Լևենտ (Ստամբուլ)

Լևենտ
Բնակավայր
	Լևենտ
Երկիր	Թուրքիա
Համայնք	Ստամբուլի մարզ և Բեշիքթաշ
Մակերես	1,1 կմ²
Բնակչություն	▼2794 մարդ (2023)
Ժամային գոտի	UTC+3 և TRS?
Հեռախոսային կոդ	212
Փոստային դասիչ	34330
Ավտոմոբիլային կոդ	34
	Լևենտ (Ստամբուլ) (Թուրքիա)
	Լևենտ (Ստամբուլ) (Թուրքիա)
	Լևենտ Վիքիպահեստում

Անվան այլ կիրառումների համար տե՛ս՝ Լևենտ (այլ կիրառումներ)

Լևենտ (թուրքերեն՝ Levent), Ստամբուլի գործարար կենտրոնը, որը տեղակայված է Ստամբուլի եվրոպական հատվածում։ Գտնվում է Բեշիկթաշ թաղամասի կազմում, որը տեղակայված է Ոսկեղջյուրի հյուսիսային մասում՝ Բոսֆորի արևմտյան ափին։ Լևենտը մրցակցում է հարևանությամբ տեղակայված Մասլակ թաղամասի հետ՝ էլիտար երկնաքերերի կառուցման քանակով^[5]։ Լևենտում է գտնվում Ստամբուլի ամենաբարձր երկնաքերը՝ 54 հարկանի «Սապֆիրը»^[6], որը ունի 261 մետր բարձրություն, ներառյալ նաև ծայրաձողը^[6]։

Անվան ծագում

Կանիոն շոփինգ կենտրոնը Լևենտում՝ Սապֆիր երկնաքերի ֆոնի վրա

Seabus նավը Բոսֆորում, երկրորդ պլանում Լևենտ թաղամասն է, ձախից առաջինը ՝ Սապֆիր երկնաքերը

«Լևենտ» բառը ունի մի քանի նշանակություն։ Լևենտը Թուրքիայում տարածված տղամարդու անուն է։ Բառը առաջացել է Levend բառից, որը Օսմանյան կայսրությունում նշանակում էր «ծովային զինվոր», որն էլ իր հերթին առաջացել է Levantino (լեվանտացի) բառից, որն էլ իտալերենում նշանակում է «մարդ Լեվանտից» (Արևելյան Միջերկրականից)։ Ջենովացիները և վենետիկցիները, որոնք Ստամբուլում հիմնել էին իրենց գաղութները, թուրք նավագնացներին անվանում էին Levend։ Այս բառը թուրքերենում սկսվել է օգտագործվել սկսած 16-րդ դարից։

18-րդ դարում այս անվանումը սկսեց կիրառվել Ստամբուլի արվարձաններում, քանի որ XVIII—XIX դարերում օսմանյան նավատորմի ծովակալ Ջեզաիրլի Գազի Հասան փաշան այնտեղ կառուցեց ռազմածովային ուժերի զորանոցներ։

Մոտակա Իստինյե թաղամասը, որը գտնվում է Բոսֆորի եվրոպական ափին, նույնպես եղել է կարևոր ռազմաստրատեգիական տարածք և այստեղ կառուցվել են մեծ քանակությամբ նավաշինարաններ։ Ռազմական նշանակության մյուս կարևոր օբյեկտները տեղակայված են եղել Ստամբուլի ասիական հատվածում։