավաքված նամակների քանակը։

Բրենդի առողջության ցուցիչներ

[խմբագրել | խմբագրել կոդը]

Բրենդի առողջությունը կարող է սահմանվել որպես չափումների մի շարք, որը ցույց է տալիս, թե ինչպես են սպառողները վերաբերվում ընկերությանը և նրա արտադրանքին[16]։ Այս հավաքածուն սովորաբար ներառում է.

  • Հավատարմության զուտգործակից (անգլ.՝ Net promoter score, NPS), բրենդի նկատմամբ հաճախորդների հավատարմության ցուցիչ,
  • Ձայնի մասնաբաժին (անգլ.՝ Share of voice, SOV), բրենդի գովազդի մասնաբաժինը գովազդի ընդհանուր հոսքում կամ վերլուծված ժամանակահատվածի պրոֆիլային սեգմենտում,
  • Էմոցիաների վերլուծություն (անգլ.՝ Sentiment analysis), դրական և բացասական հիշատակումների տարբերության հարաբերակցությունը դրանց գումարին,
  • Բրենդի ինքնաբուխ ճանաչելիություն (անգլ.՝ Unaided brand awareness), մարդկանց համամասնությունը, որոնք հիշում են ապրանքանիշը, երբ խնդրում են մտածել ոլորտի մասին,
  • Բրենդի իմացություն հուշումով (Aided brand recall), մարդկանց համամասնությունը, որոնք իրենց տրամադրված ցանկից հայտնում են բրենդի մասին գիտելիքների մասին[16],
  • Գիտելիքի մեջ առաջին բրենդը (Top-of-mind awareness), առաջին բրենդը, որը սպառողը հիշում է ապրանքի կատեգորիա նշելիս,
  • Գնման մտադրություն (Purchase intent), օգտատերերի համամասնությունը, որոնք մտադիր են գնել այս բրենդի ապրանքը կամ ծառայությունը,
  • Կապիտալ, բրենդի արժեք (անգլ.՝ Brand equity), բրենդի ընդհանուր արժեքը։

Օգտվողների դիվերսիֆիկացված բազա

[խմբագրել | խմբագրել կոդը]

Նոր առցանց հաճախորդներ ներգրավելու հույս ունեցող ընկերությունները պետք է ուշադրություն դարձնեն նոր այցելուների ժողովրդագրությանը, ինչի մասին վկայում են cookie-ները, տրաֆիկի տարբեր աղբյուրները, տարբեր առցանց վարքագիծը և/կամ առցանց այցելուների գնման տարբեր սովորությունները։

Պետք է ուշադրություն դարձնել․

  • այցելուների ժողովրդագրությանը,
  • տրաֆիկի աղբյուրներ (SEO, սոցիալական մեդիա, ռեֆերալ, ուղիղ տրաֆիկ),
  • գնման ձևերի և այցելուների վարքագծի տարբերությունները։

Վաճառքներ

[խմբագրել | խմբագրել կոդը]

Կոնտենտ մարքեթինգի միջոցով վաճառքի ավելացման վրա կենտրոնացած բիզնեսները պետք է ուշադրություն դարձնեն էլեկտրոնային առևտրի ավանդական ցուցանիշներին, ներառյալ պատվեր կատարելիս անցման ցուցանիշն ապրանքի էջերից մինչև վճարումներ և վճարումների ավարտ։ Ընդհանուր առմամբ, նրանք կազմում են «վաճառքի ձագար»։ Ավելին, գնման սովորույթներն ավելի լավ հասկանալու համար նրանք պետք է դիտարկեն ներգրավվածության այլ չափումներ, ինչպիսիք են էջում անցկացրած ժամանակը, յուրաքանչյուր օգտագործողի ապրանքի էջի այցելությունների քանակը և կրկին ներգրավումը։

Վիճակագրություն, որին պետք է ուշադրություն դարձնել.

  • կոնվերսիա վաճառքի գործընթացում (գործընթացը գրանցումից մինչև վճարում), ներառյալ վաճառքի ձագարի յուրաքանչյուր փուլում սեղմումների տոկոսադրույքները,
  • էջում անցկացրած ժամանակը,
  • կրկնակի մասնակցություն (սովորական այցելուների տոկոսը),
  • նավարկություն ապրանքի էջերի միջոցով։

Նորարարական ցուցանիշներ

[խմբագրել | խմբագրել կոդը]

Վերաբերում է ընկերություններին, որոնք ցանկանում են վերլուծել, թե արդյոք իրենց սոցիալական ցանցերի արշավները մեկնաբանություններ են առաջացնում սպառողների շրջանում։ Սա օգնում է նրանց գտնել ուղիներ՝ բարելավելու իրենց ապրանքներն ու ծառայությունները։ Սա հուշում է «բրենդի ներգրավվածության բարձր մակարդակ և մեծացնում է ապրանքանիշի հավատարմությունը»[17]։

Օրինակներ՝

  • երբ ընկերությունը հրապարակում է հաղորդագրություն իր սոցիալական մեդիա հարթակների միջոցով և կիսում է իր գաղափարները, սպառողները կարող են ազդվել կամ դրդվել իրենց համակարծիք լինելու համար,
  • միտումների սահմանումը վերաբերում է սպառողների վերջին մեկնաբանություններին բրենդի, ապրանքի կամ ծառայության մասին, որոնք պետք է թիրախավորվեն։ Որոշ գործիքներ կարող են տրամադրվել Google Trends-ի, Trendsmap-ի (Twitter) և այլ կայքերի կողմից, որոնք հայտնում են այն, ինչ բոլորը լսում են ամբողջ աշխարհում։

Թվային օգտագործում

[խմբագրել | խմբագրել կոդը]

Թվային կոնտենտ մարքեթինգ

[խմբագրել | խմբագրել կոդը]

Թվային կոնտենտ մարքեթինգը, որը կառավարման գործընթաց է, օգտագործում է թվային ապրանքներ տարբեր էլեկտրոնային ալիքներով` բացահայտելու, կանխատեսելու և բավարարելու հաճախորդների կարիքները[18]։ Դա պետք է հետևողականորեն պահպանվի հաճախորդների վարքագիծը պահպանելու կամ փոխելու համար։

Օրինակներ՝

  • 2012 թվականի մարտի 6-ին ամերիկյան Dollar Shave Club ընկերությունը սկսել է իր առցանց տեսաարշավը։ YouTube-ում տեսանյութերի դեբյուտի առաջին 48 ժամվա ընթացքում ծառայությանը բաժանորդագրվել է ավելի քան 12000 մարդ։ Տեսանյութի պատրաստումն արժեցել է ընդամենը 4500 դոլար, և 2015 թվականի նոյեմբերի դրությամբ այն դիտել է ավելի քան 21 միլիոն մարդ։ Տեսահոլովակը ճանաչվել է 2012 թվականի լավագույն վիրուսային մարքեթինգային արշավներից մեկը և 2012 թվականի AdAge Viral Video Awards մրցանակաբաշխության ժամանակ արժանացել է «Լավագույն տեսախաղ» մրցանակին։
  • 2008 թվականին մեկնարկած «Մեծ բառ» նախագիծը նպատակ է ունեցել վերաիմաստավորել Օքսֆորդի անգլերեն բառարանը՝ թույլ տալով մարդկանց ներկայացնել իրենց կայքը որպես ընտրված բառի սահմանում։ Երկու մագիստրոսների կրթությունը ֆինանսավորելու համար ստեղծված նախագիծը գրավել է ամբողջ աշխարհի բլոգերների ուշադրությունը և տեղ գտել նաև հայտնի ամսագրերում[19]։
  • 2016 թվականի կեսերին հնդկական թեյ արտադրող ընկերությունը (TE-A-ME) 6000 թեյի տոպրակ է մատակարարել Դոնալդ Թրամփին և տեսաբովանդակություն թողարկել YouTube-ում և Facebook-ում[20]։ Տեսաարշավը ստացել է տարբեր մրցանակներ[21], ներառյալ Հարավարևելյան Ասիայի ամենաստեղծարար PR հնարքը՝ ստանալով ավելի քան 52000 տեսանյութ, 3,1 միլիոն դիտում հրապարակման առաջին 72 ժամվա ընթացքում և հարյուրավոր հիշատակումներ հրապարակումների մասին (ներառյալ՝ Mashable, Quartz[22], Indian Express[23], Indian Express, Buzzfeed[24]) ավելի քան 80 երկրում։

Թվային մարքեթինգի օգտագործման ուղիներ

[խմբագրել | խմբագրել կոդը]

Մատակարարման շղթայի և օգտագործողի փորձի համադրություն

[խմբագրել | խմբագրել կոդը]

Թվային կոնտենտ մարքեթինգի մատակարարման շղթան հիմնականում բաղկացած է առևտրային շահագրգիռ կողմերից, որոնք առանձին ներկայացնում են մատակարարներին, կոնտենտի դիստրիբյուտորներին և հաճախորդներին[25]։ Այս գործընթացում դիստրիբյուտորները կառավարում են հրատարակչի և սպառողի միջև ինտերֆեյսը, այնուհետև դիստրիբյուտորները կարող են արտաքին ալիքներով բացահայտել սպառողների ուզած բովանդակությունը և իրականացնել մարքեթինգային ռազմավարություններ։ Օրինակ՝ գրադարանները և փաստաթղթերի տրամադրման գործակալությունները որպես միջնորդներ կարող են օգտատերերին տրամադրել էլեկտրոնային գրքերի և էլեկտրոնային ամսագրերի հոդվածների թվային բովանդակությունը՝ հիմնվելով նրանց էլեկտրոնային որոնման արդյունքների վրա։ Մեկ այլ օրինակ այն է, երբ սպառողները վճարում են MP3 ներլցումներ գնելու համար, որոնման համակարգերը կարող են օգտագործվել երաժշտության տարբեր մատակարարների նույնականացման համար, իսկ խելացի գործակալներն օգնում են օգտվողներին գտնել բազմաթիվ երաժշտական ​​պրովայդերների կայքեր։

Մի խոսքով, թվային կոնտենտ մարքեթինգի գործընթացը պետք է իրականացվի բիզնեսի մակարդակով և սպասարկման փորձով։ Ի վերջո, երբ սպառողները մուտք են գործում թվային բովանդակություն, նրանց սեփական փորձը կախված է կոնտենտ մարքեթինգի ալիքների միջև հարաբերությունների բարդ ցանցից, ինչպիսիք են կայքերը և տեսանյութերը։ Սպառողները ուղղակիորեն շփվում են մատակարարների մեծ շղթայի դիստրիբյուտորների հետ տարբեր թվային արտադրանքների միջոցով, որոնք կարևոր դեր են խաղում սպառողների պահանջները բավարարելու գործում։ Այս ալիքների դիզայնը և օգտագործողների փորձը ուղղակիորեն որոշում են թվային կոնտենտ մարքեթինգի հաջողությունը[18]։

Սպառողի հետ փոխգործակցություն էլեկտրոնային սերվիսի միջոցով

[խմբագրել | խմբագրել կոդը]

Էլեկտրոնային սերվիսները վերաբերում են ինտերակտիվ ցանցային ծառայություններին[26]։ Էլեկտրոնային սերվիսի մեջ հաճախորդի և կազմակերպությունների միջև փոխգործակցությունն իրականացվում է հիմնականում ցանցային տեխնոլոգիաների միջոցով, ինչպիսիք են հաղորդակցության համար էլեկտրոնային փոստի, հեռախոսի և առցանց չաթերի օգտագործումը։ Էլեկտրոնային սերվիսները տարբերվում են ավանդական ծառայություններից և ենթակա չեն հեռավորության և աշխատանքային ժամանակի սահմանափակումների։ Էլեկտրոնային սերվիսների միջոցով թվային կոնտենտ մարքեթինգը սովորաբար իրականացվում է այլ ալիքների հետ համատեղ՝ մարքեթինգային նպատակներին հասնելու համար, ներառյալ անձնական, փոստային և այլ հեռավոր ծառայություններ։ Տեղեկատվական ընկերությունները տարբեր հաղորդագրություններ և փաստաթղթեր են տրամադրում հաճախորդներին, որոնք օգտագործում են բազմաթիվ որոնման համակարգեր տարբեր կայքերում և սահմանում մուտքի իրավունքներ բիզնես խմբերի համար[18]։

Ծանոթագրություններ

[խմբագրել | խմբագրել կոդը]
  1. ↑ «The Birth of «Customer 2.0»». Արխիվացված օրիգինալից 2011 թ․ ապրիլի 8-ին. Վերցված է 2011 թ․ մայիսի 3-ին.
  2. ↑ 2,0 2,1 2,2 Claudia Hilker Content-Marketing-Strategien // Content Marketing in der Praxis. — Wiesbaden: Springer Fachmedien Wiesbaden, 2017. — С. 71–145. — ISBN 9783658138820, 9783658138837.
  3. ↑ Smythe, Brig. Michael, (born 30 April 1948), Clerk to the Vintners’ Company, 1997–2012 // Who's Who. — Oxford University Press, 2007-12-01.
  4. ↑ Close, James Russell, (born 17 Oct. 1979), chef owner, Raby Hunt restaurant, since 2009 (one Michelin star, 2012; two Michelin stars, 2016) // Who's Who. — Oxford University Press, 2017-12-01.
  5. ↑ Consumer-Created Content // DigiMarketing. — Hoboken, NJ, USA: John Wiley & Sons, Inc., 2015-10-23. — С. 221–249. — ISBN 9781119207726, 9780470822319.
  6. ↑ Richard Raucci Netscape and Other Macintosh Web Browsers: A Summary // Netscape™ for Macintosh®. — New York, NY: Springer New York, 1996. — С. 23–48. — ISBN 9780387946627, 9781461223825.
  7. ↑ Cannon, Jeff, 1963- Make your web site work for you : how to convert your online content into profits. — New York, N.Y.: McGraw-Hill, 2000. — 1 online resource (xxviii, 208 pages) с. — ISBN 0585207992, 9780585207995, 0071365664, 9780071365666
  8. ↑ Daniel Cressey Culture: Top tickets for 2014 // Nature. — 2014-01. — В. 7481. — Т. 505. — С. 22–24. — ISSN 1476-4687 0028-0836, 1476-4687. — doi:10.1038/505022a
  9. ↑ P. A. Poole-Wilson, G. A. Langer Effect of pH on ionic exchange and function in rat and rabbit myocardium // The American Journal of Physiology. — 1975-9. — В. 3. — Т. 229. — С. 570–581. — ISSN 0002-9513. — doi:10.1152/ajplegacy.1975.229.3.570 Архивировано из первоисточника 27 Մարտի 2019.
  10. ↑ David Fernández-Blanco, Melody Philippon, Christoph von Hagke Structure and kinematics of the Sumatran Fault System in North Sumatra (Indonesia) // Tectonophysics. — 2016-12. — Т. 693. — С. 453–464. — ISSN 0040-1951. — doi:10.1016/j.tecto.2016.04.050
  11. ↑ Jolie O'Dell Blogging for Photographers. — 2014-03-26. — doi:10.4324/9780203764183
  12. ↑ Michael Upshall How content is searched for and (hopefully) retrieved // Content Licensing. — Elsevier, 2009. — С. 125–143. — ISBN 9781843343332.
  13. ↑ Flowserve delays Q2, Q3 SEC filings // Pump Industry Analyst. — 2004-11. — В. 11. — Т. 2004. — С. 16. — ISSN 1359-6128. — doi:10.1016/s1359-6128(04)00576-2
  14. ↑ Christoph Seehaus YouTube-Videos interaktiv gestalten // Video-Marketing mit YouTube. — Wiesbaden: Springer Fachmedien Wiesbaden, 2016. — С. 11–19. — ISBN 9783658102562, 9783658102579.
  15. ↑ Lei Li Toward Understanding Review Usefulness: A Case Study on Yelp Restaurants // iConference 2016 Proceedings. — iSchools. — ISBN 9780988490024. — doi:10.9776/16536
  16. ↑ 16,0 16,1 Assessing Brand Health Risk.
  17. ↑ Efraim Turban, Judy Strauss, Linda Lai Implementing Social Commerce Systems // Springer Texts in Business and Economics. — Cham: Springer International Publishing, 2016. — С. 265–289. — ISBN 9783319170275, 9783319170282.
  18. ↑ 18,0 18,1 18,2 Jennifer Rowley Understanding digital content marketing // Journal of Marketing Management. — 2008-07-07. — В. 5—6. — Т. 24. — С. 517–540. — ISSN 1472-1376 0267-257X, 1472-1376. — doi:10.1362/026725708x325977
  19. ↑ Dinesh Badyal Chapter-04 Pharmacy Preparations // Medical Statistics and Demography Made Easy. — Jaypee Brothers Medical Publishers (P) Ltd., 2008. — С. 21–29. — ISBN 9788184483536.
  20. ↑ «If Donald Trump implements his proposed policies, we'll see him in court». Human Rights Documents Online. Վերցված է 2019 թ․ մարտի 28-ին.
  21. ↑ Election Campaigning in East and Southeast Asia / Christian Schafferer. — Routledge, 2017-05-15. — ISBN 9781315256832
  22. ↑ Tak-him, Terence Cheng Neuroprotective effect of green tea extracts. — The University of Hong Kong Libraries.
  23. ↑ Kilburn, John Maurice, (13 Jan. 1885–1 April 1965), Dir Makum (Assam) Tea Coy, Ltd, Dekhari Tea Company, Ltd, Namdang Tea Co. Ltd, Eastern Assam Tea Company, Ltd, Amgoorie Tea Estates Ltd, Badulipar Tea Co. Ltd, Rajah Alli Tea Estates Ltd, Balijan Tea Co. Ltd // Who Was Who. — Oxford University Press, 2007-12-01.
  24. ↑ Danny Wedding Quo Vadis, Donald Trump?Quo Vidas, Donald Trump? // PsycCRITIQUES. — 2017. — В. 4545. — Т. 6262. — ISSN 1554-0138 1554-0138, 1554-0138. — doi:10.1037/a0041124
  25. ↑ Umeh, Jude C. The world beyond digital rights management. — Swindon: British Computer Society, 2007. — 1 online resource (xxiii, 285 pages) с. — ISBN 9781906124540, 190612454X
  26. ↑ Kenneth K. Boyer, Roger Hallowell, Aleda V. Roth E-services: operating strategy-a case study and a method for analyzing operational benefits(անգլ.) // Journal of Operations Management. — 2002-4. — В. 2. — Т. 20. — С. 175–188. — doi:10.1016/S0272-6963(01)00093-6

Գրականություն

[խմբագրել | խմբագրել կոդը]
  • Стелзнер М. Контент-маркетинг. Новые методы привлечения клиентов в эпоху Интернета. — Манн, Иванов и Фербер, 2012. — 250 с. 
  • Каплунов Д. Контент, маркетинг и рок-н-ролл. Книга-муза для покорения клиентов в интернете. — Манн, Иванов и Фербер, 2014. — 440 с. — ISBN 978-5-91657-862-1
  • Пулицци Д., Роуз Р. Управление контент-маркетингом. Практическое руководство по созданию лояльной аудитории для вашего бизнеса. — Манн, Иванов и Фербер, 2014. — 220 с. — ISBN 978-5-00057-076-0

Արտաքին հղումներ

[խմբագրել | խմբագրել կոդը]
  • Custom Content Council — U.S. trade association of custom media and content marketing providers. (Formerly, Custom Publishing Council.)
LNB: 000348879 · Microsoft: 178408851 · NKC: ph1060952
Ստացված է «https://hy.wikipedia.org/w/index.php?title=Կոնտենտ_մարքեթինգ&oldid=9523413» էջից