«Լյուցիֆեր» (անգլ.՝ Lucifer), ամերիկյան ֆենտեզի ժանրի կատակերգական-դրամատիկ հեռուստասերիալ է՝ հիմնված Նիլ Գեյմանի, Սեմ Քիթի և Մայք Դրինգենբերգի «Ավազե մարդը» կոմիքսների գրքի սփին-օֆֆ «Լյուցիֆեր» կոմիքս գրքի վրա՝ տպագրված Vertigo հրատարակչության կողմից DC Comics-ի կնիքով, գրված Մայք Քերիի և ընդլայնված Թոմ Կափինոսի կողմից։ Հեռուստասերիալը մեկնարակել է 2016 թ. հունվարի 25-ին Fox հեռուստաալիքով[9][10]։ 2016 թ. ապրիլի 7-ին հեռուստասերիալը երկարաձգվեց երկրորդ եթերաշրջանով[11], որն սկսվել է 2016 թ. սեպտեմբերի 19-ին[12]։
Հեռուստասերիալի գլխավոր հերոսը Լյուցիֆեր Մորնինգսթարն է՝ դժոխքի արքան, «ով հոգնել է իր պաշտոնից, թողել իր գահն ու թագավորությունը և բնակություն հաստատել Լոս Անջելեսում, որտեղ օգնում է տեղի ոստիկանությանը պատժել հանցագործներին»[13]։ Լյուցիֆերն իր սատանա օգնական Մազիքինի հետ տնօրինում է «Lux» բարը։ Երբ Լյուցիֆերի շնորհիվ հայտնի դարձած աստղը սպանվում է նրա ակումբի մոտ, Լյուցիֆերը ներգրավվում է Լոս Անջելեսի ոստիկանությունում, որպեսզի օգնի դետեկտիվ Քլոե Դեքերին գտնել մեղավորներին և պատժել նրանց։